(បាកដាដ)៖ ក្រុមសកម្មប្រយុទ្ធ PMF បានឱ្យដឹងថា ការវាយប្រហាររួមគ្នារវាងសហរដ្ឋអាមេរិក-អារ៉ាប៊ីសាអូឌីតលើប្រទេសអ៉ីរ៉ាក់ នាថ្ងៃពុធ ទី២៩ ខែកក្កដា ឆ្នាំ២០២៦ បានសម្លាប់សមាជិករបស់ខ្លួនយ៉ាងហោច២០នាក់។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។

ក្រុម PMF ដែលជាផ្លូវការ គឺឥឡូវត្រូវបានធ្វើសមាហរណកម្មចូលក្នុងកងកម្លាំងប្រដាប់អាវុធរបស់អ៉ីរ៉ាក់ហើយនោះ បានរាយការណ៍ថា សមាជិករបស់ខ្លួនយ៉ាងហោចណាស់២០នាក់ បានបាត់បង់ជីវិត និង៣២នាក់ផ្សេងទៀតបានទទួលរងរបួស បន្ទាប់ពីមានការវាយប្រហាររបស់អាមេរិកនិងអារ៉ាប៊ីសាអូឌីត លើមូលដ្ឋានរបស់ខ្លួនក្នុងខេត្តសរុបចំនួន៧នៅអ៉ីរ៉ាក់។

គួរបញ្ជាក់ថា បើតាមយោធាអាមេរិក ការវាយប្រហារខាងលើ គឺជាការសងសឹកធ្វើឡើងដោយកងយន្តហោះចម្បាំងអាមេរិកនិងអារ៉ាប៊ីសាអូឌីត ហើយត្រូវចំទីតាំងឡូជីស្ទីគនិងអាវុធ នៅតំបន់ភាគខាងកើតប្រទេសអ៉ីរ៉ាក់ ជាកម្មសិទ្ធិរបស់ក្រុមភេរវករ​ដែលគាំទ្រដោយអ៉ីរ៉ង់។ រីឯក្រសួងការពារជាតិអារ៉ាប៊ីសាអូឌីត ក៏បាននិយាយដែរថា ក្រុមកងជីវពលភេរវករ ដែលស្មោះស្ម័គ្រនឹងអ៉ីរ៉ង់ គឺជាអ្នកនៅពីក្រោយការវាយប្រហារថ្មីៗនេះ លើហេដ្ឋារចនាសម្ព័ន្ធប្រេងរបស់ទីក្រុងរីយ៉ាដ៕