* CNN៖ ចារកម្មអាមេរិកឱ្យសញ្ញាថាអ៉ីរ៉ង់កំពុងរៀបចំផែនការបំផ្ទុះគ្រាប់បែកវិទ្យុសកម្ម ឬអាវុធគីមី ក្នុងទីក្រុងវ៉ាស៊ីនតោន
* ព្រះរាជពិធីសម្ពោធសមិទ្ធផលប្រាសាទមេបុណ្យខាងលិច ប្រព្រឹត្តទៅដោយជោគជ័យ ក្រោមព្រះរាជាធិបតីភាពព្រះមហាក្សត្រ និងប្រធានាធិបតីបារាំង
* អ្នកឧកញ៉ា គិត ម៉េង លើកទឹកចិត្តឱ្យមានជើងហោះហើរត្រង់រវាងកម្ពុជា និងបារាំង ជំរុញការតភ្ជាប់ធុរកិច្ចរវាងប្រទេសទាំងពីរឱ្យកាន់តែឆាប់រហ័ស
* កូរ៉េខាងត្បូង និងជប៉ុន ចល័តយន្ដហោះចម្បាំង ក្រោយយន្ដហោះយោធារុស្ស៉ីហោះក្រវែលដែនអាកាស
* សម្តេចធិបតី ហ៊ុន ម៉ាណែត និងគណៈប្រតិភូជាន់ខ្ពស់រាជរដ្ឋាភិបាលកម្ពុជាបានអញ្ជើញដល់អាកាសយានដ្ឋានអន្តរជាតិ Ninoy Aquino International Airport
* កម្ពុជា-កាណាដា ឯកភាពជំរុញកិច្ចសហប្រតិបត្តិការទ្វេភាគីឱ្យកាន់តែរឹងមាំ និងស៊ីជម្រៅ
* កាណាដា នឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី លើកទី២១ នៅឆ្នាំ២០២៨ ខាងមុខនេះ
* សម្តេចមហាបវរធិបតី ហ៊ុន ម៉ាណែត បានដឹកនាំគណៈប្រតិភូចាកចេញពីកម្ពុជាហើយ ដើម្បីចូលរួមកិច្ចប្រជុំកំពូលពាក់ព័ន្ធ នៃកិច្ចប្រជុំកំពូលអាស៊ាន លើកទី៤៩ នៅទីក្រុងម៉ានីល
* កិច្ចប្រជុំកំពូលហ្វ្រង់កូហ្វូនី លើកទី២០ ចេញសេចក្តីសម្រេចស្តីពីស្ថានភាពវិបត្តិ ស្ថានភាពចាកចេញពីវិបត្តិ និងស្ថានភាពពង្រឹងសន្តិភាពនៅក្នុងលំហហ្វ្រង់កូហ្វូនី ដោយបញ្ជាក់ជំហរគាំទ្រអធិបតេយ្យភាព និងបូរណភាពទឹកដីកម្ពុជា
* ក្រោយបញ្ចប់កិច្ចប្រជុំ ដែលកម្ពុជាធ្វើជាម្ចាស់ផ្ទះ «ហ្វ្រង់កូហ្វូនី លើកទី២០» ចេញសេចក្តីថ្លែងការណ៍ទីក្រុងភ្នំពេញ ចំនួន៣២ចំណុច
* កិច្ចប្រជុំកំពូល «ហ្វ្រង់កូហ្វូនី លើកទី២០» ចេញ «សេចក្តីអំពាវនាវទីក្រុងភ្នំពេញ» ដែលមានចំណុចគន្លឹះចំនួន៧ ស្តីពី «កិច្ចការពារបេតិកភណ្ឌវប្បធម៌ និងការលើកកម្ពស់ភាពចម្រុះនៃវប្បធម៌»
* ប្រធានាធិបតីបារាំង លោក ម៉ាក្រុង ចាកចេញពីកម្ពុជាហើយ ក្រោយបន្សល់ទុកផ្លែផ្កាជាប្រវត្តិសាស្ត្រ និងបើកទំព័រសករាជថ្មីនៃទំនាក់ទំនងកម្ពុជា-បារាំង និងពិភពហ្វ្រង់កូហ្វូនី
* កិច្ចប្រជុំកំពូលហ្វ្រង់កូហ្វូនី លើកទី២០ ចេញសេចក្តីសម្រេចស្តីពីស្ថានភាពវិបត្តិ ស្ថានភាពចាកចេញពីវិបត្តិ និងស្ថានភាពពង្រឹងសន្តិភាពនៅក្នុងលំហហ្វ្រង់កូហ្វូនី ដោយបញ្ជាក់ជំហរគាំទ្រអធិបតេយ្យភាព និងបូរណភាពទឹកដីកម្ពុជា
* កិច្ចព្រមព្រៀង និងឯកសារគតិយុត្តចំនួន១០ ត្រូវបានចុះហត្ថលេខាក្នុងអំឡុងវេទិកាធុរកិច្ចបារាំង-កម្ពុជា ឆ្នាំ២០២៦ បើកផ្លូវជំរុញការធ្វើពាណិជ្ជកម្មលើវិស័យសំខាន់ៗ
* លោក ម៉ាក្រុង រំលេចពីមោទនភាពនៃការជួសជុល និងដាក់តាំង «ព្រះវិស្ណុផ្ទំ» នៅសារមន្ទីរ Guimet ដែលទាក់ទាញមនុស្សរាប់ម៉ឺននាក់ឱ្យស្គាល់អរិយធម៌ខ្មែរ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

Robert Pattinson ត្រូវបានជ្រើសរើសឱ្យគ្រងតំណែងជាភ្នាក់ងារសម្ងាត់ 007 ក្នុងរឿង James Bond ជំនាន់ថ្មី

