(កដ្ឋមណ្ឌូ)៖ អាជ្ញាធរនៅនៅប្រទេសនេប៉ាល់ នៅថ្ងៃព្រហស្បតិ៍នេះ បានធ្វើបច្ចុប្បន្នតួលេខមនុស្សស្លាប់កើនដល់ ២៧០នាក់ ក្រោយគ្រោះមហន្តរាយទឹកជំនន់ភ្លាមៗ ដែលបានកើតឡើងកាលពីថ្ងៃពុធ ហើយរាប់រយនាក់ផ្សេងទៀត នៅបន្តបាត់ខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃព្រហស្បតិ៍ ទី២៧ ខែសីហា ឆ្នាំ២០២៦។

មុនពេលប្រកាសតួលេខអ្នកស្លាប់ថ្មីខាងលើ នេប៉ាល់បានរាយការណ៍អ្នកបាត់ខ្លួនសរុប៨២៦នាក់ ក្នុងនោះជិត៥០០នាក់ ជាជនជាតិបរទេស ខណៈចំនួនអ្នកស្លាប់គឺ១៦៥នាក់។ ហេតុការណ៍នេះ បានកើតឡើងនៅតំបន់ព្រំប្រទល់រវាងនេប៉ាល់ និងតំបន់ទីបេនៃប្រទេសចិន។ ដោយឡែក ទីក្រុងប៉េកាំង មិនទាន់ឃើញប្រកាសតួលេខថ្មីនៃអ្នកស្លាប់និងបាត់ខ្លួននៅឡើយទេ ខណៈបើតាមតួលេខចុងក្រោយបំផុត នៅខាងចិនចំនួនអ្នកស្លាប់គឺត្រឹម៣នាក់ដដែល និងបាត់ខ្លួន៥៥៨នាក់ គ្នុងនោះ​២៦០នាក់ជាជនបរទេស។

គួរបញ្ជាក់ថា យោងតាមទីភ្នាក់ងារឃ្លាំមើលរញ្ជួយដីអាមេរិក USGS គ្រោះមហន្តរាយខាងលើ ទំនងជាបង្កឡើងដោយសារតែ​​ការបាត់ស្រុកផ្ទាំងទឹកកកយ៉ាងសម្បើមមួយ។ រដ្ឋាភិបាលអាមេរិក បានប្រកាសផ្តល់ជំនួយបន្ទាន់កន្លះលានដុល្លារ ដល់នេប៉ាល់៕