(តូក្យូ)៖ មកដល់ថ្ងៃសៅរ៍ ទី២៥ ខែកក្កដា ឆ្នាំ២០២៦ ជប៉ុនបានកត់ត្រាទុកនូវថ្ងៃដ៏ក្តៅហួតហែងកេីតឡេីង ៥ថ្ងៃជាប់ៗគ្នា ដែលជាពាក្យបច្ចេកទេសឧតុនិយមថ្មីមួយត្រូវបានបង្កើតឡើងក្នុងឆ្នាំនេះ សម្រាប់ឱ្យប្រជាជសម្គាល់អំពីកម្តៅលើស ៤០អង្សាសេ ខណៈអាជ្ញាធរក៏បានចេញការព្រមានអំពីជំងឺដាច់សរសៃឈាម​ (heatstroke) នៅតំបន់មួយចំនួននៃប្រទេស។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន AFP។

ទីភ្នាក់ងារឧតុនិយមជប៉ុន ហៅកាត់ JMA បានឱ្យដឹងថា សីតុណ្ហភាពក្នុងទីក្រុងចំនួន ៦នៅតំបន់ភាគកណ្តាលប្រទេស រួមទាំងទីក្រុងខេត្ត Aichi និង Gifu បានកេីនដល់ជាង ៤០អង្សាសេ។​ តាមទីភ្នាក់ងារគ្រប់គ្រងអគ្គីភ័យ និងគ្រោះមហន្តរាយជប៉ុន ចន្លោះថ្ងៃទី១៣ ដល់ថ្ងៃទី១៩ ខែកក្កដា មនុស្សជិត ១១ ០០០នាក់ បានស្វែងរកសេវាសុខាភិបាលបន្ទាន់។ មនុស្ស ១៤នាក់ក្នុងចំណោមនោះ បានស្លាប់នៅពេលបញ្ជូនមកដល់មន្ទីរពេទ្យ។

គួរបញ្ជាក់ថា អត្រាអ្នកស្លាប់ដោយសារបញ្ហាអាកាសធាតុក្តៅខ្លាំងនៅជប៉ុនមានប្រហែល ១ ៣០០នាក់ក្នុងមួយឆ្នាំ។ ជប៉ុនមានគោលដៅកាត់បន្ថយចំនួននោះឱ្យនៅពាក់កណ្តាល នាឆ្នាំ២០៣០៕