(ប៉េកាំង)៖ ថ្ងៃទី ៤ ខែកញ្ញា វេទិកាធុរកិច្ចថាមពលរវាងចិននិងរុស្ស៊ីលើកទី ៨ បានបើកធ្វើឡើងនៅទីក្រុង Vladivostok ប្រទេសរុស្ស៊ី​ ។ លោក Xi Jinping ប្រធានរដ្ឋ​ចិន​បានផ្ញើសារលិខិតអបអរសាទរការបើកវេទិកានេះ។

លោក Xi Jinping បានលើកឡើងថា ឆ្នាំ ២០២៦ នេះគឺជាខួបលើកទី ៣០ នៃការបង្កើតទំនាក់ទំនងភាពជាដៃគូ​សម្របសម្រួលនិងសហការជាយុទ្ធសាស្ត្រ​រវាងចិននិងរុស្ស៊ី​និងខួបលើកទី ២៥ នៃការចុះហត្ថលេខាលើ《សន្ធិសញ្ញាស្តីពី​ភាព​ជាអ្នកជិតខាងល្អ​និងកិច្ចសហប្រតិបត្តិការមិត្តភាពរវាងចិន​និងរុស្ស៊ី 》។ ទោះស្ថិត​ស្ថានការណ៍អន្តរជាតិ ដ៏ស្មុគស្មាញ​ តែទំនាក់ទំនងភាពជាដៃគូ​សម្របសម្រួលនិងសហការជាយុទ្ធសាស្ត្រ​រវាងចិននិងរុស្ស៊ីគ្រប់ជ្រុងជ្រោយ​រវាងចិន​និងរុស្ស៊ី​ក្នុងយុគសម័យថ្មី​បានអភិវឌ្ឍក្នុងកម្រិតខ្ពស់ ហើយកិច្ចសហប្រតិបត្តិការផ្នែកថាមពលចិន-រុស្ស៊ី​​ទទួលបានលទ្ធ​ផលជាផ្លែផ្កាយ៉ាងច្រើន ដោយជំរុញការអភិវឌ្ឍរួមរបស់ប្រទេសទាំងពីរ និងក្លាយជាគំរូនៃកិច្ចសហប្រតិបត្តិការ ដែលផ្តល់ផលប្រយោជន៍ទៅវិញទៅមក​។

លោក Xi Jinping បានគូសបញ្ជាក់ថា បច្ចប្បន្ន​ និម្មាបនកម្ម​ថាមពលអន្តរជាតិមានការកែសម្រួលយ៉ាងស៊ីជម្រៅ ​ឱកាស​និងបញ្ហាប្រឈមប្រទាក់ក្រឡា ។ ប្រទេសចិនរីករាយធ្វើ​ការ​ជាមួយភាគីរុស្ស៊ី​ក្នុងការបន្តពង្រឹងកិច្ចសហប្រតិបត្តិការផ្នែកថាមពល​និងរួមគ្នាគាំពារស្ថិរភាព​និងភាពរលូននៃខ្សែសង្វាក់ឧស្សាហកម្ម​និងខ្សែសង្វាក់ផ្គត់ផ្គង់ថាមពល។ នៅថ្ងៃដដែលនោះ លោក វ្ល៉ាឌីមៀ ពូទីន ប្រធានាធិបតីរុស្ស៊ីក៏បានផ្ញើលិខិតអបអរសាទរការបើកវេទិកាធុរកិច្ចថាមពល​ចិន-រុស្ស៊ី​លើកទី ៨ ផងដែរ៕

វិទ្យុមិត្តភាពកម្ពុជាចិន