រដ្ឋបាលខណ្ឌជ្រោយចង្វារ ទុកពេលមួយសប្ដាហ៍ឲ្យម្ចាស់គណនី Facebook មួយឡាយវីដេអូជេរប្រមាថមកលើអាជ្ញាធរខណ្ឌ ពេលចុះរៀបចំសណ្ដាប់ធ្នាប់ សុំទោសជាសាធារណៈ

* អ្នកស្លាប់ដោយសារជំងឺគ្រុនឈាមនៅបង់ក្លាដែសមានការកើនឡើង ហើយមិនទំនងជាថមថយត្រឹមខែធ្នូ

* Fresh Exclusive: ហេតុអ្វីអ្នកវិទ្យាសាស្ត្រប្រើ «ឆ្នាំពន្លឺ» ដើម្បីវាស់ចម្ងាយក្នុងចក្រវាឡ?

* សម្ដេចតេជោ ហ៊ុន សែន ផ្ញើសារជូនពរ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា ក្នុងឱកាសជ័យមង្គលនៃពិធីចម្រើនជន្មាយុ

* សម្ដេចមហាបវរធិបតី ហ៊ុន ម៉ាណែត អបអរសាទរក្រុមអត្តពលិកកម្ពុជា ដែលឈ្នះមេដាយ ៤គ្រឿង ក្នុងព្រឹត្តិការណ៍ប្រកួតកីឡានគរបាលពិភពលោកលើកទី៤ នៅសាធារណរដ្ឋដូមីនីក

* សម្ដេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំគណៈអចិន្ត្រៃយ៍ នៃយុវជនគណបក្សប្រជាជនកម្ពុជាថ្នាក់កណ្តាល

* កុមារដែលចំណាយពេលលេងបណ្ដាញសង្គមច្រើនពេក ងាយប្រឈមនឹងការឆបោកពីជនខិលខូចតាមរូបភាពផ្សេងៗ

* បារាំងប្រុងជើងការទប់ស្កាត់ភាពចលាចល ខណៈរដ្ឋាភិបាលលោក Macron ប្ដេជ្ញាចាត់វិធានការយ៉ាងម៉ឺងម៉ាត់

* ស្ថានទូតកម្ពុជាប្រចាំជប៉ុន ឆ្លើយតបនឹងការចោទប្រកាន់របស់សារព័ត៌មាន Nikkei Asia ពាក់ព័ន្ធនឹងប្រតិបត្តិការឆបោកតាមប្រព័ន្ធបច្ចេកវិទ្យានៅកម្ពុជា

* គណបក្សកុម្មុយនីស្តចិន បានបញ្ជាក់ពីការបណ្ដេញមន្ត្រី ៣៣រូបចេញពីបក្ស រួមមានអតីតសមាជិកការិយាល័យនយោបាយ លោក Ma Xingrui និងអតីតមេដឹកនាំយោធាជាន់ខ្ពស់ លោក Zhang Youxia

* វិភាគអន្តរជាតិ៖ ហេតុអ្វីគេគ្រប់គ្នាចង់ជួបលោក គីម ជុងអ៊ុន?

* វត្ថុសិល្បៈបុរាណខ្មែរចំនួន១៨រូប/បំណែក អាយុកាលជាង១ពាន់ឆ្នាំ ត្រូវបានរកឃើញនៅអង់គ្លេស និងប្រគល់មកខ្មែរវិញ ក្រោយរាជរដ្ឋាភិបាលកម្ពុជាទាមទារ

* កូរ៉េខាងត្បូង នឹងឈានទៅប្រើវិធានការផ្លូវច្បាប់លើសិស្ស ដែលប្រើវ៉ែនតាឆ្លាតវៃពេលប្រឡង

* នគរបាលរាជធានីភ្នំពេញ វាយខ្នោះ JJ.CHING ពាក់ព័ន្ធករណីបើករថយន្ដបុកមនុស្សស្លាប់នៅខណ្ឌជ្រោយចង្វារ

* មេបក្សប្រឆាំងលោកស្រី Machado ថាអាមេរិកស្នើវ៉េណេស៊ុយអេឡា រៀបចំការបោះឆ្នោតនៅឆ្នាំ២០២៧

* សម្តេចមហាបវរធិបតី ហ៊ុន ម៉ាណែត ណែនាំក្រសួងកសិកម្ម ពិនិត្យចែកពូជស្រូវ ពូជដំណាំដល់ប្រជាកសិករនៅកន្លែងដែលអាចដាំដុះឡើងវិញបាន។ ក្រសួងធនធានទឹក ត្រូវពិនិត្យមើលបណ្តាញទឹកសម្រាប់ផ្គត់ផ្គង់ដល់ការដាំដុះរបស់ប្រជាកសិករ

* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

* វិភាគអន្តរជាតិ៖ ហេតុអ្វីគេគ្រប់គ្នាចង់ជួបលោក គីម ជុងអ៊ុន?

