បទវិភាគ៖ បង្កើតជាវេទកាបើកទូលាយ ចែករំលែកសមិទ្ធផលវៃឆ្លាត៖ ឧស្សាហកម្មមនុស្សយន្តរបស់ចិនផ្តល់ផលប្រយោជន៍ដល់មនុស្សគ្រប់រូបយ៉ាងប្រាកដប្រជា
27-08-2026 17:51
(ប៉េកាំង)៖ "ព្រឹត្តិការណ៍ដ៏អស្ចារ្យនេះបង្ហាញពីការអភិវឌ្ឍយ៉ាងឆាប់រហ័ស នៃវិស័យមនុស្សយន្តទំនើបៗរបស់ចិន" ។ល។ ទាក់ទងនឹងការប្រកួតកីឡាមនុស្សយន្តរូបរាងមនុស្សពិភពលោកលើកទីពីរ ដែលបានប្រារព្ធធ្វើឡើងនៅទីក្រុងប៉េកាំងពីថ្ងៃទី ២២ ដល់ថ្ងៃទី ២៦ ខែសីហា ប្រព័ន្ធផ្សព្វផ្សាយបរទេសជាច្រើនដូចជា ទីភ្នាក់ងារសារព័ត៌មាន AP របស់អាមេរិកនិងវេបសាយកាសែត «Asahi Shinbun» របស់ជប៉ុនជាដើម បានផ្តោតការយកចិត្តទុកដាក់យ៉ាងខ្លាំង និងការវាយតម្លៃយ៉ាងសកម្ម។
ក្នុងរយៈពេលប្រាំថ្ងៃកន្លងទៅ បេក្ខជនចំនួន៦៦៦ក្រុមមកពីប្រទេស ១៦នៃទ្វីបចំនួន ៦ ជាមួយនឹងមនុស្សយន្តចំនួន ២០៥៦ គ្រឿងបានអញ្ជើញចូលរួមការប្រកួតប្រជែង លើវិញ្ញាសាចំនួន ៥១ ដោយរួមគ្នាបង្ហាញពីសមិទ្ធផលវិទ្យាសាស្ត្រនិងបច្ចេកវិទ្យាទំនើបឈានមុខ នៃវិស័យមនុស្សយន្តរូបរាងមនុស្សសកល។
ប៉ុន្មានឆ្នាំចុងក្រោយនេះ មនុស្សយន្តរបស់ចិនបានពន្លឿនជំហានប្រែពីការសិក្សាស្រាវជ្រាវនិងអភិវឌ្ឍក្នុងបន្ទប់ពិសោធន៍ទៅជាការប្រើប្រាស់ជាក់ស្តែងទ្រង់ទ្រាយធំដែលបានបំពេញបន្ថែមនូវកម្លាំងចលករថ្មីសម្រាប់ការអភិវឌ្ឍ ប្រកបដោយគុណភាពខ្ពស់ ។ ទិន្នន័យបានបង្ហាញថា ចាប់តាំងពីឆ្នាំ២០២៦មក ទំហំនាំចេញមនុស្សយន្តរបស់ចិនបានពង្រីកជាបន្តបន្ទាប់ ខណៈពេលរចនាសម្ព័ន្ធ នៃប្រភេទផលិតផលបន្តត្រូវកែលម្អផងដែរ ។ នៅឆមាសទីមួយឆ្នាំនេះ ការនាំចេញមនុស្សយន្តបោសសម្អាតនិងមនុស្សយន្ត បែបជីវសាស្ត្រឆ្លាតវៃមានចំនួន១៨០,៩ពាន់លានយាន់ប្រាក់ចិន ហើយមនុស្សយន្តឧស្សាហកម្ម ត្រូវបានលក់ទៅកាន់ប្រទេសនិងតំបន់ចំនួន ១៤១ ។
ហេតុអ្វីបានជាមនុស្សយន្តរូបរាងមនុស្សរបស់ចិនទទួលបានការអភិវឌ្ឍយ៉ាងឆាប់រហ័ស ? អ្នកវិភាគបានលើកឡើងថា នេះគឺជាលទ្ធផលនៃកត្តាមួយចំនួន ដូចជា ការបង្កើនការគាំទ្រខាងគោលនយោបាយ ប្រព័ន្ធឧស្សាហកម្មដ៏ពេញលេញ សមត្ថភាពផលិតកម្មដ៏ខ្លាំងក្លា ឧត្តមភាពខាងថ្លៃដើមយ៉ាងលេចធ្លោ និងសេណារីយ៉ូកម្មវិធីដ៏សម្បូរបែបរបស់ចិនជាដើម ។ គោលការណ៍សំខាន់ នៃផែនការអភិវឌ្ឍន៍ជាតិ ៥ ឆ្នាំទី ១៥ បានដាក់បញ្ចូលភាពវៃឆ្លាតដែលមានរូបរាងដូចមនុស្សទៅក្នុងរចនាសម្ព័ន្ធជាយុទ្ធសាស្ត្រដ៏សំខាន់ នៃឧស្សាហកម្មនៅពេលអនាគតរបស់ប្រទេសជាតិ ដែលបានបំពេញបន្ថែមនូវកម្លាំ ងចលករកាន់តែច្រើនសម្រាប់ការអភិវឌ្ឍឧស្សាហកម្មមនុស្សយន្តរបស់ចិន។
