ព្រឹត្តិការណ៍តាំងបង្ហាញនិងចាក់ផ្សាយភាពយន្ត និងកម្មវិធីទូរទស្សន៍ប្រណិតៗ របស់អគ្គស្ថានីយវិទ្យុនិងទូរទស្សន៍មជ្ឈិមចិននៅកៀហ្ស៊ីស៊ីស្ថាន សម្ពោធបើកនៅក្រុងប៊ីសខេក
27-08-2026 17:54
(ប៉េកាំង)៖ ខណៈពេលដែលលោក Xi Jinping ប្រធានរដ្ឋចិន ជិតនឹងចូលរួមកិច្ចប្រជុំកំពូលនៃអង្គការសហប្រតិបត្តិការសៀងហៃឆ្នាំ២០២៦ ព្រមទាំងបំពេញទស្សនកិច្ចផ្លូវរដ្ឋនៅប្រទេសកៀហ្ស៊ីស៊ីស្ថាន ព្រឹត្តិការណ៍តាំងបង្ហាញនិងចាក់ផ្សាយភាពយន្តនិងកម្មវិធីទូរទស្សន៍ប្រណិតៗរបស់អគ្គស្ថានីយវិទ្យុនិងទូរទស្សន៍មជ្ឈិមចិននៅកៀហ្ស៊ីស៊ីស្ថាន បានចាប់ដំណើរការនៅក្រុងប៊ីសខេក។កម្មវិធីទូរទស្សន៍ប្រណិតៗរបស់អគ្គស្ថានីយវិទ្យុនិងទូរទស្សន៍មជ្ឈិមចិន ចំនួនជិត១០ដូចជា «សំបុត្ររបស់លោកប្រធានរដ្ឋXi Jinping» «កំណត់ត្រាសិប្បករចិន» «ភោជនីយដ្ឋានផ្លែទទឹមក្រហម» ជាដើម បានចាក់ផ្សាយជាបន្តបន្ទាប់នៅប្រព័ន្ធសារព័ត៌មានសំខាន់ៗនៃប្រទេសកៀហ្ស៊ីស៊ីស្ថាន ដូចជាក្រុមហ៊ុនវិទ្យុនិងទូរទស្សន៍ជាតិកៀហ្ស៊ីស៊ីស្ថានជាដើម។
លោក Shen Haixiong អនុរដ្ឋមន្ត្រីក្រសួងឃោសនាការ នៃគណៈកម្មាធិការមជ្ឈិមបក្សកុម្មុយនីស្តចិន និងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិន បានថ្លែងសុន្ទរកថាតាមប្រព័ន្ធវីដេអូ ដោយបញ្ជាក់ថា ព្រឹត្តិការណ៍នេះដែលសហការរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិន និងប្រព័ន្ធសារព័ត៌មានកៀហ្ស៊ីស៊ីស្ថាន គឺជាវិធានការដ៏សកម្មមួយដើម្បីអនុវត្តដោយគ្រប់ជ្រុងជ្រោយនូវគំនិតឯកភាពរួមរបស់ប្រមុខរដ្ឋនៃប្រទេសទាំងពីរ និងលទ្ធផលជាផ្លែផ្កានៃកិច្ចប្រជុំកំពូល Tianjin នៃអង្គការសហប្រតិបត្តិការសៀងហៃ ក៏ដូចជាពង្រឹងការផ្លាស់ប្តូរវប្បធម៌ និងមិត្តភាពរវាងប្រជាជនចិន និងកៀហ្ស៊ីស៊ីស្ថាន។ ព្រឹត្តិការណ៍លើកនេះនឹងជួយឱ្យទូរទស្សនិកជនកៀហ្ស៊ីស៊ីស្ថាន ទទួលអារម្មណ៍ពីភាពទាក់ទាញខាងគំនិតរបស់ លោកប្រធានរដ្ឋចិន Xi Jinping ក្នុងការជំរុញមេត្រីភាពរវាងសង្គមស៊ីវិល និងជំរុញការតភ្ជាប់ដួងចិត្តប្រជាជននិងប្រជាជន និងយល់ដឹងកាន់តែច្បាស់អំពីវប្បធម៌ តម្រិះប្រាជ្ញានិងស្មារតីរបស់ចិន៕
វិទ្យុមិត្តភាពកម្ពុជាចិន
