(ឡុងដ៏)៖ នាយករដ្ឋមន្ត្រីចក្រភពអង់គ្លេស លោក Andy Burnham បានប្រកាសនៅថ្ងៃសៅរ៍ ទី១៥ ខែសីហា ថាលោកបានអនុម័តថវិកាបន្ថែមចំនួន ៦៥លានផោន ឬ៨៨លានដុល្លារ សម្រាប់ជួយដល់កសិករដែលរងផលប៉ះពាល់ដោយគ្រោះរាំងស្ងួត បន្ទាប់ពីខែកក្កដាក្លាយជាខែដែលមានភ្លៀងធ្លាក់តិចបំផុតមិនធ្លាប់មាននៅក្នុងប្រទេសអង់គ្លេស និង Wales។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។

នៅលើបណ្តាញសង្គម X លោក Burnham គូសបញ្ជាក់ថា «យើងកំពុងផ្តល់ថវិកាបន្ថែមចំនួន ៦៥លានផោន ដើម្បីជួយដល់កសិករអំឡុងពេលមានគ្រោះរាំងស្ងួតនេះ និងដើម្បីត្រៀមលក្ខណៈសម្រាប់រដូវក្តៅនៅពេលខាងមុខ។ ពួកគេគឺជាអ្នកដែលត្រូវប្រឈមមុខផ្ទាល់ពីបញ្ហាបម្រែបម្រួលអាកាសធាតុ ហើយពួកគេមិនគួរត្រូវបានទុកចោលឱ្យប្រឈមមុខនឹងបញ្ហានេះតែឯងឡេីយ»។

ការគាំទ្របន្ថែមពីសំណាក់រដ្ឋាភិបាល នឹងជួយពង្រឹងកម្មវិធីលើកទឹកចិត្តសម្រាប់ការធ្វើកសិកម្មប្រកបដោយនិរន្តរភាព ព្រមទាំងជួយសម្រួលដល់កសិករក្នុងការសាងសង់អាងស្តុកទឹក និងធ្វើឱ្យការទទួលបានទឹកកាន់តែងាយស្រួលក្នុងអំឡុងពេលមានគ្រោះរាំងស្ងួត៕