(Reuters)៖ ចរាចរណ៍នាវាឆ្លងកាត់ច្រកសមុទ្រ Hormuz បានធ្លាក់មកនៅចំនួន ៦គ្រឿងប៉ុណ្ណោះ កាលពីថ្ងៃចន្ទសប្តាហ៍នេះ បើធៀបនឹងរយៈពេលជាមធ្យម ១០ថ្ងៃ គឺមានប្រហែល ១១គ្រឿង ចំពោះមុខភាពស្រពិចស្រពិលនៃកិច្ចព្រមព្រៀង រវាងសហរដ្ឋអាមេរិក និងអ៉ីរ៉ង់។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃអង្គារ ទី១១ ខែសីហា ឆ្នាំ២០២៦។

ទិន្នន័យពីក្រុមហ៊ុនតាមដានចរាចរណ៍ផ្លូវសមុទ្រ Kpler បានបង្ហាញនៅថ្ងៃអង្គារនេះថា នាវាដឹកទំនិញ ៤គ្រឿង រួមទាំងនាវាដឹកផលិតផលប្រេងទទេចំនួន ២គ្រឿង បានចូលទៅច្រកសមុទ្រ Hormuz។ រីឯនាវា ២គ្រឿងទៀត បានចាកចេញនោះគឺនាវាដឹកប្រេងតូចមួយគ្រឿង ដែលផ្ទុកឧស្ម័ន LPG និងនាវាមួយទៀតដឹកប្រេងឥន្ធនៈសំណល់។ នៅមុនសង្គ្រាម ជាធម្មតាមាននាវាប្រហែល ១៣០ ទៅ ១៤០គ្រឿង បានធ្វើដំណើរឆ្លងកាត់ច្រកសមុទ្រនេះ។

Kpler ក៏បានឱ្យដឹងដែរថា នៅថ្ងៃចន្ទ មាននាវាចំនួន ២៥គ្រឿង បានធ្វើដំណើរឆ្លងកាត់ច្រក Bab el-Mandeb នៃសមុទ្រក្រហម ដែលជាចំនួនមិនប្រែប្រួលខ្លាំងទេ បើធៀបនឹងជាមធ្យមរយៈពេល ១០ថ្ងៃ ដែលមាននាវាជិត ២៤គ្រឿង៕