បទវិភាគ៖ ប្រមូលផ្តុំកម្លាំងនៃប្រទេសសកលខាងត្បូងដើម្បីរួមគ្នាឆ្ពោះទៅរក «ទសវត្សរ៍មាស» បន្ទាប់
15-09-2026 16:55
(ប៉េកាំង)៖ ចាប់ពីថ្ងៃទី ១២ ដល់ថ្ងៃទី ១៣ ខែកញ្ញា កិច្ចប្រជុំកំពូល BRICS លើកទី ១៨ បានបើកធ្វើនៅទីក្រុងញូវដេលី ប្រទេសឥណ្ឌា ។ លោក Xi Jinping ប្រធានរដ្ឋចិនបានអញ្ជើញចូលរួមកិច្ចប្រជុំដំណាក់កាលទីមួយនិងទីពីរនៃកិច្ចប្រជុំកំពូល BRICS លើកទី ១៨ ព្រមទាំងថ្លែងសុន្ទរកថាគន្លឹះ ដោយបានផ្តួចផ្តើមឱ្យប្រទេស BRICS ហ៊ានធ្វើជា "អ្នកឈានមុខចំនួនបួន"និងលើកឡើងគំនិតផ្តួចផ្តើម ៤ចំណុច ស្តីពីការពង្រីងកម្លាំងនៃប្រទេសសកលខាងត្បូង ហើយបានលើកឡើងនូវគំនិតផ្តួចផ្តើមចំនួន ៥ ចំណុចទាក់ទងនឹងការធ្វើឱ្យស៊ីជម្រៅនូវកិច្ចសហប្រតិបតិ្តការប្រទេស BRICS ដែលបានបង្ហាញពីទំនួលខុសត្រូវដ៏មុតមាំរបស់ប្រទេសចិនក្នុងការដឹកនាំការអភិវឌ្ឍប្រកបដោយគុណភាពខ្ពស់នៃ"កិច្ចសហប្រតិបត្តិការ BRICSធំ"។ លើសពីនេះទៅទៀត លោកប្រធានរដ្ឋចិន Xi Jinping ក៏បានប្រកាសផងដែរថា ឆ្នាំក្រោយ ប្រទេសចិននឹងទទួលតំណែង ជាប្រធានប្តូរវេននៃប្រទេសBRICSនិងធ្វើជាម្ចាស់ផ្ទះរៀបចំកិច្ចប្រជុំកំពូលនៃប្រទេស BRICS លើកទី ១៩ ។ ថ្នាក់ដឹកនាំនៃប្រទេសនានាដែលចូលរួមកិច្ចប្រជុំរំពឹងទុកយ៉ាងខ្លាំងថា "ឆ្នាំចិន"បន្ទាប់នឹងជំរុញកិច្ចសហប្រតិបតិ្តការប្រទេស BRICS ឱ្យឡើងដល់កម្រិតថ្មីទៀត បង្ហាញពីសមិទ្ធផលថ្មីនិងត្រួសត្រាយនិម្មាបនកម្មថ្មី។
ក្រឡេកទៅមើលរយៈពេល២០ឆ្នាំកន្លងទៅនេះ ពី "ប្រទេស BRIC ចំនួន៤" នៅគ្រាដំបូងដល់មហាគ្រួសាប្រទេស BRICS "បន្ទាប់ពីបានពង្រីកចំនួនសមាជិក ជានិច្ចកាល យន្តការ BRICS តែងតែប្រកាន់ខ្ជាប់នូវស្មារតី BRICS ស្តីពីការបើកទូលាយនិងបរិយាបន្ន កិច្ចសហប្រតិបត្តិការនិងឈ្នះ-ឈ្នះ ដែលបានក្លាយជាវេទិកាសហប្រតិបត្តិការសម្រាប់ទីផ្សារងើបឡើងថ្មីនិងប្រទេសកំពុងអភិវឌ្ឍន៍ដែលមានឥទ្ធិពលបំផុតលើពិភពលោកនាពេលបច្ចុប្បន្ន។
បច្ចុប្បន្ននេះ បម្រែបម្រួលនិម្មាបនកម្មដែលពុំធ្លាប់មានក្នុងរយៈពេល១រយឆ្នាំកំពុងវិវត្តយ៉ាង ឆាប់រហ័ស ឱនភាពសន្តិភាព ឱនភាពអភិវឌ្ឍន៍ ឱនភាពសន្តិសុខនិងឱនភាពអភិបាលកិច្ចបានត្រួតលើគ្នា ។ តើប្រទេស BRICS នឹងធ្វើយ៉ាងដូចម្តេច ទើបអាចដឹកនាំសណ្តាប់ធ្នាប់អន្តរជាតិឱ្យអភិវឌ្ឍទៅរកទិសដៅដែលកាន់តែយុត្តិធម៌និងសមហេតុផល ក៏ដូចជាពួតដៃគ្នាជំរុញការកសាង សហគមន៍ជោគវាសនារួមសម្រាប់មនុស្សជាតិ?
