របាយការណ៍សហភាពអឺរ៉ុប៖ បណ្តាញសម្ងាត់របស់រុស្ស៊ី លួចព្យាយាមកេងចំណេញពីកុបកម្មនៅបារាំង តាមបណ្តាញសង្គម (Video inside)

* ប្រធានាធិបតីបារាំង ម៉ាក្រុង ចង់ឲ្យមានការបង្រៀនភាសាបារាំងកាន់តែច្រើនថែមទៀតនៅក្នុងប្រទេសកម្ពុជា

* ប្រមុខដឹកនាំកម្ពុជា-បារាំង បង្កើតភាពជាដៃគូកម្រិតថ្មី ជាមួយនឹងការចុះហត្ថលេខាលើកិច្ចព្រមព្រៀងចំនួន២៩

* សម្តេចមហាបវរធិបតី ហ៊ុន ម៉ាណែត ថ្លែងអំណរគុណប្រទេសបារាំង និងលោក ម៉ាក្រុង ដែលបានខិតខំសម្របសម្រួលរកដំណោះស្រាយដោយសន្តិវិធី លើបញ្ហាព្រំដែនកម្ពុជា-ថៃ

* សម្តេចមហាបវរធិបតី ហ៊ុន ម៉ាណែត ប្រកាសពីមហិច្ឆតារបស់កម្ពុជា ក្នុងការក្លាយជា «ស្ពាន FinTech» ដើម្បីតភ្ជាប់ប្រព័ន្ធបច្ចេកវិទ្យាហិរញ្ញវត្ថុរវាងបណ្តាប្រទេសនិយាយភាសាបារាំង និងតំបន់អាស៊ាន

* ប្រធានាធិបតីបារាំង ម៉ាក្រុង និងលោកជំទាវទីមួយ ចូលក្រាបបង្គំគាល់ ព្រះមហាក្សត្រខ្មែរ នៅព្រះបរមរាជវាំង ក្នុងដំណើរទស្សនកិច្ចផ្លូវរដ្ឋជាប្រវត្តិសាស្ត្រនៅកម្ពុជា

* សម្តេចតេជោ ហ៊ុន សែន ទទួលស្វាគមន៍យ៉ាងកក់ក្តៅចំពោះ លោក អេម៉ានុយអែល ម៉ាក្រុង ប្រធានាធិបតីបារាំង នៅវិមានសាមគ្គីភាព មុនជំនួបប្រជុំកំពូល

* សម្តេចមហាបវរធិបតី ហ៊ុន ម៉ាណែត អញ្ជើញបើកផ្លូវការព្រឹត្តិការណ៍ហ្វ្រង់កូតិច២០២៦

* ព្រះមហាក្សត្រកម្ពុជា រៀបចំព្រះរាជពិធីលៀងសាយភោជន៍ជូនប្រធានាធិបតីបារាំង និងគណៈប្រតិភូ ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនិង ឱកាសកិច្ចប្រជុំកំពូលហ្វ្រង់កូហ្វូនីនៅកម្ពុជា

* ព្រះមហាក្សត្រ៖ «សេចក្តីស្អប់មិនអាចរំលាយដោយសេចក្តីស្អប់បានឡើយ», ស្នាមញញឹមខ្មែរ នឹងធ្វើជាសារសន្តិភាពទៅកាន់ពិភពលោក

* ព្រះមហាក្សត្រ អំពាវនាវឱ្យផ្តល់តួនាទីពេញលេញដល់យុវជនក្នុងការកសាងសន្តិភាព និងវាយតម្លៃខ្ពស់ចំពោះថាមពលវ័យក្មេងនៃទ្វីបអាហ្វ្រិក

* ព្រះមហាក្សត្រ រំឭកពីព្រះរាជបេសកកម្ម «ព្រះបរមរតនកោដ្ឋ» ក្នុងការបង្កើតហ្វ្រង់កូហ្វូនី និងចំខួប ៦០ឆ្នាំនៃសំឡេង លោក ហ្សាល ដឺហ្គោល អតីតប្រធានាធិបតីបារាំងនៅភ្នំពេញ

