បទវិភាគ៖ ទស្សនាពិភពលោកតាមរយៈទីក្រុង Wuzhen៖ គម្រោងចិនបំពេញបន្ថែមកម្លាំងចលករថ្មីដល់អភិបាលកិច្ចអ៊ីនធឺណិតសកល
07-11-2026 15:36
(ប៉េកាំង)៖ កាលពីថ្ងៃទី៥ ខែវិចិ្ឆកា កិច្ចប្រជុំកំពូល Wuzhen នៃមហាសន្និបាតបណ្តាញអ៊ីនធឺណិតពិភពលោកឆ្នាំ២០២៦បានបិទបញ្ចប់ ដោយទទួលបានការយកចិត្តទុកដាក់យ៉ាងទូលំទូលាយពីមតិសាធារណៈអន្តរជាតិ ។ តាមរយៈ "ការណាត់ជួប Wuzhen " ដែលបានបន្តអស់រយៈពេល១៣ឆ្នាំជាប់ៗគ្នា ពិភពលោកបានមើលឃើញយ៉ាងច្បាស់នូវគម្រោងចិនបានបន្តបំពេញបន្ថែមកម្លាំងចលករថ្មីដល់ការអភិវឌ្ឍ និងអភិបាលកិច្ចអ៊ីនធឺណិតសកល ។
ពីការចាប់ផ្តើមប្រើប្រាស់ប្រព័ន្ធសេវា 4G កាលពីជាងដប់ឆ្នាំមុន រហូតដល់បច្ចុប្បន្នបានតភ្ជាប់គ្រប់ទីកន្លែង និងការតភ្ជាប់ឆ្លាតវៃបានជ្រាបចូលទៅក្នុងគ្រួសារនីមួយៗ និងផ្តល់កម្លាំងចលករដល់គ្រប់វិស័យ បណ្តាញអ៊ីនធឺណិតបានប្រែប្រួមយ៉ាងខ្លាំង ។ បច្ចុប្បន្ននេះ ការអភិវឌ្ឍអ៊ីនធឺណិតកំពុងឆ្លងកាត់ ការផ្លាស់ប្តូរលក្ខណៈឆ្លាតវៃនិងការលោតផ្លោះជាប្រព័ន្ធ ។ មួយផ្នែក បណ្តាញអ៊ីនធឺណិតកំពុងរួមបញ្ចូលគ្នាយ៉ាងឆាប់រហ័ស ជាមួយបញ្ញាសិប្បនិម្មិត(AI) ការគណនាលើពពក និង Blockchain ជាដើម ។ មួយផ្នែកទៀត បញ្ហាប្រឈមជាច្រើនដូចជា ទំនាក់ទំនងរវាងមនុស្សនិងម៉ាស៊ីន ក្រមសីលធម៌នៃក្បួនដោះស្រាយ គម្លាតឌីជីថល និងបញ្ញាសិប្បនិម្មិតកំពុងរួមបញ្ចូលគ្នា ។
ប្រឈមមុខនឹងស្ថានការណ៍ថ្មីនិងបញ្ហាប្រឈមថ្មី តើធ្វើដូចម្តេចដើម្បីរួមគ្នាកសាងសហគមន៍ជោគវាសនារួមនៃលំហអ៊ីនធឺណិតដែលមានខ្លឹមសារកាន់តែសម្បូរបែប? លោក Li Qiang នាយករដ្ឋមន្ត្រីចិនបានលើកឡើងក្នុងសុន្ទរកថាគន្លឹះនៅពិធីបើកកិច្ចប្រជុំកំពូល Wuzhen លើកនេះថា "ប្រកាន់ខ្ជាប់ការផ្តល់កម្លាំងចលករដោយវិទ្យាសាស្ត្រ និងបច្ចេកវិទ្យា ដើម្បីបើកលំហអភិវឌ្ឍន៍ថ្មី" "ប្រកាន់ខ្ជាប់ភាពនៃការផ្តល់ទំនុកចិត្ត និងអាចគ្រប់គ្រងបាន ដើម្បីកសាងខឿនកាពារសន្តិសុខឌីជីថល""ប្រកាន់ខ្ជាប់ការផ្តល់ផលប្រយោជន៍ជាទូទៅ និងមានតុល្យភាព ដើម្បីជំរុញការចែករំលែកភាគលាភឌីជីថល" និង "ប្រកាន់ខ្ជាប់កិច្ចសន្ទនាបើកទូលាយ ដើម្បីធ្វើឱ្យប្រព័ន្ធអភិបាលកិច្ចពហុភាគីមានសុក្រឹតភាព" ។ សំណើបួនចំណុចនេះបានឆ្លើយតបនឹងក្តីកង្វល់របស់ភាគីនានា និងផ្តោតលើការជំរុញឱ្យបច្ចេកវិទ្យាឌីជីថល និងបញ្ញាសិប្បនិម្មិត(AI)បម្រើដល់ការអភិវឌ្ឍសកលឲ្យកាន់តែប្រសើរឡើង និងបង្កើនសុខុមាលភាពរបស់មនុស្សជាតិឱ្យកាន់តែល្អប្រសើរ ។
