* សម្តេចមហាបវរធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់សមិទ្ធផលកែលំអហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រមន្ទីរពេទ្យបង្អែកស្រុកចំនួន៦១កន្លែង នាព្រឹកថ្ងៃទី១៩ ខែវិច្ឆិកា ឆ្នាំ២០២៦
* បង់ក្លាដែសដាក់ពង្រាយកងកម្លាំង ទប់ស្កាត់ភាពវឹកវរជុំវិញគម្រោងវិលត្រឡប់របស់លោកស្រី ហាស៊ីណា
* វិភាគអន្តរជាតិ៖ ហេតុអ្វីចិនប្រកែកមិនចង់ចូលរួមសន្ធិសញ្ញាគ្រប់គ្រងអាវុធនុយក្លេអ៊ែរជាមួយអាមេរិក និងរុស្ស៉ី?
* «ភូមិហ្វ្រង់កូហ្វូនី» រយៈពេល៥ថ្ងៃ មានភ្ញៀវទេសចរជាង៦៦ម៉ឺននាក់ ចូលរួមទស្សនា
* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

លោក Xi Jinping អញ្ជើញចូលរួមនិងថ្លែងសុន្ទរកថាគន្លឹះ ក្នុងពិធីបើកកិច្ចប្រជុំកំពូលនាយកប្រតិបត្តិ APEC

18-11-2026 16:56

(ប៉េកាំង)៖ នៅព្រឹកថ្ងៃទី ១៨ ខែវិច្ឆិកា លោក Xi Jinping ប្រធានរដ្ឋចិនបានអញ្ជើញចូលរួមពិធីបើកកិច្ចប្រជុំកំពូលនាយកប្រតិបត្តិ នៃអង្គការសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក( APEC ) ឆ្នាំ២០២៦នៅមជ្ឈមណ្ឌលសន្និសីទអន្តរជាតិ Qianhai ក្រុង Shenzhen ព្រមទាំងថ្លែងសុន្ទរកថាគន្លឹះក្រោមចំណងជើងថា «ពង្រឹងជំនឿចិត្ត ដើរឆ្ពោះទៅមុខដោយអង់អាចក្លាហាន ដើម្បីរួមគ្នាបង្កើតអនាគតដ៏ភ្លឺស្វាងសម្រាប់តំបន់អាស៊ីប៉ាស៊ីហ្វិក»។

លោក Xi Jinping បានលើកឡើងថា ស្ថានការណ៍អន្តរជាតិបច្ចុប្បន្នមានការប្រែប្រួលដ៏ស្មុគស្មាញ ខណៈដែលកំណើនសេដ្ឋកិច្ចពិភពលោក ខ្វះកម្លាំងចលករ ហើយនិន្នាការឯកតោភាគីនិយម និងគាំពារនិយមកំពុងកើនឡើង។ ឆ្នាំនេះ ដែលជាលើកទី ៣ ហើយដែលប្រទេសចិនធ្វើជាម្ចាស់ផ្ទះរៀបចំកិច្ចប្រជុំកំពូល APEC ។ ប្រទេសចិនមានឆន្ទៈធ្វើការជាមួយភាគីទាំងអស់ ដើម្បីពង្រឹងជំនឿចិត្ត ដើរឆ្ពោះទៅមុខដោយអង់អាចក្លាហាន ដើម្បីរួមគ្នាកសាងសហគមន៍អាស៊ី-ប៉ាស៊ីហ្វិក និងជំរុញវិបុលភាពរួមនៃតំបន់អាស៊ី-ប៉ាស៊ីហ្វិក។

លោក Xi Jinping បានលើកសំណើ ៤ ចំណុច ពោលគឺទីមួយ ត្រូវការពារសភាពការណ៍ទូទៅនៃសន្តិភាពនិងស្ថិរភាព។ ទីពីរ ត្រូវបង្កើតស្ពានសម្រាប់កិច្ចសហប្រតិបត្តិការប្រកបដោយភាពបើកទូលាយ។ ទីបី ត្រូវជំរុញកម្លាំងចលករនៃកំណើនតាមរយៈការធ្វើនវានុវត្តន៍។ ទីបួន ត្រូវពង្រីកមធ្យោបាយសម្រាប់កិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមក។

លោក Xi Jinping បានគូសបញ្ជាក់ថា សេដ្ឋកិច្ចចិនបានរក្សានិន្នាការអភិវឌ្ឍន៍ប្រកបដោយគុណភាពខ្ពស់និងកាន់តែល្អប្រសើរ ដែលបង្ហាញឱ្យឃើញពីភាពធន់ និងភាពរស់រវើកដ៏រឹងមាំរបស់សេដ្ឋកិច្ចចិន។ ផែនការប្រាំឆ្នាំទី ១៥ របស់ចិន មិនត្រឹមតែជាផែនការគោលសម្រាប់ការអភិវឌ្ឍរបស់ប្រទេសចិនប៉ុណ្ណោះទេ ប៉ុន្តែក៏ជាបញ្ជីឈ្មោះនៃកាលានុវត្តភាព នៃកំណើនសេដ្ឋកិច្ចក្នុងតំបន់អាស៊ី-ប៉ាស៊ីហ្វិក និងពិភពលោកទាំងមូលផងដែរ នេះគឺជាការអញ្ជើញរបស់ប្រទេសចិន ចំពោះមជ្ឈដ្ឋានឧស្សាហកម្មនិងពាណិជ្ជកម្មសកលលោកសម្រាប់កិច្ចសហប្រតិបត្តិការជាមួយគ្នា។ ប្រទេសចិននឹងផ្តល់ជូន មជ្ឈដ្ឋានឧស្សាហកម្មនិងពាណិជ្ជកម្មសកលលោកនូវទីផ្សារបើកទូលាយដ៏ធំ លំហនៃការអភិវឌ្ឍដែលមានអនាគតដ៏ធំទូលាយ និងបរិយាកាសសហប្រតិបត្តិការដែលជំរុញការអភិវឌ្ឍទៅវិញទៅមក។

លោក Xi Jinping បានសង្កត់ធ្ងន់ថា តំបន់អាស៊ី-ប៉ាស៊ីហ្វិកគឺជាលំហនៃការអភិវឌ្ឍរួមរបស់យើង និងជាវេទិកាសម្រាប់កិច្ចសហប្រតិបត្តិការគ្នា។ សូមឱ្យយើងពួតដៃគ្នាកសាងសហគមន៍អាស៊ី-ប៉ាស៊ីហ្វិក និងរួមគ្នាបង្កើតអនាគតដ៏ភ្លឺស្វាងសម្រាប់តំបន់អាស៊ី-ប៉ាស៊ីហ្វិក !

វិទ្យុមិត្តភាពកម្ពុជាចិន