ចិនបដិសេធការចោទប្រកាន់របស់នូវែលសេឡង់ ពាក់ព័ន្ធបញ្ហាចារកម្ម (Video inside)
14-08-2026 16:16
(ប៉េកាំង)៖ ប្រទេសចិន បានបដិសេធការចោទប្រកាន់ ដែលថាខ្លួនកំពុងធ្វើសកម្មភាពស៉ើបការសម្ងាត់ លើប្រទេសនូវែលសេឡង់ និងចាត់ទុកការអះអាង ដែលមានក្នុងរបាយការណ៍វាយតម្លៃលើការគំរាមកំហែងសន្តិសុខនូវែលសេឡង់ ថាកើតចេញពីផ្នត់គំនិតសម័យសង្គ្រាមត្រជាក់។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuetrs នៅថ្ងៃសុក្រ ទី១៤ ខែសីហា ឆ្នាំ២០២៦។
របាយការណ៍វាយតម្លៃលើការគំរាមហែងសន្តិសុខនូវែលេសេឡង់ឆ្នាំ២០២៦ ចេញផ្សាយកាលពីថ្ងៃព្រហស្បតិ៍ គូសបញ្ជាក់ថា ចិនគឺជាប្រទេសតែមួយគត់ ដែលនូវែលសេឡង់រកឃើញថាកំពុងធ្វើចារកម្ម «ក្នុងទ្រង់ទ្រាយធំ»។ ស្ថានទូតចិនប្រចាំទីក្រុង Wellington បានបដិសេធថា វាជាការចោទប្រកាន់មិនពិតប្រឆាំងចិន ឬគ្មានមូលដ្ឋានទាំងស្រុង និងជាការប្រឌិតឡើង។
ចិន ទទូចថាចំណងមិត្តភាពជាមួយនូវែលសេឡង់ គឺផ្អែកលើផលប្រយោជន៍ទៅវិញទៅមក និងកិច្ចសហប្រតិបត្តិការឈ្នះ-ឈ្នះ ហើយបានផ្តល់នូវការដោះដូរផ្នែកពាណិជ្ជកម្ម ការងារ និងការផ្លាស់ប្ដូររវាងប្រជាជន និងប្រជាជន។ ស្ថានទូតចិន បានជំរុញឱ្យនូវែលសេឡង់ ធ្វើការជាមួយប៉េកាំងដើម្បីពង្រឹងទំនុកចិត្តផ្នែកនយោបាយ និងកិច្ចសហប្រតិបត្តិការជាក់ស្តែង៕
