(កៀវ)៖ លោក Mykhailo Fedorov ដែលជាអតីតរដ្ឋមន្រ្តីការពារជាតិអ៊ុយក្រែនត្រូវបានដកតំណែង បានអំពាវនាវឱ្យមានការបោះឆ្នោតអំឡុងពេលនៃសង្គ្រាម នៅក្នុងការអត្ថាធិប្បាយដ៏គួរឱ្យភ្ញាក់ផ្អើលមួយ កាលពីថ្ងៃអង្គារសប្តាហ៍នេះ ដោយលើកឡើងថាអ៊ុយក្រែន កំពុងប្រឈមមុខនឹងវិបត្តិអភិបាលកិច្ច។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃអង្គារ ទី១៩ ខែសីហា ឆ្នាំ២០២៦។

ការអំពាវនាវរបស់លោក Fedorov ធ្វើឡើងតាមវីដេអូបង្ហោះលើគណនី YouTube។ លោកគូសបញ្ជាក់ថា «លទ្ធិប្រជាធិបតេយ្យ មិនគួរត្រូវបានរុស្ស៉ីយកធ្វើជាចំណាប់ខ្មាំងឡើយ។ យើងត្រូវស្វែងរកយន្តការមួយ ដែលមានលក្ខណៈស្របច្បាប់ មានសុវត្ថិភាព និងអាចអនុវត្តបានជាក់ស្តែង ដែលនឹងអនុញ្ញាតឱ្យអ៊ុយក្រែន បន្តដំណើរការលទ្ធិប្រជាធិបតេយ្យយ៉ាងពេញលេញ ទោះជាកំពុងស្ថិតក្នុងស្ថានភាពសង្គ្រាមអូសបន្លាយក៏ដោយ»។

នេះគឺការទាមទារលើកដំបូង ពីសំណាក់ឥស្សរជននយោបាយដ៏សំខាន់មួយរូបរបស់អ៊ុយក្រែន ចាប់តាំងពីរុស្ស៉ីបើកការឈ្លានពាន ហើយដែលនឹងក្លាយជាបញ្ហាប្រឈមផ្ទៃក្នុង សម្រាប់លោកប្រធានាធិបតី វ៉ូឡូឌីមៀ ហ្សេនលេនស្គី។ យ៉ាងនេះក្តី តាមច្បាប់អ៊ុយក្រែន ការបោះឆ្នោតអំឡុងពេលមានសង្គ្រាម គឺជារឿងហាមឃាត់៕