(មូស្គូ)៖ អាជ្ញាធររុស្ស៉ីក្នុងតំបន់ បានឱ្យដឹងនៅថ្ងៃសៅរ៍នេះថា ការវាយប្រហារដោយយន្តហោះដ្រូនរបស់អ៊ុយក្រែន បង្កឱ្យមានអគ្គិភ័យនៅឯរោងចក្រចម្រាញ់ប្រេង Tyumen ដែលស្ថិតនៅតំបន់ស៉ីបេរីភាគខាងលិច។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសៅរ៍ ទី២៥ ខែកក្កដា ឆ្នាំ២០២៦។

លោក Alexander Moor អភិបាលតំបន់ Tyumen និយាយថា ក្រុមសង្គ្រោះបន្ទាន់កំពុងបំពេញការងារនៅកន្លែងកើតហេតុ ដោយមិនផ្តល់ព័ត៌មានលម្អិតបន្ថែម។ រោងចក្រចម្រាញ់ប្រេងនេះ មានសមត្ថភាពផលិតប្រហែល ៨លានតោនក្នុងមួយឆ្នាំ។ បេីយោងតាមការប៉ាន់ស្មាន ជារៀងរាល់ឆ្នាំ រោងចក្រនេះអាចចម្រាញ់ប្រេងឆៅបានប្រហែល ៦លានតោន ដោយផលិតបានប្រេងសាំងប្រហែល ០,៥លានតោន និងប្រេងម៉ាស៊ូត ២,៥លានតោន។

វាគឺជាការវាយប្រហារថ្មីទៅលើទីតាំងមួយដែលមានចម្ងាយជាង ២ ០០០គីឡូម៉ែត្រពីប្រទេសអ៊ុយក្រែ និងបានសបញ្ជាក់អំពីការពង្រីកវិសាលភាពនៃយុទ្ធនាការប្រើប្រាស់ដ្រូនរយៈចម្ងាយឆ្ងាយរបស់ទីក្រុងកៀវ ដើម្បីកំណត់គោលដៅលើហេដ្ឋារចនាសម្ព័ន្ធថាមពលរបស់រុស្ស៉ី៕