(ឡាហាវ៉ាន)៖ ប្រតិបត្តិករបណ្ដាញអគ្គិសនីរបស់រដ្ឋនៅគុយបា បានឲ្យដឹងថា ប្រព័ន្ធបណ្ដាញអគ្គិសនីរបស់ ប្រទេសដែនកោះតំបន់សមុទ្រ Caribbean មួយនេះ បានលែងដំណើរការជាថ្មីទៀត នៅថ្ងៃអាទីត្យ ទី២ ខែសីហា ឆ្នាំ២០២៦ ជាហេតុធ្វើឲ្យកោះទាំងមូល ធ្លាក់ចូលក្នុងភាពងងឹត។ គុយបាបានប្រឈមមុខនឹង បញ្ហាដួលរលំទាំងស្រុងម្តងហើយម្តងទៀត នៃបណ្ដាញអគ្គិសនីរបស់ខ្លួន ចាប់តាំងពីសហរដ្ឋអាមេរិក បានដាក់ទណ្ឌកម្មថាមពល ដែលបានបញ្ឈប់ការផ្គត់ផ្គង់ប្រេងឥន្ធនៈជាប្រចាំ សម្រាប់ស្ថានីយផលិតអគ្គិសនី។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។

ក្រុមហ៊ុនអគ្គិសនី UNE បានឲ្យដឹងតាមបណ្ដាញសង្គមថា បណ្ដាញផ្គត់ផ្គង់អគ្គិសនីជាតិរបស់គុយបា បានលែងដំណើរការ កាលពីថ្ងៃអាទិត្យ បណ្ដាលឲ្យមានការដាច់ចរន្តអគ្គិសនីទូទាំងប្រទេសជាថ្មី។ គុយបាកំពុងជួបប្រទះបញ្ហាដាច់ចរន្តអគ្គិសនីជាបន្តបន្ទាប់ ដោយសារឧបករណ៍ចាស់ៗស្រាប់ បូករួមជាមួយការដាក់ទណ្ឌកម្មថាមពលពីអាមេរិក ដែលបានផ្អាកការផ្គត់ផ្គង់ឥន្ធនៈ សម្រាប់ស្ថានីយអគ្គិសនីរបស់ខ្លួន។

UNE ដែលជាក្រុមហ៊ុនរដ្ឋ បានប្រកាសថា មានការដាច់ទាំងស្រុងនៃប្រព័ន្ធផ្គត់ផ្គង់អគ្គិសនីជាតិ ដែលធ្វើឲ្យប្រទេសទាំងមូល រួមទាំងរដ្ឋធានីការ៉ាកាស ធ្លាក់ចូលក្នុងភាពងងឹតភ្លាមៗ។ វាគឺជាការដាច់ថ្មីចុងក្រោយបង្អស់ នៃការដាច់ចរន្តអគ្គិសនីទាំងស្រុងៗ ដែលបានកើតម្តងហើយម្តងទៀត។ កាលពី២៤ម៉ោងមុននោះទៀត តំបន់ភាគខាងលិចទាំងមូលនៃប្រទេសគុយ ក៏បានដាច់ចរន្តអគ្គិសនីផងដែរ។

ការដាច់ចរន្តអគ្គិសនីទាំងនេះ បានធ្វើការរស់នៅជាធម្មតា ស្ទើរតែមិនអាចទៅរួច ដោយរាល់ការដាច់ចរន្តអគ្គិសនី ក៏មានន័យថា ការផ្គត់ផ្គង់ទឹកត្រូវខ្វះខាត ហើយកង្ហារក៏ឈប់ដំណើរការ។ វាជាសម្ពាធដែលកាន់តែរីកធំឡើងៗ សម្រាប់សង្គមមួយ ដែលធ្លាប់ជួបការលំបាករួចស្រេច ប៉ុន្តែឥឡូវនេះ ត្រូវជាប់គាំងក្នុងវិបត្តិអូសបន្លាយរាប់ខែ ដែលគ្មានទីបញ្ចប់ច្បាស់លាស់ថែមទៀត។

ក្រសួងថាមពលគុយបា បានឲ្យដឹងថា កិច្ចប្រឹងប្រែងស្តារការផ្គត់ផ្គង់អគ្គិសនីឡើងវិញ កំពុងតែប្រព្រឹត្តទៅ។ ទីក្រុងវ៉ាស៊ីនតោន បានអនុញ្ញាតឲ្យកប៉ាល់ដឹកប្រេងរុស្ស៊ីតែមួយគ្រឿងប៉ុណ្ណោះ ដែលផ្ទុកប្រេងឆៅ ១០០ ០០០តោន ចូលទៅគុយបា កាលពីខែមីនា។ ប្រេងទាំងនោះ មកទល់ពេលនេះ ទំនងជាត្រូវបានបានប្រើប្រាស់អស់បាត់ទៅហើយ។

បន្ថែមពីលើការដាក់ទណ្ឌកម្មប្រេង រដ្ឋបាលប្រធានាធិបតីអាមេរិក លោក ដូណាល់ ត្រាំ បានបង្កើនទណ្ឌកម្មប្រឆាំងនឹងក្រុមហ៊ុនរដ្ឋគុយបា ដែលជំរុញឲ្យក្រុមហ៊ុនបរទេសជាច្រើន ផ្អាកប្រតិបត្តិការនៅក្នុងប្រទេសនេះ។ មិនតែប៉ុណ្ណោះ សហរដ្ឋអាមេរិក ក៏បានចោទប្រកាន់អតីតប្រធានាធិបតីគុយបា Raul Castro ដែលជាបងប្រុសរបស់មេដឹកនាំបដិវត្តន៍ លោក Fidel Castro ពាក់ព័ន្ធករណីបាញ់ទម្លាក់យន្តហោះស៊ីវិលពីរគ្រឿង កាលពី៣ទសវត្សរ៍មុន ថែមទៀតផង។

គួរបញ្ជាក់ថា ការចរចាគ្នារវាងទីក្រុងហាឡាវ៉ាន និងទីក្រុងវ៉ាស៊ីនតោន ហាក់ដូចជាមិនសម្រេចបានលទ្ធផលអ្វីច្រើននោះទេ។ ទីក្រុងហាឡាវ៉ាន បានអនុវត្តកំណែទម្រង់ទីផ្សារសេរីជាបន្តបន្ទាប់ ដើម្បីជំរុញសេដ្ឋកិច្ចរបស់ខ្លួន៕