ក្រសួងការបរទេសចិន ឆ្លើយតបម្តងទៀតចំពោះករណីបង្ករឿងដោយចេតនារបស់ហ្វីលីពីន៖ ដាស់តឿនប្រទេសពាក់ព័ន្ធបញ្ឈប់ការញុះញង់ឱ្យមានការប្រឈមមុខដាក់គ្នា
24-07-2026 16:53
(ប៉េកាំង)៖ ថ្ងៃទី២២ ខែកក្កដា លោក Lin Jian អ្នកនាំពាក្យក្រសួងការបរទេសចិន បានធ្វើជាអធិបតីក្នុងសន្និសីទសារព័ត៌មានជាប្រចាំ។មានអ្នកសារព័ត៌មានបានលើកសំណួរស្តីពីករណីដែលហ្វីលីពីន បានបង្ករឿងដោយចេនានៅថ្មប៉ប្រះទឹក Ren'ai និងធ្វើការវាយប្រហារចំពោះបុគ្គលិកអនុវត្តច្បាប់របស់ឆ្មាំសមុទ្រចិន។
ទាក់ទិននឹងករណីនេះ លោក Lin Jian បានលើកឡើងថា ភាគីចិនបានអធិប្បាយរួចហើយពីគោលជំហរយ៉ាងម៉ឺងម៉ាត់របស់ខ្លួនពាក់ព័ន្ធនឹងករណីដែលបុគ្គលិកហ្វីលីពីន បានធ្វើការវាយប្រហារដោយចេតនា ចំពោះបុគ្គលិកអនុវត្តច្បាប់របស់ចិន។ ប៉ុន្តែប្រទេសមួយចំនួនមិនអើពើពីការពិត ដែលហ្វីលីពីនបានបង្ករឿងនិងរំលោភអធិបតិយ្យភាពចិន ហើយមកចោទប្រកាន់ប្រទេសចិនដោយគ្មានមូលហេតុ ព្រមទាំងឃោសនាបំប៉ោងម្តងហើយម្តងទៀត នូវអ្វីគ្មានប្រសិទ្ធភាពដែលហៅថា “ការកាត់ក្តីនៃសំណុំរឿងមជ្ឈត្តកម្មសមុទ្រចិនខាងត្បូង” ដែលគ្មានប្រសិទ្ធភាពនិងខុសច្បាប់។ ភាគីចិនប្រឆាំងយ៉ាងដាច់ខាតចំពោះករណីនេះ។ក្រោមកិច្ចខិតខំប្រឹងប្រែងរបស់ប្រទេសចិន និងប្រទេសអាស៊ាន ស្ថានការណ៍សមុទ្រចិនខាងត្បូងនាពេលបច្ចុប្បន្នមានស្ថិរភាពជាទូទៅ ការដែលហ្វីលីពីនបង្ករឿងដោយចេតនាជាដើមហេតុ ដែលបណ្តាលកើតមានភាពតានតឹងលើសមុទ្រ។
ភាគីចិនដាស់តឿនប្រទេសពាក់ព័ន្ធឱ្យបញ្ឈប់ ការបង្កភាពតានតឹងនិងញុះញង់ឱ្យមានការប្រឈមមុខដាក់គ្នា គោរពយ៉ាងប្រាកដប្រជានូវកិច្ចខិតខំប្រឹងប្រែងរបស់ប្រទេសក្នុងតំបន់ ក្នុងការគាំពារសន្តិភាពនិងស្ថិរភាពសមុទ្រចិនខាងត្បូង៕
វិទ្យុមិត្តភាពកម្ពុជាចិន