* អគ្គលេខាធិការអង្គការសហប្រជាជាតិ អះអាងថា ពិភពលោក បច្ចុប្បន្ន ចំណាយលើយោធាធំជាងជំនួយអភិវឌ្ឍន៍១៣ដង និងអំពាវនាវឱ្យប្រែក្លាយទំនុកចិត្តហ្វ្រង់កូហ្វូនីទៅជាសន្តិភាពពិតប្រាកដ

* សម្ដេចមហាបវរធិបតី ហ៊ុន ម៉ាណែត៖ កម្ពុជា មានបំណងប្រែក្លាយភ្នំពេញ ឲ្យទៅជាស្ពានភ្ជាប់រវាងអាស៉ី និងលំហហ្វ្រង់កូហ្វូនី

* សម្តេចមហាបវរធិបតី ហ៊ុន ម៉ាណែត ស្នើឱ្យមានសកម្មភាពគន្លឹះចំនួនបី គឺការបង្ការ ការត្រៀមខ្លួន និងការកសាងវិបុលភាព

* សម្តេចធិបតី ហ៊ុន ម៉ាណែត៖ កម្ពុជានិយាយពីសន្តិភាព ពីព្រោះកម្ពុជាធ្លាប់ឆ្លងកាត់សង្រ្គាម, កម្ពុជាដឹងច្បាស់ថាសង្រ្គាមបានបំផ្លិចបំផ្លាញអ្វីខ្លះ ហើយកម្ពុជាក៏ដឹងច្បាស់ថា សន្តិភាពនាំមកនូវលទ្ធភាពអ្វីខ្លះ

* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

របាយការណ៍សហភាពអឺរ៉ុប៖ បណ្តាញសម្ងាត់របស់រុស្ស៊ី លួចព្យាយាមកេងចំណេញពីកុបកម្មនៅបារាំង តាមបណ្តាញសង្គម (Video inside)

10-11-2026 14:23

(ប៉ារីស)៖ យោងតាមការវាយតម្លៃផ្ទៃក្នុងមួយរបស់សហភាពអឺរ៉ុប (EU) បណ្តាញសម្ងាត់របស់រុស្ស៊ី បានព្យាយាមកេងចំណេញផលប្រយោជន៍ ពីកុបកម្មនៅប្រទេសបារាំងកាលពីខែមុន តាមរយៈការប្រើប្រាស់បណ្តាញសង្គម ដើម្បីទម្លាក់កំហុសភាពចលាចលនេះលើបញ្ហាអន្តោប្រវេសន៍ និងដើម្បីបង្ហាញថា រដ្ឋាភិបាលបារាំងបានបាត់បង់សមត្ថភាពគ្រប់គ្រងស្ថានការណ៍។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃអង្គារ ទី១០ ខែវិច្ឆិកា ឆ្នាំ២០២៦។

ការវាយតម្លៃផ្ទៃក្នុងមួយផ្សេងទៀត ដែលរៀបចំដោយក្រសួងការបរទេសបារាំង បានរកឃើញថា គណនីបណ្តាញសង្គម ដែលមានទំនាក់ទំនងជាមួយអ៉ីស្រាអែល និងចលនា MAGA របស់ប្រធានាធិបតីអាមេរិក ដូណាល់ ត្រាំ ក៏បានផ្សព្វផ្សាយជំរុញដំណើររឿងមិនត្រឹមត្រូវមួយចំនួន ជុំវិញកុបកម្មនេះផងដែរ ដោយភ្ជាប់ភាពវឹកវរទៅនឹងនិន្នាការអ៉ីស្លាមជ្រុលនិយម និងបញ្ហាអន្តោប្រវេសន៍។

