* សម្តេចមហាបវរធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់សមិទ្ធផលកែលំអហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រមន្ទីរពេទ្យបង្អែកស្រុកចំនួន៦១កន្លែង នាព្រឹកថ្ងៃទី១៩ ខែវិច្ឆិកា ឆ្នាំ២០២៦
* បង់ក្លាដែសដាក់ពង្រាយកងកម្លាំង ទប់ស្កាត់ភាពវឹកវរជុំវិញគម្រោងវិលត្រឡប់របស់លោកស្រី ហាស៊ីណា
* វិភាគអន្តរជាតិ៖ ហេតុអ្វីចិនប្រកែកមិនចង់ចូលរួមសន្ធិសញ្ញាគ្រប់គ្រងអាវុធនុយក្លេអ៊ែរជាមួយអាមេរិក និងរុស្ស៉ី?
* «ភូមិហ្វ្រង់កូហ្វូនី» រយៈពេល៥ថ្ងៃ មានភ្ញៀវទេសចរជាង៦៦ម៉ឺននាក់ ចូលរួមទស្សនា
* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

អ៊ីតាលីត្រៀមដាក់កំហិតការប្រើប្រាស់បណ្ដាញសង្គមសម្រាប់ក្មេងជំទង់

18-11-2026 20:22

(រ៉ូម)៖ ប្រទេសអ៊ីតាលីត្រៀមខ្លួនក្លាយជាប្រទេសចុងក្រោយបង្អស់ដែលរឹតត្បិតការប្រើប្រាស់បណ្ដាញសង្គមសម្រាប់អនីតិជន ដោយយកគំរូតាមប្រទេសអូស្ត្រាលី ប្រេស៊ីល និងក្រិក ហើយសភារំពឹងថានឹងអនុម័តក្រឹត្យរបស់រដ្ឋាភិបាលនៅដំណាច់ឆ្នាំនេះ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី១៨ ខែវិច្ឆិកា ឆ្នាំ២០២៦។

យោងតាមវិសោធនកម្មលើក្រឹត្យសន្តិសុខដែលកំពុងពិភាក្សានៅសភា និងគាំទ្រដោយក្រុមចម្រុះស្ដាំនិយមរបស់នាយករដ្ឋមន្ត្រី លោកស្រី ហ្សរហ្សា មេឡូនី (Giorgia Meloni) កុមារអាយុក្រោម ១៣ ឆ្នាំនឹងមិនអនុញ្ញាតឱ្យមានគណនីបណ្ដាញសង្គមឡើយ ចំណែកអនីតិជនអាយុចន្លោះពី ១៣ ដល់ ១៥ ឆ្នាំអាចប្រើប្រាស់បាន លុះត្រាតែភ្ជាប់ជាមួយគណនីរបស់ឪពុកម្ដាយណាម្នាក់ ហើយគណនីឯករាជ្យអាចបង្កើតបានចាប់ពីអាយុ ១៦ ឆ្នាំឡើងទៅ។ សេចក្ដីព្រាងច្បាប់ដដែលនេះ បានលើកលែងកម្មវិធីអប់រំពីបម្រាម និងតម្រូវឱ្យក្រុមហ៊ុនបណ្ដាញសង្គមផ្ទៀងផ្ទាត់អាយុអ្នកប្រើប្រាស់ ដោយអនុវត្តតាមគោលការណ៍ណែនាំដែលរៀបចំដោយនិយ័តករទូរគមនាគមន៍អ៊ីតាលី (AGCOM) ក្នុងរយៈពេល ៩ ខែបន្ទាប់ពីក្រឹត្យចូលជាធរមាន។

គួរបញ្ជាក់ថា វិសោធនកម្មនេះគ្រោងដាក់ជូនសភាអនុម័តនៅចុងខែធ្នូខាងមុខ ហើយប្រភពពីសភាបានឱ្យដឹងថា សំណើនេះស្ទើរតែប្រាកដជានឹងឆ្លងផុតការអនុម័ត ខណៈក្រុមហ៊ុនបណ្ដាញសង្គមនានានៅជុំវិញពិភពលោកកំពុងរងសម្ពាធឱ្យកែសម្រួលប្រព័ន្ធអាល់ហ្គោរីត (algorithms) របស់ខ្លួន ចំពេលមានក្ដីបារម្ភកាន់តែខ្លាំងថា បណ្ដាញសង្គមកំពុងរួមចំណែកបង្កវិបត្តិសុខភាពផ្លូវចិត្តក្នុងចំណោមកុមារ៕