(ប៉េកាំង)៖ កាលពីរ​សៀលថ្ងៃទី ១៤ ខែសីហា សកម្មភាព​ចាប់ចាក់ផ្សាយកម្មវិធីគុណភាពខ្ពស់ ឈ្មោះ《មនោសញ្ចាតនារបស់លោក Xi Jinping ចំពោះវប្បធម៌》​ជា​ភាសាអាស៊ែបៃហ្សង់​ដែលបកប្រែនិងផលិត ដោយអគ្គស្ថានីយវិទ្យុនិងទូរទស្សន៍មជ្ឈិមចិនត្រូវបានធ្វើឡើងនៅទីក្រុងបាគូ។ កម្មវិធី​នេះត្រូវបានចាក់ផ្សាយនៅលើ ប៉ុស្តិ៍វប្បធម៌របស់ក្រុមហ៊ុនទូរទស្សន៍ជាតិអាស៊ែបៃហ្សង់​ និងស្ថានីយ៍ទូរទស្សន៍ ARB24 របស់ប្រទេសអាស៊ែបៃហ្សង់ដោយ​ឡែកពីគ្នា។

កម្មវិធី《មនោសញ្ចាតនារបស់លោក Xi Jinping ចំពោះវប្បធម៌》​បានជ្រើសរើសរឿងរ៉ាវដ៏រស់រវើកអំពី លោក Xi Jinping ​ប្រធានរដ្ឋ​ចិន ​​បានយកចិត្ត​ទុកដាក់​ចំពោះ​មរតក​និងការអភិវឌ្ឍវប្បធម៌ ហើយបង្ហាញពីការពិចារណា យ៉ាងស៊ីជម្រៅអំពី “វិបុលភាពរបស់ប្រជាជាតិ​អាស្រ័យលើ វិបុលភាពវប្បធម៌​ ហើយកម្លាំងរបស់ប្រជាជាតិ​អាស្រ័យលើកម្លាំងវប្បធម៌​” ក៏ដូចជាក្តី ស្រឡាញ់យ៉ាងជ្រាលជ្រៅ​អំពីការការពារបេតិកភណ្ឌវប្បធម៌ ​និងការបន្តវេនប្រពៃណីប្រវត្តិសាស្ត្រនិងវប្បធម៌ ដើម្បីពន្យល់ដល់ទស្សនិកជនអន្តរជាតិ អំពីខ្លឹមសារនៃគំនិតវប្បធម៌ របស់លោក Xi Jinping និងមូលដ្ឋានគ្រឹះវប្បធម៌ដ៏ជ្រាលជ្រៅនៃគំនិតអភិបាលកិច្ច របស់លោក Xi Jinping៕

វិទ្យុមិត្តភាពកម្ពុជាចិន