(ប៉េកាំង)៖ ប្រព័ន្ធផ្សព្វផ្សាយរដ្ឋចិនបានរាយការណ៍នៅថ្ងៃព្រហស្បតិ៍ថា ចំនួនអ្នកស្លាប់ដោយសារគ្រោះរអិលបាក់ដីនៅទីក្រុងចុងឈីង (Chongqing) ភាគនិរតីប្រទេសចិន កាលពីសប្តាហ៍មុន បានកើនឡើងដល់ ១១នាក់ហើយ ខណៈដែលមនុស្ស ៥០នាក់ផ្សេងទៀតកំពុងបាត់ខ្លួន និង ១០នាក់រងរបួស។

ទីភ្នាក់ងារសារព័ត៌មាន Xinhua បានបញ្ជាក់ថា ក្រុមសង្គ្រោះជំនាញកំពុងបន្តប្រតិបត្តិការយ៉ាងសកម្ម ដើម្បីរុករកសាកសពជនរងគ្រោះដែលបាត់ខ្លួននៅក្រោមគំនរដី។ គួររំលឹកថា គ្រោះមហន្តរាយបាក់ស្រុតជម្រាលភ្នំដ៏រន្ធត់នេះ បានកើតឡើងកាលពីថ្ងៃទី១៧ ខែកក្កដា ដោយរបាយការណ៍បឋមបានបញ្ជាក់ថាមានអ្នកស្លាប់ត្រឹមតែ ៨នាក់ប៉ុណ្ណោះ មុនពេលតួលេខនេះបន្តកើនឡើងបន្ថែមទៀត៕