នវានុវត្តន៍គឺជាកម្លាំងចលករស្នូលនៃការអភិវឌ្ឍអ៊ីនធឺណិត ។ នៅក្នុងពិព័រណ៍ "ពន្លឺអ៊ីនធឺណិត" លើកនេះ មនុស្សយន្តឆ្លាតវៃដែលមានរូបរាងដូចមនុស្សបានធ្វើត្រាប់តាមការអនុវត្តជាង ១០០ ឈុតឆាកដូចជា ការផលិតឧស្សាហកម្ម ការថែទាំសុខភាព និងការកម្សាន្តនិងអប់រំជាដើម ។ ទូរស័ព្ទឆ្លាតវៃដែលប្រើបញ្ញាសិប្បនិម្មិត(AI)និងគំរូ Omni-MLLM ត្រូវបានដាក់តាំងបង្ហាញ ហើយអ្នកទស្សនាអាចទទួលបទពិសោធបច្ចេកវិទ្យាទំនើបៗដោយផ្ទាល់... ក្នុងនាមជាពាក្យគន្លឹះនៃប្រធានបទកិច្ចប្រជុំកំពូល Wuzhen លើកនេះ "ការបើកប្រភពនិងបើកទូលាយ" ទទួលបានការយកចិត្តទុកដាក់យ៉ាងខ្លាំង ។ មានការវិភាគបានលើកឡើងថា នេះបានសំដៅផ្ទាល់ទៅលើវិបត្តិអភិបាលកិច្ចនៃ "វាំងននដែកឌីជីថល" ដែលប្រទេសមួយចំនួនកំពុងបំផុស និងអំពាវនាវឱ្យជំរុញភាពចល័តនៃបច្ចេកវិទ្យា ចំណេះដឹង និងធនធានច្នៃប្រឌិតថ្មីតាមរបៀបកាន់តែបើកទូលាយនិងបរិយាប័ន្ន ។ បច្ចុប្បន្ននេះ គំរូធំបើកប្រភពផ្នែកបញ្ញាសិប្បនិម្មិត(AI)របស់ចិនមានចំនួនទាញយកសរុបជាង ១០ ពាន់លានដងនៅទូទាំងពិភពលោក ហើយសហគមន៍បើកប្រភពបញ្ញាសិប្បនិម្មិត(AI)ថ្នាក់ជាតិបានប្រមូលផ្តុំអ្នកប្រើប្រាស់ជាង ១១ លាននាក់ ។ នៅក្នុងកិច្ចប្រជុំកំពូលលើកនេះ សាលទទួលបទពិសោធអេកូឡូស៊ីប្រធានបទបើកប្រភពទីមួយរបស់ចិនបានបើកនៅក្រុង Wuzhen ដោយផលិតផលអន្តរកម្មឆ្លាតវៃបើកប្រភពដូចជា បញ្ញាសិប្បនិម្មិត(AI)ដែលមានរូបរាងដូចមនុស្ស ការបង្កើតរឿងខ្លីដោយ AI និងមនុស្សយន្តសរសេរអក្សរផ្ចង់ ជាដើមបានទាក់ទាញការយកចិត្តទុកដាក់និងការពិភាក្សាយ៉ាងផុសផល ពីភ្ញៀវកិត្តិយសរបស់ប្រទេសនានា ។
ការបិទទ្វារនិងរើសអើសគឺគ្មានច្រកចេញទេ មានតែការប្រកាន់ខ្ជាប់ការបើកប្រភព និងបើកទូលាយ ការអនុវត្តការកសាងជាមួយគ្នានិងការចែករំលែកជាមួយគ្នា និងការប្រមូលផ្តុំកម្លាំងនវានុវត្តន៍សកល ទើបអាចការពារផ្ទះអ៊ីនធឺណិតរួមរបស់មនុស្សជាតិឱ្យបានល្អ និងធ្វើឱ្យសមិទ្ធផលនៃអរិយធម៌ឌីជីថលផ្តល់ផលប្រយោជន៍ដល់ប្រជាជននៃប្រទេសនានាលើពិភពលោក៕
វិទ្យុមិត្តភាពកម្ពុជាចិ
