* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

បារ៉ែន អះអាងថាអ៉ីរ៉ង់វាយប្រហារលើរោងចក្រស៊ីវិល បង្កជាអគ្គិភ័យឆាបឆេះ (Video inside)

22-11-2026 10:00

(Reuters)​៖ ប្រទេសបារ៉ែន នៅថ្ងៃសៅរ៍ ទី២១ ខែវិច្ឆិកា ឆ្នាំ២០២៦ បានឱ្យដឹងថាការវាយប្រហារមួយរបស់អ៉ីរ៉ង់បានធ្លាក់ចំរោងចក្រស៊ីវិលមួយកន្លែង ដោយបណ្ដាលឱ្យមានអគ្គិភ័យឆាបឆេះ តែមិនមានអ្នករងរបួសនោះទេ ខណៈកងកម្លាំងឆ្មាំបដិវត្តន៍អ៉ីរ៉ង់បានអះអាងថាពួកគេបើកការវាយប្រហារមីស៊ីល និងដ្រូន លើទីតាំងយោធារបស់សហរដ្ឋអាមេរិកក្នុងប្រទេសបារ៉ែន ជាទីដែលកងនាវាទី៥នៃកងទ័ពជើងទឹកអាមេរិកឈរជើង។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

សេចក្ដីរាយការណ៍ពីការវាយប្រហាររបស់អ៉ីរ៉ង់ ជាការកើនឡើងជម្លោះចុងក្រោយបំផុតមួយនៅក្នុងតំបន់ឈូងសមុទ្រពែក្ស ចាប់តាំងពីសហរដ្ឋអាមេរិក និងអ៉ីស្រាអែលរួមដៃគ្នាដុតបញ្ឆេះសង្រ្គាមជាមួយអ៉ីរ៉ង់កាលពីខែកុម្ភៈមក។ ចាប់តាំងពីសង្រ្គាមផ្ទុះឡើងមកដែរ បណ្ដាប្រទេសអារ៉ាប់ក្នុងតំបន់ឈូងសមុទ្រពែក្សត្រូវបានអូសទាញឱ្យពាក់ព័ន្ធនឹងសង្រ្គាមនេះ ដោយពួកគេបានរងការវាយប្រហារពីអ៉ីរ៉ង់ម្ដងហើយម្ដងទៀត។

ក្នុងការបង្ហោះលើបណ្ដាញទំនាក់ទំនងសង្គម X ទីភ្នាក់ងារការពារជនស៊ីវិលរបស់បារ៉ែនបានឱ្យដឹងថាក្រុមអ្នកជួយសង្រ្គោះបានពន្លត់អគ្គិភ័យនៅឯរោងចក្រដែលរងការវាយប្រហារ។ តែមិនបានបញ្ជាក់ពីទីតាំងនោះទេដោយគ្រាន់តែបន្ថែមថាគ្មានអ្នករងរបួសនៅក្នុងការវាយប្រហារពីអ៉ីរ៉ង់នោះទេ ខណៈប្រព័ន្ធការពារដែនអាកាសរបស់បារ៉ែនបានស្ទាក់ចាប់ការវាយប្រហារមួយចំនួនពីអ៉ីរ៉ង់។

គួរបញ្ជាក់ថា កងកម្លាំងឆ្មាំបដិវត្តន៍អ៉ីរ៉ង់បានឱ្យដឹងនៅក្នុងសេចក្ដីថ្លែងការណ៍មួយថាពួកគេបានបើកការវាយប្រហារដោយប្រើមីស៊ីល និងដ្រូន ប្រឆាំងនឹងទីតាំងយោធារបស់សហរដ្ឋអាមេរិកនៅឯមូលដ្ឋានទ័ព Al-Riffa និង Awali ក្នុងប្រទេសបារ៉ែន ជាការសងសឹកទៅនឹងអ្វីដែល តេហេរ៉ង់ហៅថាទង្វើឈ្លានពាន និងការបំពានម្ដងហើយម្ដងទៀតលើដែនអាកាសរបស់អ៉ីរ៉ង់ដោយសហរដ្ឋអាមេរិក៕