* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ចិន និងសហរដ្ឋអាមេរិក បើកកិច្ចពិភាក្សាប្រចាំឆ្នាំស្តីពីសុវត្ថិភាពយោធាដែនសមុទ្រនៅទីក្រុងសៀងហៃ

20-11-2026 20:47

(ប៉េកាំង)៖ កងទ័ពជើងទឹកចិនបានប្រកាសក្នុងសេចក្តីថ្លែងការណ៍មួយថា ចិន និងសហរដ្ឋអាមេរិក បានរៀបចំកិច្ចប្រជុំក្រុមការងារលើកទី២ ក្នុងឆ្នាំ២០២៦ និងកិច្ចប្រជុំប្រចាំឆ្នាំនៃយន្តការកិច្ចព្រមព្រៀងពិគ្រោះយោបល់យោធាដែនសមុទ្រ (MMCA) នៅទីក្រុងសៀងហៃ ចាប់ពីថ្ងៃពុធ ទី១៨ ដល់ថ្ងៃសុក្រ ទី២០ ខែវិច្ឆិកា។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

បើតាមសេចក្តីថ្លែងការណ៍ដដែល ភាគីទាំងពីរបានផ្លាស់ប្តូរយោបល់គ្នាដោយ «ស្មោះត្រង់ ជាក់ស្តែង និងប្រកបដោយភាពស្ថាបនា» អំពីស្ថានភាពសន្តិសុខដែនសមុទ្រ និងដែនអាកាសនាពេលបច្ចុប្បន្ន ព្រមទាំងបានពិភាក្សាអំពីវិធានការនានា ដើម្បីលើកកម្ពស់សុវត្ថិភាពយោធាដែនសមុទ្ររវាងប្រទេសទាំងពីរ។ ក្នុងឱកាសនោះ ភាគីទាំងពីរក៏បានត្រួតពិនិត្យឡើងវិញនូវការអនុវត្តក្រមប្រតិបត្តិសុវត្ថិភាពសម្រាប់ការជួបប្រទះគ្នាដោយចៃដន្យនៅលើផ្ទៃសមុទ្រ ឬដែនអាកាស ក្នុងរយៈពេលមួយឆ្នាំកន្លងមកផងដែរ។

គួរបញ្ជាក់ថា កិច្ចប្រជុំ MMCA នេះមានការចូលរួមពីមន្ត្រីយោធាជើងទឹកចិន និងតំណាងមកពីទីបញ្ជាការដ្ឋានឥណ្ឌូ-ប៉ាស៊ីហ្វិករបស់សហរដ្ឋអាមេរិក កងនាវាចរប៉ាស៊ីហ្វិក កងទ័ពអាកាសប៉ាស៊ីហ្វិក និងឆ្មាំសមុទ្រអាមេរិក ក្នុងគោលបំណងកាត់បន្ថយហានិភ័យនៃការប្រឈមមុខដាក់គ្នាដោយមិនមានសុវត្ថិភាព ឬគ្មានវិជ្ជាជីវៈ ខណៈកិច្ចពិភាក្សានេះក៏ធ្វើឡើងស្របពេលនឹងកិច្ចប្រជុំកំពូល APEC នៅទីក្រុងស៊ិនជិន ប្រទេសចិនផងដែរ៕