(កៀវ)៖ នាយករដ្ឋមន្ត្រីព្រីតថេន លោក Andy Burnham បានប្រកាសនៅថ្ងៃចន្ទនេះថា ព្រីតថេន (ចក្រភពអង់គ្លេស) នឹងបន្តផ្តល់ជំនួយការពារជាតិដល់ប្រទេសអ៊ុយក្រែន បើទោះបីជាមានការគំរាមកំហែងពីរុស្ស៉ីក៏ដោយ ក្នុងអំឡុងពេលដែលលោកបានបំពេញទស្សនកិច្ចទៅកាន់រដ្ឋធានីកៀវ រួមជាមួយថ្នាក់ដឹកនាំអឺរ៉ុបដទៃទៀត។ នេះបើតាមការចេញផ្សាយនៅថ្ងៃទី២៤ ខែសីហា ឆ្នាំ២០២៦។

ថ្លែងក្នុងឱកាសទិវាបុណ្យឯករាជ្យរបស់អ៊ុយក្រែន លោក Burnham បានគូសបញ្ជាក់ដូច្នេះថា «ទោះបីជាមានការគំរាមកំហែងយ៉ាងគឃ្លើនពីរុស្ស៉ីមកលើប្រទេសរបស់ខ្ញុំក៏ដោយ ក៏យើងនឹងបន្តការគាំទ្រចំពោះការការពារជាតិរបស់អ៊ុយក្រែនជានិច្ច»។ ការផ្គត់ផ្គង់ប្រព័ន្ធការពារដែនអាកាស គឺជាអាទិភាពចម្បងនៃកិច្ចប្រជុំសម្ព័ន្ធមិត្ត ខណៈប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានអំពាវនាវឱ្យដៃគូអន្តរជាតិផ្តល់ឱ្យអ៊ុយក្រែននូវ «អ្វីៗគ្រប់យ៉ាងដែលចាំបាច់ដើម្បីបញ្ឈប់សង្គ្រាមនេះ»។

គួរបញ្ជាក់ថា ដំណើរទស្សនកិច្ចនេះធ្វើឡើងចំពេលដែលរុស្ស៉ីបានបង្កើនការវាយប្រហារដោយមីស៊ីលផ្លោង និងយន្តហោះដ្រូនគ្មានមនុស្សបើកយ៉ាងចាស់ដៃលើរដ្ឋធានីកៀវ ដែលបណ្តាលឱ្យជនស៊ីវិលរងគ្រោះកាន់តែច្រើនឡើង៕