(បែរឡាំង)៖ នៅថ្ងៃសៅរ៍នេះ អាជ្ញាធរបានឱ្យដឹងថា យន្តហោះដ្រូន ២គ្រឿង ត្រូវបានគេប្រទះឃើញនៅពីលើមូលដ្ឋានយោធាមួយ ភាគខាងលិចប្រទេសអាល្លឺម៉ង់ កាលពីថ្ងៃព្រហស្បតិ៍សប្តាហ៍នេះ ពីរថ្ងៃក្រោយដ្រូនវាយប្រហារមួយគ្រឿងត្រូវបានរកឃើញនៅជិតផ្លូវរត់នៃអាកាសយានដ្ឋាន Leipzig/Halle នៅភាគខាងកើតនៃប្រទេស។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសៅរ៍ ទី៨ ខែសីហា ឆ្នាំ២០២៦។

អ្នកនាំពាក្យកងកម្លាំងប្រដាប់អាវុធអាល្លឺម៉ង់ និយាយថា គេបានប្រទះឃើញដ្រូន នៅវេលាម៉ោងប្រហែល ១០យប់ថ្ងៃព្រហស្បតិ៍ នៅឯមូលដ្ឋានក្នុងទីក្រុង Mechernich ក្នុងរដ្ឋ North Rhine-Westphalia ដែលមានចម្ងាយប្រហែល ៣៥គីឡូម៉ែត្រពីព្រំដែនប្រទេសបែលហ្ស៉ិក។

កងប៉ូលិសយោធាត្រូវបានដាក់ពង្រាយភ្លាមៗ បន្ទាប់ពីមានការបញ្ជាក់អំពីការប្រទះឃើញនោះ ហើយករណីនេះត្រូវបានប្រគល់ទៅឱ្យប៉ូលិសក្រុង Euskirchen ដែលនៅក្បែរនោះ។ អ្នកនាំពាក្យបានឱ្យដឹងថា ប៉ូលិសកំពុងធ្វើការស៉េីបអង្កេត ប៉ុន្តែមិនបានផ្តល់ព័ត៌មានលម្អិតបន្ថែមទៀតនោះទេ៕