(តេហេរ៉ង់)៖ ប្រព័ន្ធផ្សព្វផ្សាយរដ្ឋបានដកស្រង់សម្តីលោក Mohsen Rezaei ប្រមុខទីភ្នាក់ងារសន្តិសុខជាតិអ៉ីរ៉ង់កាលពីថ្ងៃអាទិត្យចុងសប្តាហ៍កន្លងទៅ ដែលលើកឡើងថាការឆ្លើយតបរបស់សហរដ្ឋអាមេរិកចំពោះលក្ខខណ្ឌទាំង ៧របស់អ៉ីរ៉ង់ នៅក្នុងសំណើបើកឡើងវិញនូវច្រកសមុទ្រ Hormuz គឺ «មិនគ្រប់គ្រាន់»។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃចន្ទ ទី១២ ខែតុលា ឆ្នាំ២០២៦។

អ៉ីរ៉ង់បានដាក់សំណើមួយអំឡុងមហាសន្និបាតអង្គការសហប្រជាជាតិ ឱ្យមានការបើកផ្លូវទឹកនៅច្រកសមុទ្រ Hormuz និងស្តារការធ្វើដំណើរតាមផ្លូវសមុទ្រឱ្យមានភាពប្រក្រតីវិញក្នុងរយៈពេល ៧ថ្ងៃ ប្រសិនបើលក្ខខណ្ឌនានាត្រូវបានបំពេញ ហើយសហរដ្ឋអាមេរិកបានឆ្លើយតបចំពោះសំណើនេះនៅពេលក្រោយតាមរយៈអ្នកសម្របសម្រួលមកពីប្រទេសកាតា។

តាមលោក Rezaei ទីក្រុងវ៉ាស៉ីនតោនចាំបាច់ត្រូវបញ្ជាក់ឱ្យបានច្បាស់នូវបញ្ហាដែលនៅមិនទាន់ច្បាស់សម្រាប់ទីក្រុងតេហេរ៉ង់។ លោកបន្ថែមថា «យើងបានដាក់លក្ខខណ្ឌ ៧ចំណុចជូនភាគីអាមេរិក ហើយបានបញ្ជាក់យ៉ាងច្បាស់ថា ច្រកសមុទ្រ Hormuz នឹងមិនត្រូវបានបើកឱ្យឆ្លងកាត់ឡើយ ហើយក៏នឹងមិនមានការចរចាណាមួយកើតឡើងដែរ រហូតទាល់តែលក្ខខណ្ឌទាំងនេះត្រូវបានបំពេញ»។

លោក Rezaei បានឱ្យដឹងថា «នៅក្នុងការឆ្លើយតបរបស់ពួកគេ (អាមេរិក) ពួកគេបានទទួលយកលក្ខខណ្ឌមួយចំនួនរបស់យើង ខណៈដែលលក្ខខណ្ឌផ្សេងទៀតនៅតែមិនទាន់ច្បាស់លាស់»។

ភ្លាមៗ​ សេតវិមានមិនបានឆ្លើយតបភ្លាមៗចំពោះសំណើសុំការអត្ថាធិប្បាយរបស់ Reuters ទេ៕