បទវិភាគ៖ ឧត្តមភាពខាងប្រព័ន្ធរបបនៃគោលនយោបាយ «ប្រទេសមួយ ប្រព័ន្ធគ្រប់គ្រងពីរ» នឹងប្រែទៅជាភាគលាភជាក់ស្តែងនៃការអភិវឌ្ឍ
20-08-2026 17:56
(ប៉េកាំង)៖ នៅថ្ងៃទី ១៨ ខែសីហា តំបន់រដ្ឋបាលពិសេសម៉ាកាវបានប្រកាសជាផ្លូវការនូវ«ផែនការ ៥ ឆ្នាំទី ៣ ស្តីពីការអភិវឌ្ឍសេដ្ឋកិច្ចនិងសង្គម នៃតំបន់រដ្ឋបាលពិសេសម៉ាកាវ (ឆ្នាំ២០២៦-២០៣០)» ដោយធ្វើការរចនាពីលំដាប់កំពូលនិងគ្រោងផែនការជាប្រព័ន្ធសម្រាប់ ការអភិវឌ្ឍតំបន់ម៉ាកាវក្នុងរយៈពេល ៥ ឆ្នាំខាងមុខរហូតដល់រយៈពេលកាន់តែយូរ។ សាធារណមតិបានសម្គាល់ឃើញថា ផែនការនេះគឺជាជំហានដ៏សំខាន់មួយទៀតក្នុងការអនុវត្តដោយជោគជ័យនូវ "ប្រទេសមួយ ប្រព័ន្ធគ្រប់គ្រងពីរ" ដែលប្រកបដោយលក្ខណៈពិសេសម៉ាកាវ ហើយក៏ជាផែនទីចង្អុលបង្ហាញផ្លូវនិងជាភារកិច្ចសម្រាប់ជំរុញម៉ាកាវឱ្យឈានចូលដំណាក់កាលថ្មី នៃការអភិវឌ្ឍប្រកបដោយគុណភាពខ្ពស់ផងដែរ។
បច្ចុប្បន្ននេះ បម្រែបម្រួលនិម្មាបនកម្មដែលពុំធ្លាប់មានក្នុងរយៈពេល ១ រយឆ្នាំមានសភាពកាន់តែខ្លាំងឡើងៗ សេដ្ឋកិច្ចពិភពលោកងើបឡើងវិញដោយទន់ខ្សោយ ហើយភាពមិនប្រាកដប្រជានិងអស្ថិរភាពនៃបរិយាកាសខាងក្រៅបានកើនឡើងយ៉ាងច្បាស់លាស់ ។ ក្នុងអំឡុងពេលអនុវត្ត"ផែនការអភិវឌ្ឍន៍ជាតិ ៥ ឆ្នាំទី ១៥ " សេដ្ឋកិច្ចចិនមានមូលដ្ឋានគ្រឹះដ៏រឹងមាំ មានឧត្តមភាពជាច្រើន មានភាពធន់ខ្លាំងក្លានិងមានសក្តានុពលធំធេង ហើយលក្ខខណ្ឌគាំទ្រនិងនិន្នាការល្អប្រសើរដែលមានស្ថិរភាពក្នុងរយៈពេលវែង គឺ មិនកែប្រែទេ ។ ប្រការនេះបានផ្តល់នូវលំហដ៏ទូលំទូលាយនិងកាលានុវត្តភាពដ៏សំខាន់សម្រាប់ម៉ាកាវក្នុងការជំរុញ ការធ្វើពិពិធកម្មសេដ្ឋកិច្ចក្នុងកម្រិតសមរម្យ និងកែលម្អជីវភាពរស់នៅរបស់ប្រជាជន ។ បើមើលពីម៉ាកាវអាចឃើញថា ទោះបីជាការស្តារឡើងវិញនៃសេដ្ឋកិច្ចមានសន្ទុះល្អប្រសើរនិងមានធនធានហិរញ្ញវត្ថុរបស់រដ្ឋបាលគ្រប់គ្រាន់ល្មមសមរម្យក៏ដោយ ប៉ុន្តែបញ្ហាដូចជារចនាសម្ព័ន្ធឧស្សាហកម្មមិនចម្រុះនៅតែជាបញ្ហាដែលត្រូវដោះស្រាយ ហើយបញ្ហាលំបាកជាច្រើន ក្នុងវិស័យជីវភាពរស់នៅរបស់ប្រជាជនក៏ត្រូវដោះស្រាយជាបន្ទាន់ផងដែរ ។