រដ្ឋបាលខណ្ឌជ្រោយចង្វារ ទុកពេលមួយសប្ដាហ៍ឲ្យម្ចាស់គណនី Facebook មួយឡាយវីដេអូជេរប្រមាថមកលើអាជ្ញាធរខណ្ឌ ពេលចុះរៀបចំសណ្ដាប់ធ្នាប់ សុំទោសជាសាធារណៈ

31-03-2021 12:30

(ភ្នំពេញ)៖ រដ្ឋបាលខណ្ឌជ្រោយចង្វារ បានប្រកាសទុកពេលមួយសប្ដាហ៍ជូនម្ចាស់គណនី Facebook ឈ្មោះ «Pen Kakada» ដែលបាន Live វីដេអូជេរប្រមាថមកលើអាជ្ញាធរខណ្ឌ ពេលចុះរៀបចំសណ្ដាប់ធ្នាប់ក្នុងមូលដ្ឋាន គ្រាដែលខ្លួនមិនព្រមសហការជាមួយអាជ្ញាធរ ចេញមកសុំទោសជាសាធារណៈចំពោះកំហុសរបស់ខ្លួនលិខិតរបស់រដ្ឋបាលខណ្ឌជ្រោយចង្វារ ដែលបណ្ដាញព័ត៌មាន Fresh News ទទួលបាននៅព្រឹកថ្ងៃទី៣១ ខែមីនា ឆ្នាំ២០២១នេះ បានបញ្ជាក់ថា ក្នុងរយៈពេល១សប្ដាហ៍ប្រសិនបើម្ចាស់គណនី Facebook ខាងលើ មិនព្រមធ្វើការសុំទោសជាសាធារណៈនោះទេ រដ្ឋបាលខណ្ឌ នឹងកសាងសំណុំរឿងបញ្ជូនទៅតុលាការ។

គួរជម្រាបថា កាលពីថ្ងៃទី២៣ ខែមីនា ឆ្នាំ២០២១ អាជ្ញាធរខណ្ឌជ្រោយចង្វារ បានចុះរៀបចំសណ្តាប់ធ្នាប់ និងណែនាំអ្នកលក់ដូរឲ្យ ធ្វើការរុះរើរោង ដែលសាងសង់នៅលើដីចំណីផ្លូវសាធារណៈរបស់រដ្ឋ ធ្វើឲ្យប៉ះពាល់ដល់អ្នកដើរថ្មើរជើង និងថ្ងៃក្រោយនឹងមានការឈប់សំចតលើទ្រូងផ្លូវ ដើម្បីទិញឥវ៉ាន់ ដែលការឈប់ចតលើទ្រូងផ្លូវនេះធ្វើឲ្យមានការកកស្ទះ និងបាត់បង់សណ្តាប់ធ្នាប់របៀបរៀបរយសាធារណៈ ដែលរដ្ឋបាលខណ្ឌទាមទារចាំបាច់ត្រូវឲ្យគាត់រុះរើ ដើម្បីថែរក្សាស្ថានភាពដើម។

ក្នុងពេលចុះអនុវត្ត ម្ចាស់ផ្ទះ និងជាម្ចាស់គណនី Facebook ខាងលើ មិនបានចូលរួមសហការ និងបានអនុញ្ញាតឲ្យគេសង់រោងនៅលើចំណីផ្លូវសាធារណៈ ហើយថែមទាំងធ្វើការផ្សាយផ្ទាល់ (Video Live) ផ្សាយព័ត៌មានមិនពិត និងធ្វើការបរិហារកេរ្តិ៍មកលើរដ្ឋបាលខណ្ឌជ្រោយចង្វារ ដូចជា៖ ការប្រើពាក្យ ជេរប្រមាថកាតទាន ចោទអ្នករាជការសាធារណៈអំពីអំពើពុករលួយ ការសូកលុយ និងសម្លាប់អ្នកក្រ...ជាដើម។

រដ្ឋបាលខណ្ឌ សូមគូសបញ្ជាក់ថា ការចុះទៅនេះគឺជាការរៀបចំសណ្តាប់ធ្នាប់ ដើម្បីធានារក្សាបាននូវសុវត្ថិភាព សន្តិសុខ សណ្តាប់ធ្នាប់របៀបរៀបរយ និងសោភ័ណភាពនៅតាមដងផ្លូវ ហើយមិនបានធ្វើបាបអ្នកណានោះទេ។ ក្រោយមក រដ្ឋបាលខណ្ឌ បានអនុញ្ញាតឲ្យចេញដីកាកោះហៅសាមីខ្លួនឲ្យមកបំភ្លឺជុំវិញករណីបរិហារកេរ្តិ៍ជាសាធារណៈ ប៉ុន្តែម្ចាស់ផ្ទះ និងជាម្ចាស់គណនីខាងលើ មិនព្រមទទួលយកលិខិតកោះហៅ ហើយថែមទាំងបានធ្វើការផ្សាយផ្ទាល់ (Video Live) ប្រើពាក្យមិនគួរគប្បីទៅលើមន្ត្រីនគរបាលជាតិ ដែលបានយកដីកាកោះទៅជូនគាត់ថែមទៀតផង៕