ការយល់ដឹងអំពីពាក្យប្រៀបធៀបរបស់លោក Xi Jinping ស្តីពីទំនាក់ទំនងចិននិងអេហ្ស៊ីប
07-09-2026 17:51
(ប៉េកាំង)៖ នៅថ្ងៃទី ១ ខែកញ្ញា លោក Xi Jinping ប្រធានរដ្ឋចិនបានដកស្រង់សុភាសិតបុរាណនេះ នៅក្នុងអត្ថបទដែលបានចុះហត្ថលេខាក្នុងអំឡុងពេលទស្សនកិច្ចផ្លូវរដ្ឋរបស់លោកទៅកាន់ប្រទេសអេហ្ស៊ីប ដោយផ្តល់នូវកំណត់ចំណាំដ៏ច្បាស់លាស់មួយចំពោះទំនាក់ទំនងចិន-អេហ្ស៊ីប។
ឆ្នាំ ២០២៦ នេះគឺជាខួបលើកទី ៧០ នៃការបង្កើតទំនាក់ទំនងការទូតរវាងចិន និងអេហ្ស៊ីប ហើយលោក Xi Jinping បានបំពេញទស្សនកិច្ចនៅប្រទេសអេហ្ស៊ីបម្តងទៀតបន្ទាប់ពីរយៈពេល ១០ ឆ្នាំ។ សុភាសិតបុរាណមួយឃ្លាបានភ្ជាប់ទំនាក់ទំនងរវាងអរិយធម៌ដ៏អស្ចារ្យពីរឆ្លងកាត់ពេលវេលានិងលំហ ហើយក៏បង្ហាញពីអាថ៌កំបាំងនៃកម្លាំងដ៏ស្ថិតស្ថេរនៃទំនាក់ទំនងចិន-អេហ្ស៊ីបផងដែរ ។
នៅថ្ងៃទី ២ ខែកញ្ញា ក្នុងអំឡុងពេលទស្សនកិច្ចនៅសារមន្ទីរ Grand Egyptian ជាមួយលោក Abdel Fattah al-Sisi ប្រធានាធិបតីអេហ្ស៊ីបនិងភរិយារបស់លោក លោក Xi Jinping បានលើកឡើងយ៉ាងច្បាស់លាស់អំពីប្រភពនៃអរិយធម៌រួមគ្នារវាងប្រទេសចិននិងអេហ្ស៊ីបថា “ប្រទេសចិននិងអេហ្ស៊ីបសុទ្ធតែជាអរិយធម៌បុរាណ និងជាប្រទេសធំៗ ដែលមានតំបន់បេតិកភណ្ឌពិភពលោក ហើយអរិយធម៌ដ៏អស្ចារ្យទាំងពីរបាននិងកំពុងផ្លាស់ប្តូរគ្នាទៅវិញទៅមកឆ្លងកាត់ពេលវេលានិងលំហអស់រយៈពេលជាយូរមកហើយ”។
ការផ្លាស់ប្តូរបែបស៊ីវិល័យបែបនេះ ដែលផ្អែកលើសមភាព ការគោរពនិងការកោតសរសើរគ្នាទៅវិញទៅមកបានដាក់មូលដ្ឋានគ្រឹះអារម្មណ៍និងវប្បធម៌ដ៏ពិសេសមួយសម្រាប់ការអភិវឌ្ឍទំនាក់ទំនងទ្វេភាគីនិងបានសរសេរកំណត់ចំណាំប្រវត្តិសាស្ត្រដ៏រស់រវើកបំផុតចំពោះគោលគំនិតនៃ "ទោះបីជាយើងនៅឆ្ងាយពីគ្នារាប់ពាន់ម៉ាយ ក៏ដោយ ក៏យើងនៅតែអាចជា មិត្តនឹងគ្នាបានដែរ"៕
វិទ្យុមិត្តភាពកម្ពុជាចិន
