(ប៉េកាំង)៖ នាពេលថ្មីៗនេះ លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិន បានផ្តល់អនុសាសន៍ណែនាំសំខាន់សម្រាប់ការងារ ស្តីពីការអប់រំជាមូលដ្ឋាន ដោយបានលើកឡើងថា ចាប់ពីសមាជបក្សកុម្មុយនីស្តចិនលើកទី១៨មក មជ្ឈិមបក្សកុម្មុយនីស្តចិន បានចាត់ទុកការអប់រំជាមូលដ្ឋានជាការងារមូលដ្ឋាននិងការងារជាអាទិភាព និងអនុវត្តវិធានការជាច្រើនដើម្បីជំរុញការអប់រំ ជាមូលដ្ឋានឱ្យអភិវឌ្ឍក្នុងរយៈពេលយូរ និងផ្តល់ការគាំទ្រយ៉ាងមុតមាំ សម្រាប់ការកសាងប្រទេសខ្លាំងក្លាខាងវិស័យអប់រំ។

លោក Xi Jinping បានលើកឡើងថា ត្រូវតែគោរពតាមក្រឹត្យក្រមនៃការអប់រំ អនុវត្តគំនិតអប់រំដែលចាត់ទុក សុខភាពជាអាទិភាព លើកកម្ពស់គុណភាពនៃការអប់រំ ជំរុញសុខភាពខាងផ្លូវកាយនិងផ្លូវចិត្ត និងការលូតលាស់របស់សិស្សានុសិស្ស។ ត្រូវសមស្របទៅតាមបមណងប្រាថ្នារបស់ប្រជាជន ជំរុញការលើកកម្ពស់គុណភាព នៃការអប់រំជាមូលដ្ឋាន ក្តាប់ជាប់បន្ទាត់ក្រហមនៃសមភាពខាងការអប់រំ។ត្រូវផ្សព្វផ្សាយស្មារតីរបស់អ្នកអប់រំ បង្កើនការកសាងក្រមសីលធម៌និងឥរិយាបថរបស់គ្រូបង្រៀន បណ្តុះបណ្តាលក្រុមគ្រូបង្រៀនដែលមានគុណភាពខ្ពស់ និងប្រកបដោយវិជ្ជាជីវៈ។ គណៈកម្មការបក្សនិងរដ្ឋបាលគ្រប់ជាន់ថ្នាក់ ត្រូវតែទទួលខុសត្រូវខាងនយោបាយយ៉ាងម៉ឺងម៉ាត់ ធ្វើប្រសើរឡើងនូវការបែងចែកធនធានសាលារៀន ធ្វើឱ្យកំណែទម្រង់ការអប់រំចម្រុះមានភាពកាន់តែស៊ីជម្រៅ និងជំរុញកិច្ចខិតខំប្រឹងប្រែងរួម រវាងសាលារៀន គ្រួសារ និងសង្គម ដើម្បីត្រួសត្រាយជាបន្តបន្ទាប់នូវនិម្មាបនកម្មថ្មី នៃការអភិវឌ្ឍនៃការអប់រំជាមូលដ្ឋានប្រកបដោយគុណភាពខ្ពស់៕

វិទ្យុមិត្តភាពកម្ពុជាចិន