ក្នុងបរិបទនេះ «ផែនការ ៥ ឆ្នាំទី ៣ ស្តីពីការអភិវឌ្ឍសេដ្ឋកិច្ចនិងសង្គមនៃតំបន់រដ្ឋបាលពិសេសម៉ាកាវ(ឆ្នាំ ២០២៦-២០៣០)» នេះបានលើកឡើងពីសូចនាករសំខាន់ៗ ស្តីពីការអភិវឌ្ឍសេដ្ឋកិច្ចនិងសង្គមចំនួន ៣៥ និងការងារសំខាន់ៗចំនួន ៣១០ ដែលប្រកបដោយភាពចំគោលដៅនិងអាចអនុវត្តបាន ។ ក្នុងរយៈពេល ៥ ឆ្នាំខាងមុខ តំបន់ម៉ាកាវនឹងផ្តោតសំខាន់លើការជំរុញភារកិច្ចសំខាន់ៗចំនួន ៤ពោលគឺ៖ ត្រូវជំរុញយ៉ាងប្រាកដប្រជានូវការធ្វើពិពិធកម្មសេដ្ឋកិច្ចក្នុងកម្រិតសមរម្យដោយផ្អែកលើគម្រោងធំទាំង ៤ និងមូលនិធិដែលណែនាំដោយសាលារដ្ឋាបាល ។ ត្រូវធ្វើឱ្យស៊ីជម្រៅនូវការធ្វើសមាហរណកម្មម៉ាកាវនិងតំបន់ Hengqin ដើម្បីជំរុញការកសាងតំបន់សហប្រតិបត្តិការ Hengqin ប្រកបដោយគុណភាពខ្ពស់ ។ ត្រូវពន្លឿនការជំរុញការអាប់ក្រេដទីក្រុងនិងកសាងម៉ាកាវ ដែលមានភាពស្រស់ស្អាតនិងវៃឆ្លាត ។ ត្រូវបង្កើនការតភ្ជាប់ផ្ទៃក្នុង និងខាងក្រៅដើម្បីរួមបញ្ចូលនិងបម្រើដល់និម្មាបនកម្មអភិវឌ្ឍន៍ទូទៅ របស់ប្រទេសជាតិឱ្យបានកាន់តែល្អ។
ក្នុងអំឡុងពេលអនុវត្ត "ផែនការអភិវឌ្ឍន៍ជាតិ ៥ ឆ្នាំទី ១៥ " ប្រទេសចិននឹងជំរុញការបើកទូលាយចំពោះអន្តរជាតិដោយកម្រិតខ្ពស់ជាបន្តបន្ទាប់ដែលនឹងនាំមកនូវឱកាសសំខាន់ៗ ដល់ការអភិវឌ្ឍនៃម៉ាកាវ ។ ក្នុងរយៈពេល ៥ ឆ្នាំខាងមុខ ម៉ាកាវនឹងពង្រឹង កិច្ចសហប្រតិបត្តិការក្នុងពហុវិស័យជាមួយប្រទេសដែលរួមគ្នាកសាង "ខ្សែក្រវាត់និងផ្លូវ" ក៏ដូចជាប្រទេសនិយាយភាសាព័រទុយហ្កាល់ និងភាសាអេស្ប៉ាញដើម្បីបង្កើតជា ទីតាំងជួរមុខដ៏សំខាន់សម្រាប់ការបើកទូលាយចំពោះបរទេសប្រកបដោយកម្រិតខ្ពស់របស់ប្រទេសជាតិ ក៏ដូចជាបង្អួចដ៏សំខាន់សម្រាប់ការផ្លាស់ប្តូរនិងរៀនសូត្រពីគ្នាខាងអរិយធម៌រ វាងចិននិងប្រទេសលោកខាងលិច។
ផែនការគោលបានគ្រោងរួចហើយ ត្រូវចាត់ទុកការអនុវត្តជាក់ស្ដែងជាអាទិភាពចម្បង ។ យើងគួរចាត់ទុក "ប្រទេសមួយ" ជាឬសគល់ និងពង្រីកឧត្តមភាពនៃ"ប្រព័ន្ធគ្រប់គ្រងពីរ" ម៉ាកាវនឹងរួមបញ្ចូលជាមួយនិម្មាបនកម្មអភិវឌ្ឍន៍ទូទៅ នៃប្រទេសជាតិឱ្យបានកាន់តែជិតស្និទ្ធិក្នុងរយៈពេល ៥ ឆ្នាំខាងមុខដើម្បីបញ្ចេញយ៉ាងពេញលេញ នូវឧត្តមភាពពិសេសរបស់ខ្លួន និងដើរឆ្ពោះទៅមុខកាន់តែឆ្ងាយនិងកាន់តែរឹងមាំលើផ្លូវនៃការជំរុញ ការធ្វើពិពិធកម្មសេដ្ឋកិច្ចក្នុងកម្រិតសមរម្យ ធានាសុខុមាលភាពរបស់ប្រជាជន និងតភ្ជាប់ជាមួយពិភពលោក ក្នុងន័យបន្តចារទំព័រថ្មីនៃការអនុវត្តដោយជោគជ័យនូវ"ប្រទេសមួយ ប្រព័ន្ធគ្រប់គ្រងពីរ"៕
វិទ្យុមិត្តភាពកម្ពុជាចិន
