* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* តុលាការយុត្តិធម៌អន្តរជាតិ រកឃើញថាកងកម្លាំងមីយ៉ាន់ម៉ាសម្លាប់ជនជាតិរ៉ូហ៊ីងយ៉ារាប់ពាន់នាក់
* វិភាគអន្តរជាតិ៖ ដាក់ពង្រាយយន្ដហោះយោធាហោះឆ្វែលអាស៊ី អ្វីទៅជាសារដែលរុស្ស៉ីចង់បញ្ជូន?
* មេសិទ្ធិមនុស្សកម្ពុជា បន្តលាតត្រដាងទង្វើរំលោភសិទ្ធិមនុស្ស របស់យោធាថៃ មកលើពលរដ្ឋស្លូតត្រង់កម្ពុជា ប្រាប់អង្គការពិភពលោកប្រឆាំងទារុណកម្ម
* លោក ស៊ី ជីនពីង អំពាវនាវឱ្យចិន រុស្ស៊ី និងអាមេរិក គួរធ្វើជាគំរូនៃកិច្ចសហប្រតិបត្តិការ ដើម្បីឆ្លើយតបបញ្ហាប្រឈមសកល ហើយរួមគ្នាថែរក្សាសន្តិភាព និងស្ថិរភាពពិភពលោក
* លោក ត្រាំ ប្រាប់លោក ស៉ី និងលោក ពូទីន៖ «ក្នុងនាមជាកំពូលមហាអំណាចទាំង៣ យើងមានទំនួលខុសត្រូវពិសេស មិនមែនសម្រាប់ត្រឹមប្រជាជនយើងទេ ប៉ុន្តែសម្រាប់ពិភពលោកទាំងមូល»
* រដ្ឋមន្ត្រី នេត្រ ភក្ត្រា៖ ក្រសួងព័ត៌មាននឹងមិនអនុញ្ញាតឱ្យជនទុច្ចរិត ប្រើអាជ្ញាបណ្ណសារព័ត៌មានដើរបង្កចលាចលសង្គមឡើយ
* លោក ពូទីន៖ មហាអំណាចរុស្ស៉ី-ចិន-អាមេរិក មានការទទួលខុសត្រូវរួម ក្នុងការថែរក្សាសន្តិភាពនិងសន្តិសុខអន្តរជាតិ
* ប្រធានាធិបតីសាធារណរដ្ឋកូរ៉េ ថ្លែងអំណរគុណសម្តេចតេជោ ហ៊ុន សែន ចំពោះសារអបអរសាទររបស់សម្តេច ក្នុងឱកាសលើកទី៤៣៥៨ ទិវាបង្កើតជាតិនៃសាធារណរដ្ឋកូរ៉េ
* អ៉ីរ៉ាក់សម្រេចប្រកាសបិទការប្រើប្រាស់ Telegram ជាលើកទី២នៅក្នុងឆ្នាំនេះ
* កម្ពុជា-ថៃ នឹងជួបប្រជុំលើកទី៣ ក្រោមយន្តការផ្សះផ្សា UNCLOS នៅម៉ាឡេស៊ី ពីថ្ងៃទី២៤-២៦ ខែវិច្ឆិកា ដើម្បីពិភាក្សាបច្ចេកទេសកំណត់ព្រំដែនសមុទ្រ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា អង្គការអន្តរជាតិហ្វ្រង់កូហ្វូនី បានបង្ហាញការព្រួយបារម្ភចំពោះស្ថានការណ៍ព្រំដែនកម្ពុជា និងថៃ ជាពិសេសគាំទ្រជំហកម្ពុជា ក្នុងការដោះស្រាយបញ្ហាដោយសន្តិវិធី និងផ្អែកលើច្បាប់អន្តរជាតិ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្រុមហ៊ុនជប៉ុន បានសម្រេចបោះទុនវិនិយោគផលិតគ្រាប់ខ្ចៅផ្តាច់មុខ ដើម្បីចែកចាយទៅប្រទេសផ្សេងៗនៅក្នុងតំបន់
* សម្តេចមហាបវរធិបតី ហ៊ុន ម៉ាណែទ មានប្រសាសន៍ថា កម្ពុជា បានចរចាពន្ធជាមួយអាមេរិកតាំងពីមួយឆ្នាំមុន។ សម្តេចបញ្ជាក់តបទៅនឹងចម្ងល់ពលរដ្ឋមួយចំនួន ពេលឃើញអាមេរិក និងថៃ ចុះកិច្ចព្រមព្រៀងលើបញ្ហាពន្ធនៅប្រទេសហ្វីលីពីន។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងពិធីជប់លៀងជាងមួយម៉ោងរវាងមេដឹកនាំអាស៊ាន និងលោក ដូណាល់ ត្រាំ ប្រធានាធិបតីអាមេរិក នៅប្រទេសហ្វីលីពីន សម្តេចបានអរគុណលោក ដូណាល់ ត្រាំ សម្រាប់ការជួយឱ្យមានសេចក្តីថ្លែងការណ៍រួមនៅកូឡាឡាំពួរ។ សម្តេចបន្តថា លោក ត្រាំ ប្រកាសបន្តជួយឱ្យមានការអនុវត្តពេញលេញលើសេចក្តីថ្លែងការណ៍រួមនោះ។
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ថ្លែងចេញពីប្រទេសចិន លោកស្រី Takaichi ប្រកាសថា ជំហររបស់ជប៉ុនចំពោះបញ្ហាកោះតៃវ៉ាន់ មិនមានការផ្លាស់ប្ដូរឡើយ

