* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

បារាំងស្នើកោះប្រជុំក្រុមប្រឹក្សាសន្តិសុខ UN ក្រោយរុស្ស៊ីវាយប្រហារលើទីក្រុងកៀវ

20-11-2026 19:57

(ប៉ារីស)៖ ប្រទេសបារាំងបានអំពាវនាវឱ្យមានកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ (UNSC) បន្ទាប់ពីរុស្ស៊ីបានបើកការវាយប្រហារជាថ្មីលើរដ្ឋធានីកៀវ ប្រទេសអ៊ុយក្រែន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

មន្ត្រីអ៊ុយក្រែនបានឱ្យដឹងថា មនុស្សចំនួន ៨ នាក់បានស្លាប់ក្នុងការវាយប្រហារដោយមីស៊ីលរបស់រុស្ស៊ីពេញមួយយប់ ខណៈរដ្ឋមន្ត្រីការបរទេសបារាំង លោក ហ្សង់-ណូអែល បារ៉ូត (Jean-Noel Barrot) បានសរសេរលើបណ្ដាញសង្គម X ថា «រុស្ស៊ីនឹងត្រូវទទួលខុសត្រូវចំពោះរឿងនេះ»។ ទន្ទឹមនឹងនេះ កាលពីថ្ងៃព្រហស្បតិ៍ រដ្ឋាភិបាលហូឡង់បានកោះហៅឯកអគ្គរដ្ឋទូតរុស្ស៊ីមកសួរនាំ បន្ទាប់ពីស្ថានទូតហូឡង់ប្រចាំទីក្រុងកៀវរងការខូចខាតបន្តិចបន្តួច នៅពេលគ្រាប់ផ្លោងធ្លាក់ក្បែរអគារស្ថានទូត ហើយស្ថានទូតអូទ្រីសប្រចាំទីក្រុងកៀវក៏រងការវាយប្រហារផងដែរ ប៉ុន្តែមិនមានបុគ្គលិកស្ថានទូតណាម្នាក់រងរបួសឡើយ។

គួរបញ្ជាក់ថា ការវាយប្រហារលើទីក្រុងកៀវនេះកើតឡើងស្របពេលដែលរុស្ស៊ីកំពុងបង្កើនការវាយប្រហារដោយដ្រូន និងមីស៊ីលលើទីក្រុង និងបណ្ដាញថាមពលរបស់អ៊ុយក្រែននារដូវរងា និងចំពេលដែលប្រធានាធិបតីរុស្ស៊ី លោក វ្ល៉ាឌីមៀ ពូទីន ទើបប្រកាសថានឹងមិនចរចាបទឈប់បាញ់ជាមួយអ៊ុយក្រែនឡើយ បន្ទាប់ពីមានការវាយប្រហារលើស្ពាន Kerch តភ្ជាប់ឧបទ្វីបគ្រីមៀ៕