"ត្រូវធ្វើជាអ្នកឈានមុខនៃការជំរុញការអភិវឌ្ឍប្រកបដោយភាពច្នៃប្រឌិតថ្មី" "ត្រូវធ្វើជាអ្នកឈានមុខនៃការគាំពារសន្តិភាពនិងស្ថិរភាព" "ត្រូវធ្វើជាអ្នកឈានមុខនៃការជំរុញការរៀនសូត្រពីគ្នាខាងអរិយធម៌"និង"ត្រូវធ្វើជាអ្នកឈានមុខនៃការធ្វើឱ្យអភិបាលកិច្ចសកលមានសុក្រឹតភាពតាមរយៈកំណែទម្រង់" "អ្នកឈានមុខចំនួនបួន"ដែលលើកឡើងដោយលោកប្រធានរដ្ឋចិន Xi Jinping បានបញ្ជាក់យ៉ាងច្បាស់ម្តងទៀតអំពីបេសកកម្មជាប្រវត្តិសាស្ត្រនិងចង្អុលបង្ហាញទិសដៅវិវឌ្ឍទៅមុខសម្រាប់កិច្ចសហប្រតិបត្តិការប្រទេស BRICS ហើយក៏បានលើកកម្ពស់ការកំណត់ទិសដៅជាយុទ្ធសាស្ត្រនៃកិច្ចសហប្រតិបត្តិការប្រទេស BRICS ផងដែរ ។
គំនិតផ្តួចផ្តើមស្តីពីបញ្ញាសិប្បនិម្មិតប្រភពបើកចំហនិងផ្តល់ផលប្រយោជន៍ជាទូទៅ" "គំនិតផ្តួចផ្តើមស្តីពីការផ្តល់ ភាពងាយស្រួលដល់ពាណិជ្ជកម្មនិងការវិនិយោគ" "គំនិតផ្តួចផ្តើមស្តីពីកិច្ចសហប្រតិបត្តិការក្នុង វិស័យឧស្សាហកម្មឌីជីថល" "គំនិតផ្តួចផ្តើមស្តីពីកិច្ចសហប្រតិបត្តិការក្នុងវិស័យផលិតកម្មឆ្លាតវៃ "គំនិតផ្តួចផ្តើមស្តីពីការបណ្តុះបណ្តាលធនធានមនុស្សក្នុងវិស័យវិទ្យាសាស្ត្រនិងបច្ចេកវិទ្យា គំនិតផ្តួចផ្តើម៥ចំណុចដែលលើកឡើងដោយលោកប្រធានរដ្ឋចិនXi Jinpingបានកំណត់ផ្លូវជាក់ស្តែងសម្រាប់ពង្រឹងមូលដ្ឋានគ្រឹះនៃកិច្ចសហប្រតិបត្តិការ BRICS ធំ" ដែលបានផ្តល់ការគាំទ្រយ៉ាងខ្លាំងសម្រាប់ប្រទេស"សកលខាងត្បូង"ក្នុងការរួមសាមគ្គីគ្នានិងពឹងផ្អែកលើខ្លួនឯង ។ ការអភិវឌ្ឍជាកូនសោទូទៅសម្រាប់ដោះស្រាយបញ្ហាទាំងអស់ ។ នាពេលបច្ចុប្បន្ននេះ ប្រទេស BRICS មានចំនួនប្រជាជនជិតពាក់កណ្តាលនៃទូទាំងពិភពលោក មានទំហំសេដ្ឋកិច្ចសរុបប្រហែល ៣០ ភាគរយនៃពិភពលោកនិងទំហំសរុបខាងពាណិជ្ជកម្មមួយភាគប្រាំនៃពិភពលោកដែលជាអ្នករួមចំណែកដ៏សំខាន់នៃការជំរុញកំណើនសេដ្ឋកិច្ចសកល ។ ដោយឡែកគំនិតផ្តួចផ្តើមស្តីពីកិច្ចសហប្រតិបត្តិការជាច្រើនដែលលើកឡើងដោយលោកប្រធានរដ្ឋចិន Xi Jinping នឹងមានអំណោយផលដល់មហាគ្រួសា BRICS"ក្នុងការរឹតចំណងសហប្រតិបត្តិការថែមមួយកម្រិតទៀត ។
ឆ្នាំក្រោយ ប្រទេសចិននឹងទទួលតំណែងជាប្រធានប្តូរវេននៃប្រទេស BRICS ។ សហគមន៍អន្តរជាតិរំពឹងទុកជាទូទៅថា ចិននឹងដើរតួនាទីនាំមុខក្នុងការជំរុញឱ្យកិច្ចសហប្រតិបត្តិការ BRICS ធំ "ដើរឆ្ពោះទៅមុខកាន់តែឆ្ងាយនិងកាន់តែរឹងមាំ ។ ឈរលើដំណាក់កាលជាប្រវត្តិសាស្ត្រនៃខួបទី ២០ឆ្នាំ នៃកិច្ចសហប្រតិបត្តិការប្រទេស BRICS ឱ្យតែប្រទេស BRICS ទាំងអស់ប្រមូលកម្លាំងចិត្តកម្លាំងកាយនិងពួតដៃគ្នាដើរទៅមុខ នោះមុខជានឹងចាប់ដំណើរការដោយជោគជ័យនូវ "ទសវត្សរ៍មាស" ទីបីនៃកិច្ចសហប្រតិបត្តិការប្រទេស BRICS ដើម្បីបន្តរួមចំណែកជាកម្លាំង BRICS ដល់ការជំរុញការកសាងសហគមន៍ជោគវាសនារួមសម្រាប់មនុស្សជាតិ៕
វិទ្យុមិត្តភាពកម្ពុជាចិន
