* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

មីយ៉ាន់ម៉ា ចោទថាសាលក្រមតុលាការ ICJ ពាក់ព័ន្ធសំណុំរឿងប្រល័យពូជសាសន៍ គឺមិនយុត្តិធម៌ (Video inside)

20-11-2026 15:33

(ណៃពិដោ)៖ អ្នកនាំពាក្យប្រធានាធិបតីមីយ៉ាន់ម៉ា នៅថ្ងៃសុក្រ ទី២០ ខែវិច្ឆិកា ឆ្នាំ២០២៦ បាននិយាយថា សាលក្រមជាប្រវត្តិសាស្ត្ររបស់តុលាការកំពូលនៃអង្គការសហប្រជាជាតិ ដែលសម្រេចថា មីយ៉ាន់ម៉ាបានប្រព្រឹត្តអំពើប្រល័យពូជសាសន៍ ប្រឆាំងជនជាតិរ៉ូហ៊ីងយ៉ា ដែលជាជនជាតិភាគតិចក្នុងប្រទេសរបស់ខ្លួន គឺគ្មានយុត្តិធម៌។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។

កាលពីថ្ងៃព្រហស្បតិ៍ តុលាការយុត្តិធម៌អន្តរជាតិ ICJ បានបង្ហាញភស្តុតាងយ៉ាងច្បាស់លាស់ អំពីអំពើឃោរឃៅរបស់មីយ៉ាន់ម៉ា លើជនជាតិរ៉ូហ៊ីងយ៉ា ដែលភាគច្រើនកាន់សាសនាអ៉ីស្លាម ក្នុងអំឡុងប្រតិបត្តិការបង្ក្រាបកាលពីឆ្នាំ២០១៧ នៅរដ្ឋ Rakhine ភាគខាងលិចប្រទេស។ ប្រធានតុលាការបាននិយាយថា កងកម្លាំងសន្តិសុខមីយ៉ាន់ម៉ា បានសម្លាប់ជនស៊ីវិលរ៉ូហ៊ីងយ៉ារាប់ពាន់នាក់ បានប្រព្រឹត្តអំពើហិង្សាផ្លូវភេទលើស្ត្រី និងប្រើអំពើហិង្សាធ្ងន់ធ្ងរលើកុមារ។ សាលក្រមនេះគឺជាករណីដំបូងបង្អស់ ដែលរដ្ឋមួយត្រូវបានតុលាការអន្តរជាតិ រកឃើញថា បានប្រព្រឹត្តអំពើប្រល័យពូជសាសន៍។

នៅពេលត្រូវបានសាកសួរអំពីសេចក្តីសម្រេចរបស់ ICJ ក្នុងសន្និសីទសារព័ត៌មាននៅរដ្ឋធានីណៃពិដោ អ្នកនាំពាក្យលោកស្រី Khaing Khaing Soe បានចាត់ទុកសាលក្រមនេះថា មិនយុត្តិធម៌។ លោកស្រី បាននិយាយដូច្នេះថា «ទោះខាងយើងបានខិតខំប្រឹងប្រែងក៏ដោយ ហើយនៅពេលមើលលទ្ធផល យើងឃើញថា មិនមែនចៅក្រមទាំង១៥រូប សុទ្ធតែយល់ស្របនឹងសេចក្តីសម្រេចនេះទេ» ដោយលោកស្រី បានលើកឡើងពីលទ្ធផលបោះឆ្នោត៩គាំទ្រ ទល់នឹង៦ជំទាស់់។ អ្នកនាំពាក្យបន្ថែមថា «ដូច្នេះ នេះមិនមែនជាសេចក្តីសម្រេចជាឯកច្ឆន្ទទេ។ ខ្ញុំយល់ថា វាមិនយុត្តិធម៌ឡើយ»។

គួរបញ្ជាក់ថា មីយ៉ាន់ម៉ាតែងតែបដិសេធការចោទប្រកាន់ពីបទប្រល័យពូជសាសន៍ ដោយអះអាងថា សកម្មភាពរបស់ខ្លួន មានគោលដៅត្រឹម បង្ក្រាបការបះបោររបស់ក្រុមឧទ្ទាមប្រដាប់អាវុធ បន្ទាប់ពីការវាយប្រហារជាបន្តបន្ទាប់ បានបណ្តាលឱ្យកងកម្លាំងសន្តិសុខជាច្រើននាក់ស្លាប់។ ប៉ុន្តែសាលក្រមរបស់ ICJ បានច្រានចោលការអះអាងរបស់មីយ៉ាន់ម៉ា ដែលថាខ្លួនធ្វើប្រតិបត្តិការប្រឆាំងនឹងក្រុមបះបោរ។ សាលក្រមបានសង្កត់ធ្ងន់ថា «មិនមានភស្តុតាងណាមួយឡើយនៅចំពោះមុខតុលាការ ដែលបង្ហាញថា ក្នុងអំឡុងប្រតិបត្តិការបោសសម្អាត មីយ៉ាន់ម៉ាបានបែងចែកឱ្យដាច់ពីគ្នារវាងជនស៊ីវិល និងអ្នកប្រយុទ្ធរ៉ូហ៊ីងយ៉ា»៕