* ការគំរាមដាក់គ្រាប់បែក «ពេលវេលាកំពុងរាប់ថយក្រោយ» រំខានដល់ស្ថានីយទូរទស្សន៍ជាច្រើននៅទូទាំងអឺរ៉ុប
* អំណោយមនុស្សធម៌របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចែកជូនដល់ដៃប្រជាជនរងគ្រោះដោយទឹកជំនន់ និងគ្រួសារងាយរងគ្រោះបំផុតចំនួន ៨៦០គ្រួសារ នៅខេត្តត្បូងឃ្មុំ
* លោកជំទាវបណ្ឌិត ពេជ ចន្ទមុន្នី អំពាវនាវដល់ប្រជាពលរដ្ឋ អញ្ជើញទស្សនាពិព័រណ៍ផលិតផលខ្មែរឱ្យបានច្រើនកុះករនៅកោះពេជ្រ ដើម្បីជួយលើកកម្ពស់គុណភាពផលិតផលរបស់ខ្មែរយើង និងបង្កើនទំនុកចិត្តពីអ្នកប្រើប្រាស់
* រដ្ឋមន្ត្រីក្រសួងព័ត៌មាន៖ អ្នកសារព័ត៌មានជាតិ និងអន្តរជាតិជាង ១.០០០នាក់ មកពី ៣៦ប្រទេស បានចុះឈ្មោះត្រៀមយកព័ត៌មានពីកិច្ចប្រជុំកំពូលហ្វ្រង់កូហ្វូនី លើកទី២០
* Fresh Exclusive: ក្រោយបរាជ័យបោះឆ្នោតអាមេរិក៖ តើត្រាំនឹងបញ្ចប់សង្គ្រាមអ៉ីរ៉ង់ ឬបង្កើនការវាយប្រហារមុនឆ្នាំ២០២៧?
* UNHCR៖ មនុស្សប្រហែល ៩០លាននាក់ដែលត្រូវបង្ខំឱ្យចាកចេញពីលំនៅដ្ឋាន កំពុងប្រឈមហានិភ័យពីការគំរាមកំហែងដោយបញ្ហាអាកាសធាតុ
* កាណាដា ប្រកាសដាក់ចេញនូវកញ្ចប់ថវិកា ដើម្បីកាត់បន្ថយការពឹងផ្អែកលើសហរដ្ឋអាមេរិក
* ជួបគ្នានៅមូស្គូ ប្រមុខសន្តិសុខអ៉ីរ៉ង់ប្រគល់សំបុត្ររបស់លោក Khamenei ទៅឱ្យលោក ពូទីន
* ប្រធានាធិបតីអ៉ីស្រាអែល សន្យាតែងតាំងបេក្ខជនដើម្បីបង្កើតរដ្ឋាភិបាល នៅថ្ងៃអាទិត្យចុងសប្ដាហ៍នេះ
* សហរដ្ឋអាមេរិក ដាក់ទណ្ឌកម្មលើបុគ្គលចំនួន ៤រូប និងអង្គភាពចំនួន ៤១ ដែលជាប់ពាក់ព័ន្ធជាមួយ Prince Group នៅកម្ពុជា
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

នាយករដ្ឋមន្រ្តីអ៉ីស្រាអែល ចង់កសាងសំណុំរឿងប្រឆាំងប្រធានាធិបតីតួកគីយ៉េ នៅតុលាការ ICC (Video inside)

28-09-2026 16:09

(ហ៊្សេរុយសាឡិម)៖ នាយករដ្ឋមន្ត្រីអ៉ីស្រាអែល លោក Benjamin Netanyahu កាលពីថ្ងៃអាទិត្យ ទី២៧ ខែកញ្ញា ឆ្នាំ២០២៦ បានណែនាំឱ្យក្រុមការងារអន្តរក្រសួង និងប្រធាននាយកដ្ឋានច្បាប់អន្តរជាតិរបស់ប្រទេសអ៉ីស្រាអែល រៀបចំកសាងសំណុំរឿងប្រឆាំង ប្រធានាធិបតីតួកគីយ៉េ លោក Tayyip Erdogan នៅតុលាការព្រហ្មទណ្ឌអន្តរជាតិ ICC។ នេះបើតាមការចេញផ្សាយដោយបណ្តាញព័ត៌មានក្នុងស្រុករបស់អ៉ីស្រាអែលផ្ទាល់។

សារព័ត៌មានអ៉ីស្រាអែល i24 បានរាយការណ៍ថា អ៉ីស្រាអែលកំពុងផ្តោតលើការសង្ស័យពាក់ព័ន្ធនឹងការប្រព្រឹត្តរបស់រដ្ឋាភិបាលលោក Erdogan ចំពោះជនជាតិភាគតិចឃើដ ព្រមទាំងការគាំទ្រផ្នែកហិរញ្ញវត្ថុរបស់ទីក្រុងអង់ការ៉ា ដល់ក្រុមហាម៉ាសប៉ាឡេស្ទីន។ លោក Netanyahu បានចេញបញ្ជាឱ្យមន្រ្តីអ៉ីស្រាអែល រៀបចំកសាងសំណុំរឿងមួយ ដែលអាចនឹងត្រូវដាក់ជូនតុលាការព្រហ្មទណ្ឌអន្តរជាតិ ICC នៅទីក្រុងឡាអេ។

ចំណាត់ការខាងលើកើតមានឡើង ចំពេលភាពតានតឹងកើនកាន់តែខ្លាំងរវាងប្រទេសទាំងពីរ ដែលបានចាប់ផ្តើមប្រហែលមួយខែមុន បន្ទាប់ពីលោក Erdogan ប្រកាសថា រូបលោកបានស្នើសុំឱ្យប៉ូលិសអន្តរជាតិ Interpol ជំរុញកិច្ចខិតខំប្រឹងប្រែងដើម្បីចាប់ខ្លួនលោក Netanyahu។ បទបញ្ជារបស់លោក Netanyahu គឺជាផ្នែកមួយនៃការបង្កើនវិធានការប្រឆាំងគ្នាទៅវិញទៅមករវាងរដ្ឋាភិបាលទាំងពីរ។

គួរបញ្ជាក់ថា កាលពីខែវិច្ឆិកា ឆ្នាំ២០២៤ បន្ទាប់ពីការស៊ើបអង្កេតលើការសង្ស័យឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ តុលាការ ICC បានចេញដីកាចាប់ខ្លួន នាយករដ្ឋមន្ត្រីអ៉ីស្រាអែល លោក Benjamin Netanyahu និងអតីតរដ្ឋមន្ត្រីការពារជាតិ លោក Yoav Gallant។ យ៉ាងណាមិញ ទាំងអ៉ីស្រាអែល និងតួកគីយ៉េ សុទ្ធតែមិនបានចុះហត្ថលេខាលើលក្ខន្តិកៈទីក្រុងរ៉ូម ដែលជាសន្ធិសញ្ញាបង្កើតតុលាការ ICC ឡើយ។ ហេតុដូច្នេះ ប្រទេសទាំងពីរមិនស្ថិតក្រោមដែនយុត្តាធិការផ្ទាល់របស់តុលាការអន្តរជាតិនេះទេ៕