* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

លោក ហ្សេឡេនស្គី៖ មនុស្សយ៉ាងតិច ១៤នាក់កំពុងបាត់ខ្លួន ក្រោយដ្រូនរុស្ស៊ីវាយប្រហារអគារស្នាក់នៅមួយកន្លែងក្នុងតំបន់កៀវ

22-11-2026 20:08

(កៀវ)៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី (Volodymyr Zelenskiy) បានឱ្យដឹងថា មនុស្សយ៉ាងតិច ១៤នាក់ អាចកំពុងជាប់នៅក្រោមគំនរបាក់បែកនៃអគារស្នាក់នៅមួយកន្លែង ដែលរងការវាយប្រហារដោយដ្រូន របស់រុស្ស៊ី កាលពីព្រឹកថ្ងៃអាទិត្យ នៅក្នុងតំបន់កៀវ ប្រទេសអ៊ុយក្រែន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអាទិត្យ ទី២២ ខែវិច្ឆិកា ឆ្នាំ២០២៦។

លោក ហ្សេឡេនស្គី បានបង្ហោះសារលើបណ្តាញសង្គម X ថា «ផ្នែកមួយនៃអគារស្នាក់នៅកម្ពស់ ៥ជាន់ បានបាក់រលំបន្ទាប់ពីការវាយប្រហារដោយដ្រូនរបស់រុស្ស៊ី។ ខ្ញុំសូមអរគុណដល់ក្រុមសង្គ្រោះបឋមរបស់យើងដែលបានអន្តរាគមន៍យ៉ាងឆាប់រហ័ស ដោយជម្លៀសមនុស្ស ៩នាក់ចេញរួចហើយ និងទប់ស្កាត់អគ្គិភ័យបានទាន់ពេលវេលា»។ ទន្ទឹមនឹងនេះ អាជ្ញាធរមូលដ្ឋានបានរាយការណ៍ថា មានមនុស្សចំនួន ២នាក់ រួមទាំងក្មេងជំទង់ម្នាក់ផង បានរងរបួស ខណៈវីដេអូរបស់សេវាសង្គ្រោះបន្ទាន់បានបង្ហាញពីសកម្មភាពក្រុមសង្គ្រោះកំពុងរុករកតាមគំនរបាក់បែកដ៏ធំ និងជួយជម្លៀសអ្នកស្រុកចុះពីអគារដែលរងការខូចខាតតាមរយៈជណ្តើរ និងរថយន្តស្ទូច។

គួរបញ្ជាក់ថា ការវាយប្រហារលើអគារស្នាក់នៅក្នុងស្រុកវីសហ្គោរ៉ូដ (Vyshhorod) តំបន់កៀវនេះ កើតឡើងស្របពេលដែលរុស្ស៊ីបន្តបង្កើនការវាយប្រហារតាមផ្លូវអាកាសដោយប្រើប្រាស់ដ្រូន និងមីស៊ីលជាបន្តបន្ទាប់លើរដ្ឋធានី និងតំបន់ជុំវិញនាចុងសប្តាហ៍នេះ បន្ទាប់ពីការវាយប្រហារដោយមីស៊ីលកាលពីថ្ងៃសុក្រកន្លងទៅបានសម្លាប់មនុស្ស ៧នាក់នៅទីក្រុងកៀវផងដែរ៕