* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

រុស្ស៊ីព្រមានថា វត្តមានប្រមុខការទូត EU លោកស្រី កាឡាស នឹងធ្វើឱ្យកិច្ចចរចាសន្តិភាពអ៊ុយក្រែនដួលរលំ

20-11-2026 20:14

(មូស្គូ)៖ អ្នកនាំពាក្យក្រសួងការបរទេសរុស្ស៊ី លោកស្រី ម៉ារីយ៉ា ហ្សាខារ៉ូវ៉ា (Maria Zakharova) បានព្រមានថា ការចូលរួមរបស់ប្រមុខគោលនយោបាយការបរទេសសហភាពអឺរ៉ុប (EU) លោកស្រី កាហ្សា កាឡាស (Kaja Kallas) ក្នុងកិច្ចចរចាណាមួយនាពេលអនាគតស្តីពីបញ្ហាអ៊ុយក្រែន នឹងធ្វើឱ្យដំណើរការចរចាដួលរលំ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី២០ ខែវិច្ឆិកា ឆ្នាំ២០២៦។

ថ្លែងក្នុងសន្និសីទសារព័ត៌មាននៅទីក្រុងមូស្គូ លោកស្រី ហ្សាខារ៉ូវ៉ា បានចាត់ទុកលោកស្រី កាឡាស ថាជាអ្នកនយោបាយប្រឆាំងរុស្ស៊ី និងមិនស័ក្តិសមចូលរួមកិច្ចចរចាឡើយ ដោយលោកស្រីបានលើកឡើងថា «ប្រសិនបើភាគីណាមួយនៅទីក្រុងព្រុចសែលចង់បានអ្នកចរចាបែបនេះជាមួយរុស្ស៊ី នោះវាបង្ហាញយ៉ាងច្បាស់ពីលទ្ធផលដែលពួកគេចង់បានគឺការបំផ្លាញគំនិតផ្តួចផ្តើមសន្តិភាព»។ ជាការឆ្លើយតប លោកស្រី កាឡាស ធ្លាប់បានគូសបញ្ជាក់កាលពីដើមខែនេះថា រុស្ស៊ីគ្មានសិទ្ធិជ្រើសរើសអ្នកតំណាងឱ្យប្លុកអឺរ៉ុបនោះទេ ព្រោះលោកស្រីនិយាយក្នុងនាមប្រទេសសមាជិកទាំង ២៧ ហើយរុស្ស៊ីត្រូវតែយល់ព្រមលើបទឈប់បាញ់ និងធ្វើសម្បទានជាមុនសិន មុននឹងកិច្ចចរចាសន្តិភាពពិតប្រាកដអាចចាប់ផ្តើមបាន។

គួរបញ្ជាក់ថា រហូតមកដល់ពេលនេះ អឺរ៉ុបមិនទាន់បានចូលរួមក្នុងកិច្ចចរចាសន្តិភាពរវាងរុស្ស៊ី និងអ៊ុយក្រែន ដែលសម្របសម្រួលដោយសហរដ្ឋអាមេរិកនៅឡើយទេ ប៉ុន្តែបានឯកភាពគ្នាជ្រើសរើសមហាអំណាចយោធាចំនួន ៥ រួមមាន អង់គ្លេស បារាំង អាល្លឺម៉ង់ អ៊ីតាលី និងប៉ូឡូញ រួមទាំងស្ថាប័ន EU ធ្វើជាតំណាងប្រសិនបើខ្លួនចូលរួម។ ទន្ទឹមនឹងនេះ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានលើកឡើងកាលពីថ្ងៃព្រហស្បតិ៍ថា រុស្ស៊ីបានស្នើឱ្យបេសកជនអឺរ៉ុបមកបំភ្លឺជំហរនៅទីក្រុងមូស្គូជាមុន ខណៈអនុរដ្ឋមន្ត្រីការបរទេសរុស្ស៊ី លោក ស៊ែរហ្គេ រីយ៉ាបកូវ (Sergei Ryabkov) បានឱ្យដឹងនៅថ្ងៃសុក្រថា គម្រោងដំណើរទស្សនកិច្ចរបស់តំណាងមកពីអង់គ្លេស អាល្លឺម៉ង់ និងបារាំង កំពុងស្ថិតក្នុងការរៀបចំ៕