* ព្រឹកថ្ងៃនេះ សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* ឯកអគ្គរដ្ឋទូតបារាំង៖ បារាំង ប្តេជ្ញាពង្រឹងកិច្ចសហប្រតិបត្តិការការពារជាតិ ជាមួយកម្ពុជា និងបន្តគាំទ្រការបណ្តុះបណ្តាលកងទ័ពកម្ពុជា
* ដាណឺម៉ាក ផ្តល់សច្ចាប័នលើកិច្ចព្រមព្រៀងជុំវិញកោះ Greenland ជាមួយលោក ត្រាំ ដោយសង្ឃឹមថាវានឹងបិទបញ្ចប់បញ្ហាវិវាទ
* អាមេរិកដាក់ទណ្ឌកម្មលើបុគ្គល និងអង្គភាពចំនួនប្រាំ ដែលធ្វើប្រតិបត្តិការ និងសម្របសម្រួលឱ្យមានមជ្ឈមណ្ឌលបោកប្រាស់តាមប្រព័ន្ធអនឡាញ
* លោក ពូទីន អះអាងថារុស្ស៉ីបបួលអឺរ៉ុបជួបគ្នានៅមូស្គូ ដើម្បីបញ្ជាក់ឱ្យច្បាស់ពីគោលជំហរចំពោះកិច្ចចរចាស្ដីពីសង្រ្គាមអ៊ុយក្រែន
* កម្ពុជា ច្រានចោលការចោទប្រកាន់របស់ក្រសួងការបរទេសថៃ ដែលចោទកម្ពុជាថា ប្រើប្រាស់កិច្ចប្រជុំហ្វ្រង់កូហ្វូនីនៅភ្នំពេញ ដើម្បីបង្ខូចកេរ្តិ៍ឈ្មោះថៃ
* ប្រធានាធិបតី ដូណាល់ ត្រាំ ថ្លែងរំលឹកសារជាថ្មីនៅចំពោះមុខប្រជុំ APEC ថា «ថៃត្រូវគោរពកិច្ចព្រមព្រៀងបទឈប់បាញ់ និងត្រូវអនុញ្ញាតឲ្យជនភៀសសឹកកម្ពុជាទាំងអស់វិលត្រឡប់មកលំនៅដ្ឋានវិញ»
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត

20-11-2026 22:03

(ហាណូយ)៖ រដ្ឋសភាវៀតណាមនៅថ្ងៃសុក្រ បានអនុម័តក្រមព្រហ្មទណ្ឌកែសម្រួលថ្មី ដោយលុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត ដែលធ្វើឱ្យប្រទេសនេះនៅសល់បទល្មើសត្រឹមតែ ៤ប៉ុណ្ណោះដែលអាចប្រឈមនឹងទោសប្រហារជីវិត។ នេះបើតាមការចេញផ្សាយដោយសារព័ត៌មាន South China Morning Post នៅថ្ងៃសុក្រ ទី២០ ខែវិច្ឆិកា ឆ្នាំ២០២៦។

ក្រោមច្បាប់ថ្មីនេះ ទោសប្រហារជីវិតអនុវត្តចំពោះតែបទល្មើសក្បត់ជាតិ អំពើឃាតកម្ម ភេរវកម្ម និងការផលិតគ្រឿងញៀនខុសច្បាប់ប៉ុណ្ណោះ ខណៈបទល្មើសដែលដកចេញពីបញ្ជីទោសប្រហារជីវិត រួមមាន ការជួញដូរគ្រឿងញៀន ឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម ការបះបោរ និងការរំលោភសេពសន្ថវៈលើអនីតិជន ហើយជំនួសមកវិញដោយទោសអតិបរមាគឺជាប់ពន្ធនាគារអស់មួយជីវិត។ ទោះបីសមាជិកសភាមួយចំនួនធ្លាប់ស្ទាក់ស្ទើរក្នុងការដកទោសប្រហារជីវិតសម្រាប់ការជួញដូរគ្រឿងញៀនក៏ដោយ ក៏រដ្ឋមន្ត្រីក្រសួងសន្តិសុខសាធារណៈ លោក លឿង តាមក្វាង (Luong Tam Quang) បានលើកឡើងថា ភស្តុតាងបង្ហាញថាអ្នកជួញដូរមួយចំនួន «ត្រូវគេល្បួង បោកបញ្ឆោត ឬបង្ខិតបង្ខំ» ឱ្យប្រព្រឹត្ត ហើយពួកគេ «នៅតែអាចកែប្រែ អប់រំ និងផ្តល់ឱកាសឱ្យកែខ្លួនឡើងវិញបាន ដូច្នេះមិនចាំបាច់ដាក់ទោសប្រហារជីវិតនោះទេ»។

គួរបញ្ជាក់ថា នេះជាជំហានចុងក្រោយនៃការកាត់បន្ថយទោសប្រហារជីវិតជាបន្តបន្ទាប់ ចាប់តាំងពីក្រមព្រហ្មទណ្ឌឆ្នាំ១៩៨៥ របស់វៀតណាម ដែលធ្លាប់កំណត់ទោសប្រហារជីវិតលើបទល្មើសរហូតដល់ ៤៤ករណី។ វៀតណាមបានប្តូរមកប្រើវិធីចាក់ថ្នាំសម្លាប់ជំនួសការបាញ់សម្លាប់តាំងពីឆ្នាំ២០១៣ ប៉ុន្តែមិនដែលបង្ហាញជាសាធារណៈពីចំនួនអ្នកទោសដែលខ្លួនប្រហារជីវិតឡើយ ខណៈអង្គការលើកលែងទោសអន្តរជាតិ (Amnesty International) ប៉ាន់ប្រមាណថា មានអ្នកទោសជាង ១ ២០០នាក់ កំពុងជាប់ទោសប្រហារជីវិតនៅវៀតណាមគិតត្រឹមចុងឆ្នាំ២០២៣ ហើយកាលពីខែកញ្ញាកន្លងទៅ តុលាការក៏បានកាត់ទោសប្រហារជីវិតមនុស្សចំនួន ១១នាក់ ពីបទជួញដូរគ្រឿងញៀនពីប្រទេសបារាំងមកវៀតណាមផងដែរ៕