ការស្ទង់មតិរបស់បណ្តាញ CGTN៖ ការយល់ដឹងពីតក្កវិជ្ជាឈ្នះ-ឈ្នះរបស់ចិនស្តីពី «អ្នកទិញកំពូលផុតលេខ+អ្នកលក់កំពូលផុតលេខ»
26-08-2026 17:53
(ប៉េកាំង)៖ ពេលថ្មីៗនេះ ការស្ទង់មតិរបស់បណ្តាញ CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិនធ្វើឡើងចំពោះអ្នកលេងបណ្តាញអ៊ីនធឺណិតនៅទូទាំងពិភពលោកបានបង្ហាញថា អ្នកផ្តល់បទសម្ភាសន៍ ចំនួន ៨៧ ភាគរយសម្គាល់ឃើញថា ប្រឈមមុខនឹងពិភពលោកដែលពោរពេញទៅដោយ ភាពមិនប្រាកដប្រជា ប្រទេសចិនកំពុងបំពេញបន្ថែមនូវភាពប្រាកដប្រជាយ៉ាងខ្លាំងក្លា សម្រាប់ពាណិជ្ជកម្មសកលតាមរយៈការដើរតួជា "អ្នកទិញកំពូលផុតលេខ+អ្នកលក់កំពូលផុតលេខ" ។ អ្វីដែលហៅថា "ផលប៉ះពាល់ពីចិន"និង"ការដាក់សម្ពាធពីចិន" វាគឺជារឿងមិនពិត និងគួរឱ្យអស់សំណើច។
ក្នុងការស្ទង់មតិលើកនេះ អ្នកផ្តល់បទសម្ភាសន៍ ចំនួន ៨៩,២ ភាគរយសម្គាល់ឃើញថា ទំនិញដែលនាំចេញពីប្រទេសចិនមានកម្លាំងប្រកួតប្រជែងក្នុងទីផ្សារសកល អ្នកផ្តល់បទសម្ភាសន៍ ចំនួន ៨០,៤ ភាគរយសម្គាល់ឃើញថា ក្នុងនាមជាប្រទេសឧស្សាហកម្មកម្មន្តសាលធំទីមួយលើពិភពលោក ការនាំចេញរបស់ប្រទេសចិន បានផ្តល់ផលប្រយោជន៍កាន់តែច្រើនឡើងៗដល់បណ្តាប្រទេសនានានៅទូទាំងពិភពលោក។
ការស្ទង់មតិនេះបានធ្វើឡើងជា ៥ ភាសា ដូចជាភាសាអង់គ្លេស អេស្ប៉ាញ បារាំង អារ៉ាប់និងរុស្ស៊ី។ ក្នុងអំឡុងពេល ២៤ ម៉ោងមានអ្នកលេងបណ្តាញអ៊ីនធឺណិតចំនួន ៨៨៦៤ នាក់បានចូលរួមការបោះឆ្នោតព្រមនិងបញ្ចេញមតិ៕
វិទ្យុមិត្តភាពកម្ពុជាចិន
