* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

រដ្ឋាភិបាលគាំទ្រដោយយោធាមីយ៉ាន់ម៉ា ហៅការសម្រេចចិត្តរបស់អាស៊ាន មិនយុត្តិធម៌ និងលម្អៀង

22-11-2026 13:38

(Reuters)៖ រដ្ឋាភិបាលគាំទ្រដោយកងទ័ពរបស់មីយ៉ាន់ម៉ា នៅថ្ងៃសៅរ៍ ទី២១ ខែវិច្ឆិកា ឆ្នាំ២០២៦ បានហៅការសម្រេចចិត្តរបស់អាស៊ានមិនមានភាពយុត្តិធម៌ និងលម្អៀង ហើយចោទប្រកាន់ថាប្លុកអាស៊ីអាគ្នេយ៍មួយនេះបានប្រព្រឹត្តចំពោះខ្លួនដោយការរើសអើង តាមរយៈការបដិសេធការចូលរួមរបស់អ្នកតំណាងមីយ៉ាន់ម៉ាចូលរួមក្នុងកិច្ចប្រជុំកំពូលជាច្រើនឆ្នាំមកនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

ប្រតិកម្មរបស់ក្រសួងការបរទេសមីយ៉ាន់ម៉ា ធ្វើឡើងបន្ទាប់ពីបណ្ដាមេដឹកនាំអាស៊ានបានលើកឡើងនៅឯកិច្ចប្រជុំកំពូលអាស៊ានលើកទី៤៩ ក្នុងទីក្រុងម៉ានីល ប្រទេសហ្វីលីពីន ថាពួកគេនឹងអនុញ្ញាតបន្តិចម្ដងៗឱ្យអ្នកតំណាងមីយ៉ាន់ម៉ាចូលរួមប្រជុំឡើងវិញ ប្រសិនបើមានភាពរីកចម្រើនពាក់ព័ន្ធនឹងការអនុវត្តផែនការសន្តិភាពកុងសង់ស៊ីស៥ចំណុចដែល ត្រូវបានដាក់ចេញដោយអាស៊ានដើម្បីឈានទៅរកការបិទបញ្ចប់សង្រ្គាមស៊ីវិលសព្វថ្ងៃនៅមីយ៉ាន់ម៉ា។

ក្នុងសេចក្ដីថ្លែងការណ៍មួយ ក្រសួងការបរទេសមីយ៉ាន់ម៉ាបាននិយាយថាការសម្រេចចិត្តរបស់អាស៊ាននៅឯកិច្ចប្រជុំអាស៊ាន ក្នុងទីក្រុងម៉ានីល មិនបានឆ្លុះបញ្ចាំងយ៉ាងសមស្របទៅនឹងវិធានការជាវិជ្ជមានដែលខាងរដ្ឋាភិបាលមីយ៉ានម៉ាបានដាក់ចេញនោះទេ។ សេចក្ដីថ្លែងការណ៍ដដែលបានរិះគន់ថាការផាត់មីយ៉ាន់ម៉ាចេញពីកិច្ចប្រជុំកំពូលអាស៊ានគឺជាការប្រព្រឹត្តដោយរើសអើង ដោយមតិយល់ឃើញរបស់មីយ៉ាន់ម៉ាមិនទទួលបានការយកចិត្តទុកដាក់ឡើយ ខណៈសិទ្ធិស្មើភាព និងសមាជិកពេញលេញត្រូវបានដិសេធ។

លើសពីនេះទៅទៀត ក្រសួងការបរទេសមីយ៉ាន់ម៉ាក៏បានអះអាងផងដែរថានៅមីយ៉ាន់ម៉ាគ្មានអ្នកទោសនយោបាយនោះទេ ហើយមិនតែប៉ុណ្ណោះ អ្នកទោសជាង ១២៦ ០០០នាក់ ថែមទាំងទទួលបានការលើកលែងទោស ឬបន្ធូរបន្ថយទោសទៀតផង ចាប់តាំងពីផ្ទុះរដ្ឋប្រហារមក។ ប៉ុន្តែក្រុមអ្នកអង្គការសិទ្ធិមនុស្សបានឱ្យដឹងថាមានអ្នកទោសនយោបាយរាប់ពាន់នាក់កំពុងជាប់ឃុំក្នុងពន្ធនាគារ ក្នុងនោះរួមមានទាំងលោកស្រី អោងសាន ស៊ូជី ដែលកំពុងជាប់ឃុំក្នុងផ្ទុះ។

គួរបញ្ជាក់ថា កាលពីថ្ងៃពុធដើមសប្ដាហ៍នេះ ប្រធានាធិបតីគាំទ្រដោយយោធាមីយ៉ាន់ម៉ា លោក Min Aung Hlaing បានថ្លែងទៅកាន់សភាជាតិជាមួយការកត់សម្គាល់ថារដ្ឋាភិបាលរបស់លោកកំពុងពិចារណាឡើងវិញលើទំនាក់ទំនងជាមួយអាស៊ាន តែថានឹងរក្សាទំនាក់ទំនងជាមួយរដ្ឋជាសមាជិក។ មីយ៉ាន់ម៉ាបានធ្លាក់ចូលក្នុងភាពចលាចល ចាប់តាំងពីយោធាមីយ៉ាន់ម៉ាបានធ្វើរដ្ឋប្រហារបណ្ដេញរដ្ឋាភិបាលរបស់លោកស្រី អោងសាន ស៊ូជី ចេញពីអំណាច ជាហេតុបង្កឱ្យសង្រ្គាមស៊ីវិលមកទល់នឹងបច្ចប្បន្នដែល UN បានវាយតម្លៃថាបានសម្លាប់មនុស្សជាង ១០០ ០០០នាក់ និងជាង ៣,៥លាននាក់បានភៀសខ្លួនចេញពីផ្ទះសម្បែងរបស់ពួកគេ៕