បើនិយាយចំពោះប្រទេសចិន ការប្រារព្ធធ្វើការប្រកួតកីឡាមនុស្សយន្តរូបរាងមនុស្សពិភពលោក វាមិនត្រឹមតែបានធ្វើឱ្យមនុស្សយន្ត "រត់កាន់តែលឿន លោតកាន់តែខ្ពស់ និងមានភាពប្រើប្រាស់ជាក់ស្តែងកាន់តែខ្លាំងក្លា" ប៉ុណ្ណោះទេ ប៉ុន្តែថែមទាំងបានបង្កើតជា វេទិកាសម្រាប់ជំរុញភាពបើកទូលាយ និងកិច្ចសហប្រតិបត្តិការ សំដៅជំរុញការរីកចម្រើនខាងបច្ចេកវិទ្យានិងការអភិវឌ្ឍនៃឧស្សាហកម្មមនុស្សយន្តសកលផងដែរ។
ផ្កាមួយទងរីកតែឯងមិនមែននិទាឃរដូវទេ ផ្កាគ្រប់ប្រភេទរីកស្គុសស្គាយជាមួយគ្នាទើបជានិទាឃរដូវពេញសួនច្បារ ។ ប៉ុន្មានឆ្នាំចុងក្រោយនេះ ឆ្លងតាមរយៈការរៀបចំធ្វើព្រឹត្តិការណ៍អន្តរជាតិមួយចំនួន ដូចជា កិច្ចប្រជុំបញ្ញាសិប្បនិម្មិតពិភពលោក កិច្ចប្រជុំមនុស្សយន្តពិភពលោកនិងការប្រកួតកីឡាមនុស្សយន្តរូបរាងមនុស្សពិភពលោកជាដើម ប្រទេសចិនបានបង្កើតជាស្ពាន សម្រាប់ពិភពលោកទាំងមូលក្នុងការផ្លាស់ប្តូរផ្នែកបច្ចេកវិទ្យានិងតភ្ជាប់ផលិតកម្មនិងតម្រូវការ ដើម្បីពន្លឿនការដាក់ឱ្យប្រើប្រាស់នៃបច្ចេកវិទ្យា ។ ព្រមពេលជាមួយគ្នានេះ ប្រទេសចិនខំប្រឹងផ្តួចផ្តើមឱ្យជំរុញការបើកទូលាយនិងកិច្ចសហប្រតិបត្តិការផ្នែកប្រភពធនធានបច្ចេកវិទ្យា ផ្តល់កម្មវិធីម៉ូដែលធំបែបបើកទូលាយដែលមានថ្លៃដើមទាបដល់ពិភពលោកដោយស្វ័យម្ចាស់ការ ដែលបានជំរុញការអភិវឌ្ឍនៃប្រទេសសកលខាងត្បូង។
ការប្រកួតប្រជែងឆ្លាតវៃសម្រាប់អនាគត៖ខណៈពេលដែលទិដ្ឋភាពនៃ "មនុស្សយន្តរួមរស់ជាមួយមនុស្សជាតិ ក្នុងនាមជាគិលានុបដ្ឋាយិកានិងអ្នកបម្រើ"បាននិងកំពុងត្រូវបានសម្រេចជាបន្តបន្ទាប់ ពិភពលោកបានមើលឃើញកាន់តែច្បាស់ថា តក្កវិជ្ជានៃការច្នៃប្រឌិតថ្មីផ្នែកបច្ចេកវិទ្យារបស់ប្រទេសចិន គឺជាការបើកទូលាយនិងកិច្ចសហប្រតិបតិ្តការ ការផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះជាប់រហូតមក ដែលបានជំរុញឱ្យបច្ចេកវិទ្យាឆ្ពោះទៅរក ភាពវិជ្ជមានដើម្បីធ្វើឱ្យសមិទ្ធផលជាផ្លែផ្កានៃការអភិវឌ្ឍបច្ចេកវិទ្យាផ្តល់ផលប្រយោជន៍ដល់ មនុស្សគ្រប់រូបយ៉ាងប្រាកដប្រជា៕
វិទ្យុមិត្តភាពកម្ពុជាចិន