តាមការវិភាគរបស់ក្រុមអ្នកឯកទេសផ្នែកព័ត៌មានមិនពិតរបស់អឺរ៉ុប បើបូករួមបញ្ចូលគ្នា ការវាយតម្លៃទាំង២នេះ បានបង្ហាញឱ្យឃើញពីរបៀបដែលតួអង្គខាងក្រៅ កំពុងព្យាយាមប្រើប្រាស់ភាពចលាចលក្នុងស្រុករបស់ប្រទេសបារាំង ដើម្បីបម្រើគោលដៅនយោបាយរៀងៗខ្លួនរបស់ពួកគេ។ ការវិភាគរបស់សហភាពអឺរ៉ុប បានរកឃើញថា បណ្តាញសម្ងាត់របស់រុស្ស៊ីមួយ ដែលមានឈ្មោះថា Operation Overload បានផ្សព្វផ្សាយវីដេអូ ដោយក្លែងបន្លំជាស្ថាប័នសារព័ត៌មានលោកខាងលិច ដើម្បីកំណត់គោលដៅលើទស្សនិកជនបារាំង។

ក្រសួងការបរទេសរុស្ស៊ី ពុំទាន់ឆ្លើយតបចំពោះសំណើសុំការអត្ថាធិប្បាយ ជុំវិញរបាយការណ៍ខាងលើទេ។ ប៉ុន្តែកាលពីខែសីហា ឆ្នាំនេះ អ្នកនាំពាក្យក្រសួងការបរទេសរុស្ស៉ី លោកស្រី Maria Zakharova ធ្លាប់បានច្រានចោលការចោទប្រកាន់របស់ទីភ្នាក់ងារឃ្លាំមើលរដ្ឋបារាំងមួយ ដែលថារុស្ស៊ីបានផ្សព្វផ្សាយព័ត៌មានមិនពិត ពាក់ព័ន្ធនឹងការបោះឆ្នោតប្រធានាធិបតីបារាំង ឆ្នាំ២០២៧។ លោកស្រីបាននិយាយថា ការចោទប្រកាន់នោះ នឹងមិនមែនជាការប្រឌិតចុងក្រោយ ដែលអាជ្ញាធរបារាំងប្រើប្រាស់ ដើម្បីបំភាន់មតិសាធារណៈនោះទេ។

គួរបញ្ជាក់ថា កុបកម្មបានផ្ទុះឡើងយ៉ាងកក្រើកនៅតាមទីក្រុងនានាទូទាំងប្រទេសបារាំង កាលពីខែតុលា ខណៈការតវ៉ាប្រឆាំងនឹង ការកើនឡើងនៃថ្លៃចំណាយលើការរស់នៅ និងការធ្លាក់ចុះគុណភាពនៃសេវាសាធារណៈ បានរីករាលដាលរហូតដល់មិនអាចគ្រប់គ្រងបាន នៅតំបន់មួយចំនួន ហើយបង្កឱ្យមានអំពើហិង្សាដ៏អាក្រក់បំផុតមួយ ក្នុងរយៈពេលជាច្រើនទសវត្សរ៍មកនេះ។

ការវាយតម្លៃរបស់សហភាពអឺរ៉ុប ដែលផ្តោតលើរយៈពេលចាប់ពីថ្ងៃទី៧ ដល់ថ្ងៃទី២១ ខែតុលា បានរកឃើញថា រុស្ស៊ីបានព្យាយាមចង់បង្ហាញឱ្យឃើញ ថ្នាក់ដឹកនាំបារាំងមានភាពទន់ខ្សោយ និងកាន់តែមាននិន្នាការផ្តាច់ការខ្លាំងឡើង។ ទោះជាយ៉ាងណា របាយការណ៍នេះ មិនបានរកឃើញភស្តុតាងណាមួយដែលបង្ហាញថា ទីក្រុងមូស្គូឬតួអង្គផ្សេងទៀត ជាអ្នកបង្កឱ្យមានបាតុកម្ម ឬដុតបញ្ឆេះធ្វើឱ្យបាតុកម្មកាន់តែធ្ងន់ធ្ងរឡើងនោះទេ៕