19-11-2026 16:45

(សិនជិន)៖ ថ្លែងចេញពីភាគខាងត្បូងប្រទេសចិន នាយករដ្ឋមន្ត្រីជប៉ុន លោកស្រី Sanae Takaichi នាថ្ងៃព្រហស្បតិ៍ ទី១៩ ខែវិច្ឆិកា ឆ្នាំ២០២៦ បានប្រកាសថា ជំហររបស់ប្រទេសជប៉ុនចំពោះបញ្ហាកោះតៃវ៉ាន់ មិនមានការផ្លាស់ប្ដូរឡើយ ចាប់តាំងតែពីឆ្នាំ១៩៧២ មក។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។

ការលើកឡើងរបស់លោកស្រី Takaichi នៅក្រៅកិច្ចប្រជុំកំពូលនៃវេទិកាកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងទីក្រុង Shenzhen គឺស្របពេលដែលទំនាក់ទំនងរវាងចិននិងជប៉ុន កំពុងនៅតែស្ថិតក្នុងភាពតានតឹងខ្លាំង ចាប់តាំងពីលោកស្រី បានការធ្វើអត្ថាធិប្បាយពាក់ព័ន្ធនឹងកោះតៃវ៉ាន់ កាលពីខែវិច្ឆិកា ឆ្នាំ២០២៥។ កាលពីពេលនោះ លោកស្រី បាននិយាយថា ការវាយប្រហារណាមួយពីសំណាក់ចិនលើកោះតៃវ៉ាន់ អាចបង្កឱ្យទីក្រុងតូក្យូ ឆ្លើយតបតាមផ្លូវយោធា។

ដោយឡែក នាថ្ងៃព្រហស្បតិ៍នេះ លោកស្រី Takaichi បានថ្លែងថា ជំហររបស់ជប៉ុនចំពោះកោះតៃវ៉ាន់ ដូចដែលបានចែងក្នុងសេចក្ដីប្រកាសរួមចិន-ជប៉ុន ឆ្នាំ១៩៧២ ដែលបានបង្កើតទំនាក់ទំនងការទូតរវាងប្រទេសទាំងពីរ គឺមិនមានការផ្លាស់ប្ដូរឡើយ។ ក្រោមសេចក្ដីប្រកាសរួមឆ្នាំ១៩៧២ ជប៉ុនបានបញ្ជាក់ថា ខ្លួន «យល់ច្បាស់និងគោរពយ៉ាងពេញលេញ» ចំពោះគោលជំហររបស់ទីក្រុងប៉េកាំង ដែលថាកោះតៃវ៉ាន់ជាផ្នែកមួយរបស់ចិន។ លោកស្រី Takaichi បានគូសបញ្ជាក់ក្នុងសន្និសីទសារព័ត៌មានដូច្នេះថា «ជំហរនេះពិតជាមិនមានការផ្លាស់ប្ដូរអ្វីទាំងអស់»។

កន្លងមក ចិនបានទាមទារឱ្យលោកស្រី ដកពាក្យសម្ដីដែលខ្លួនចាត់ទុកថា «មិនអាចទទួលយកបានយ៉ាងខ្លាំង» កាលពីឆ្នាំមុន ដោយព្រមានថា បើមិនដូច្នោះទេ ជប៉ុនត្រូវតែទទួលខុសត្រូវ ចំពោះផលវិបាកទាំងអស់ ដែលបណ្ដាលមកពីការលើកឡើងនោះ។ ចិនក៏បានរឹតត្បិតលើការនាំចេញរ៉ែសំខាន់ៗ ហាមឃាត់ការនាំចូលគ្រឿងសមុទ្ររបស់ជប៉ុន និងអំពាវនាវឱ្យពលរដ្ឋរបស់ខ្លួន ចៀសវាងការធ្វើដំណើរទៅកាន់ប្រទេសជប៉ុន ផងដែរ។

គួរបញ្ជាក់ថា រហូតមកដល់ពេលនេះ បណ្តាមេដឹកនាំជប៉ុន តែងតែបានចៀសវាងការលើកឡើងពីបញ្ហាកោះតៃវ៉ាន់ជាសាធារណៈ នៅពេលពិភាក្សាអំពីសេណារីយ៉ូបែបនោះ ដើម្បីរក្សាជំហរយុទ្ធសាស្រ្តនៃការមិនបញ្ជាក់ឱ្យច្បាស់លាស់។ ខុសពីមេដឹកនាំដទៃទៀត រួមទាំងប្រធានាធិបតីអាមេរិក លោក ដូណាល់ ត្រាំ ផងដែរ លោកស្រី Takaichi មិនបានជួបពិភាក្សាទ្វេភាគី ជាមួយប្រធានាធិបតីចិន លោក ស៊ី ជីនពីង នៅក្រៅកិច្ចប្រជុំកំពូល APEC នោះទេ។

យ៉ាងណាមិញ លោកស្រីនាយករដ្ឋមន្រ្តីជប៉ុន បានប្រាប់ថា លោកស្រីបានអរគុណចំពោះលោក ស៊ី ដែលបានអញ្ជើញលោកស្រី អំឡុងពេលជួបរាក់ទាក់គ្នា ដោយលោកស្រីបានគូសបញ្ជាក់ថា ចិនគឺជា «ប្រទេសជិតខាងដ៏សំខាន់» ដែលជប៉ុនត្រូវរក្សាការចូលរួម និងការធ្វើប្រាស្រ័យទាក់ទងជាមួយ។ ជាចុងក្រោយ ឡោកស្រី Takaichi បានសង្កត់ធ្ងន់ថា លោកស្រីមានចង់កសាងទំនាក់ទំនងមួយ ដែលមានលក្ខណៈស្ថាបនានិងមានស្ថិរភាពជាមួយចិន៕