(Reuters)៖ មកដល់ថ្ងៃព្រហស្បតិ៍ ទី២៧ ខែសីហា តម្លៃប្រេងបានធ្លាក់ចុះជាង ១ដុល្លារទៀត ដោយសារមានការរំពឹងទុកថា កិច្ចចរចារវាងអ៉ីរ៉ង់ និងកាតា អាចឈានទៅដល់ការបើកច្រកសមុទ្រ Hormuz ហើយកាត់បន្ថយផលរំខានចំពោះការផ្គត់ផ្គង់ ដែលបណ្តាលមកពីសង្គ្រាមនៅតំបន់មជ្ឈិមបូព៌ា។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

ប្រេងឆៅប្រភេទេ Brent ៨៦,៧៧ដុល្លារក្នុងមួយបារ៉ែល ដែលជាការធ្លាក់ចុះសម្រាប់ថ្ងៃទី ៤ជាប់ៗគ្នា។ ចំណែកប្រេងឆៅអាមេរិក West Texas Intermediate ក៏បានធ្លាក់ចុះមកនៅត្រឹម ៨១,១០ដុល្លារក្នុងមួយបារ៉ែល ដែលជាការធ្លាក់ចុះសម្រាប់ថ្ងៃទី ៥ជាប់ៗគ្នា។

អ៉ីរ៉ង់ និងអូម៉ង់ កំពុងធ្វើការដើម្បីបញ្ចប់សេចក្តីលម្អិតនៃកិច្ចព្រមព្រៀងមួយ ស្តីពីការគ្រប់គ្រងច្រកសមុទ្រ Hormuz។ លោក Daniel Hynes អ្នកវិភាគផ្នែកទីផ្សារ បានលើកឡើងថា តម្លៃប្រេងឆៅបានធ្លាក់ចុះបន្តិច ខណៈដែលលទ្ធភាពនៃការបើកឡើងវិញ នូវច្រកសមុទ្រ Hormuz មានសញ្ញាវិជ្ជមានចំពេលដែលមានការចរចាកំពុងបន្ត ប៉ុន្តែក្តីបារម្ភអំពីការខ្វះខាតប្រេងក្នុងទីផ្សារគឺនៅមាន៕