17-11-2026 09:14

(វ៉ាស៊ីនតោន)៖ ពិភពភាពយន្តហូលីវូដ និងមហាជនទូទាំងពិភពលោកកំពុងផ្ទុះការភ្ញាក់ផ្អើលយ៉ាងខ្លាំង បន្ទាប់ពីមានសេចក្តីប្រកាសជាផ្លូវការថា តារាសម្តែងល្បីឈ្មោះ Robert Pattinson ត្រូវបានជ្រើសរើសឱ្យគ្រងតំណែងដ៏មានឥទ្ធិពលជាភ្នាក់ងារសម្ងាត់អង់គ្លេស James Bond (007) ជំនាន់ថ្មី ដែលជាការបោះជំហានដ៏ធំមួយទៀតក្នុងអាជីពសម្តែងរបស់លោក ក្រោយពីជោគជ័យយ៉ាងត្រចះត្រចង់លើតួអង្គមនុស្សវីរបុរសប្រចៀវ Batman ។

Robert Pattinson ដែលធ្លាប់បានលះបង់កេរ្តិ៍ឈ្មោះពីភាពយន្តយុវវ័យ Twilight រហូតដល់ការប្រែក្លាយខ្លួនជាតួអង្គងងឹតក្នុង The Batman និងភាពយន្តបែប sci-fi ដ៏ស្មុគស្មាញរបស់ Christopher Nolan គឺ Tenet ឥឡូវនេះត្រូវបានផលិតកម្មសម្រេចចិត្តទុកចិត្តឱ្យកាន់កាប់តំណែងជា James Bond (007) នៃភាពជាបុរសដ៏ស្រស់សង្ហា និងឆ្លាតវៃរបស់អង់គ្លេស។

ការប្រកាសនេះក៏ទទួលបានការសាទរយ៉ាងខ្លាំងផងដែរពីសំណាក់តារាសម្តែងជើងចាស់ Ralph Fiennes (អ្នកដែលធ្លាប់សម្តែងជាប្រធាន M ក្នុងចក្រវាឡភាពយន្ត 007) ដោយលោកបានលើកឡើងក្នុងកិច្ចសម្ភាសន៍ផ្តាច់មុខថា Robert Pattinson មានរូបរាងមុខមាត់ និងស្ទីលប្លែកពី Daniel Craig ដែលជាការផ្លាស់ប្តូរទស្សនវិស័យដ៏ល្អបំផុតសម្រាប់ភាពយន្តជំនាន់ក្រោយ។

ការជ្រើសរើស Robert Pattinson បង្ហាញឱ្យឃើញយ៉ាងច្បាស់ថា ផលិតកររឿង Bond គឺចង់បានស្ទីល ឬបែបបទថ្មីមួយមកដាក់បញ្ចូលក្នុងភាពយន្ត ថ្មីស្រឡាងមួយ ដែលមិនសូវផ្អែកទាំងស្រុងលើភាពរឹងមាំបែបបុរាណ ប៉ុន្តែផ្តោតលើភាពស៊ីជម្រៅ ភាពវៃឆ្លាត និងភាពទាក់ទាញបែបសម័យថ្មី។

មុនពេលធ្លាក់មកលើ Robert Pattinson ទីផ្សារហូលីវូដបានចោទសួរ និងប៉ាន់ស្មានលើតារាសម្តែងអង់គ្លេសជាច្រើនរូប ប៉ុន្តែភាពជោគជ័យក្នុងការធ្វើតេស្ត និងការបំពេញគ្រប់លក្ខខណ្ឌរបស់ Pattinson បានធ្វើឱ្យរូបគេក្លាយជាជម្រើសដ៏ល្អឥតខ្ចោះក្នុងការបើកទំព័រប្រវត្តិសាស្ត្រថ្មីឱ្យខ្សែភាពយន្ត 007 នេះ។

គួរបញ្ជាក់ផងដែរថា Robert Pattinson ចាប់ផ្ដើមល្បីឈ្មោះនៅក្នុងពីភាពយន្តយុវវ័យ Twilight ដោយបានសម្ដែងជា Edward Cullen ដែលជាបិសាចជញ្ជក់ឈាមអាយុជាង ១០០ ឆ្នាំ និងមានស្នេហាជាមួយ Bella Swan (សម្តែងដោយ Kristen Stewart) ជាក្មេងស្រីក្រុងដែលបានផ្លាស់ទៅរស់នៅទីក្រុងតូចមួយ។ អ្នកទាំងពីរក៏បានស្រឡាញ់គ្នានៅក្រៅឆាកផងដែរ ប៉ុន្តែនៅពេលដែលវគ្គចុងក្រោយគឺ The Twilight Saga: Breaking Dawn – Part 2 កំពុងត្រៀមខ្លួនដាក់បញ្ចាំង ពិភពលោកក៏ត្រូវភ្ញាក់ផ្អើលយ៉ាងខ្លាំងនៅពេលដែលសារព័ត៌មានល្បីៗបានបោះពុម្ពផ្សាយរូបភាពអាក្រក់ៗថា Kristen Stewart បាន «ផិតក្បត់» Robert Pattinson ទៅលួចមានទំនាក់ទំនងស្នេហាសម្ងាត់ជាមួយអ្នកដឹកនាំរឿងជនជាតិអង់គ្លេសម្នាក់ (Rupert Sanders) ដែលមានប្រពន្ធកូនរួចទៅហើយ ក្នុងពេលដែលនាងថតរឿង Snow White and the Huntsman ហើយក៏ធ្វើឱ្យ Robert Pattinson ស្ងាត់ និងមាត់មុខមួយរយៈធំ ទើបក្រោយមក​លេចមុខវិញនៅក្នុងរឿង Batman ៕