សន្និសីទសារព័ត៌មាននៃស្រុក Gyirong ភូមិភាគស្វយ័ត Xizang៖ បច្ចុប្បន្ននេះ បានរៀបចំចាត់ចែងបុគ្គលិកជួយសង្គ្រោះគ្រប់ប្រភេទចំនួន២១៤១នាក់ទៅចូលរួមការរុករកជួយសង្គ្រោះនៅជួរមុខ
31-08-2026 17:56
(ប៉េកាំង)៖ ថ្ងៃទី៣០ ខែសីហានេះ សន្និសីទសារព័ត៌មានអំពីគ្រោះមហន្តរាយរអិលបាក់ដី “២៦សីហា” នៃនេប៉ាលបានបើកធ្វើនៅឃុំ Gyirong ដោយសារកើតមានគ្រោះមហន្តរាយរអិលបាក់ដីនៅប៉ែកខាងនេប៉ាល់ បានបណ្តាលឱ្យច្រកព្រំដែនGyirongដែលស្ថិតនៅស្រុក Gyirong ក្រុង Xigaze នៃភូមិភាគស្វយ័ត Xizang មានមនុស្សស្លាប់បាត់បង់ជីវិត រងរបួសនិងបាត់ការទាក់ទងយ៉ាងច្រើន។
សន្និសីទបានធ្វើបទបង្ហាញថា បន្ទាប់ពីកើតមានគ្រោះមហន្តរាយ ភូមិភាគស្វយ័ត Xizang បានចាប់ដំណើរការនូវយន្តការឆ្លើយតបបន្ទាន់នឹងគ្រោះមហន្តរាយធម្មជាតិកម្រិតទី១ នៃភូមិភាគស្វយ័ត និងយន្តការជួយសង្រ្គោះបន្ទាន់ នៃគ្រោះមហន្តរាយធម្មជាតិកម្រិតទី១នៃភូមិភាគស្វយ័ត ដោយបង្កើតទីបញ្ជាការជួយសង្គ្រោះបន្ទាន់ និងទីបញ្ជាការជួរមុខនៃគ្រោះមហន្តរាយរអិលបាក់ដីលើកនេះ។ ក្រសួងហិរញ្ញវត្ថុ និងក្រសួងគ្រប់គ្រងអាសន្ននៃប្រទេសចិន បានទម្លាក់ប្រាក់ទុន១២០លានយាន់ប្រាក់ចិន ហើយគណៈកម្មាធិការជាតិកំណែទម្រង់ និងការអភិវឌ្ឍចិន បានរៀបចំប្រាក់ទុន១រយលានយាន់ប្រាក់ចិន ដើម្បីគាំទ្រការងារជួយសង្គ្រោះ និងស្តារឡើងវិញបន្ទាប់ពីគ្រោះមហន្តរាយ ។ បច្ចុប្បន្ននេះ បានរៀបចំចាត់ចែងកម្លាំងជួយសង្គ្រោះភាគីនានាចំនួន២១៤១នាក់ដូចជា កងទ័ពរំដោះប្រជាជន ប៉ូលិសប្រដាប់អាវុធ និងក្រុមពន្លត់អគ្គិភ័យ និងជួយសង្គ្រោះនៃប្រទេសចិនជាដើម ព្រមទាំងចាត់បញ្ជូនរថយន្តចំនួន២៦៩គ្រឿង និងគ្រឿងបរិក្ខារជួយសង្គ្រោះចំនួន ៣៩២២ចូលរួមការងាររុករកនិងជួយសង្គ្រោះនៅជួរមុខ៕
វិទ្យុមិត្តភាពកម្ពុជាចិន
