ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិ នបើកធ្វើកិច្ចប្រជុំក្រោមអធិបតីភាពរបស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ដើម្បីសិក្សានិងរៀបចំចាត់ចែងការងារជួយសង្គ្រោះគ្រោះមហន្តរាយរអិលបាក់ដីនៅស្រុក Gyirong ក្រុង Xigaze នៃភូមិភាគស្វយ័ត Xizang
28-08-2026 17:48
(ប៉េកាំង)៖ ថ្ងៃទី២៨ ខែសីហា ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិនបានបើកធ្វើកិច្ចប្រជុំក្រោមអធិបតីភាពរបស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ដើម្បីសិក្សានិងរៀបចំចាត់ចែងការងារជួយសង្គ្រោះគ្រោះមហន្តរាយរអិលបាក់ដីនៅស្រុក Gyirong ក្រុង Xigaze នៃភូមិភាគស្វយ័ត Xizang ។
កិច្ចប្រជុំបានលើកឡើងថា គ្រោះមហន្តរាយរអិលបាក់ដីដែលបានកើតឡើងនៅប៉ែកខាងនេប៉ាល់លើកនេះ បានបណ្តាលឱ្យច្រកព្រំដែន Gyirong ដែលស្ថិតនៅស្រុក Gyirong ក្រុង Xigaze នៃភូមិភាគស្វយ័ត Xizang មានមនុស្សស្លាប់បាត់បង់ជីវិត រងរបួសនិងបាត់ការទាក់ទងយ៉ាងច្រើន ។ បន្ទាប់ពីកើតមានគ្រោះមហន្តរាយ គណៈកម្មាធិការមជ្ឈិមបក្សបានយកចិត្តទុកដាក់ខ្ពស់ លោកអគ្គលេខាធិការបក្ស Xi Jinping បានផ្តល់អនុសាសន៍ណែនាំសំខាន់ភ្លាមៗ ដោយតម្រូវឱ្យធ្វើការងារជួយសង្គ្រោះនិងចាត់ចែងជនរងគ្រោះជាបន្ទាន់ ។
កិច្ចប្រជុំបានគូសបញ្ជាក់ថា ស្ថាប័នពាក់ព័ន្ធទាំងអស់ត្រូវប្រកាន់ខ្ជាប់នូវគោលការណ៍ដែលតម្កល់ទុកប្រជាជនជាអាទិភាពនិងតម្កល់ទុកអាយុជីវិតជាអាទិភាព ដើម្បីធ្វើការងារគ្រប់ផ្នែកឱ្យបានល្អ ។ ត្រូវមានផែនការរុករកនិងជួយសង្គ្រោះតាមបែបវិទ្យាសាស្ត្រ និងខិតខំប្រឹងប្រែងឱ្យអស់ពីលទ្ធភាពដើម្បីរុករកនិងជួយសង្គ្រោះអ្នកបាត់ការទាក់ទងទាំងក្នុងនិងក្រៅប្រទេសចិន ។ ត្រូវរៀបចំកន្លែងស្នាក់នៅជូនប្រជាជនរងគ្រោះឱ្យបានសមរម្យ និងចាត់ចែងការងារបន្ទាប់ពីគ្រោះមហន្តរាយឱ្យបានហ្មត់ចត់ ។ ត្រូវផ្តល់ជំនួយសង្គ្រោះបន្ទាន់ដល់តំបន់រងគ្រោះនៅប្រទេសនេប៉ាល់ និងធ្វើកិច្ចសហប្រតិបត្តិការជួយសង្គ្រោះអន្តរជាតិ៕
វិទ្យុមិត្តភាពកម្ពុជាចិន
