* កិច្ចប្រជុំកំពូលហ្វ្រង់កូហ្វូនី លើកទី២០ ចេញសេចក្តីសម្រេចស្តីពីស្ថានភាពវិបត្តិ ស្ថានភាពចាកចេញពីវិបត្តិ និងស្ថានភាពពង្រឹងសន្តិភាពនៅក្នុងលំហហ្វ្រង់កូហ្វូនី ដោយបញ្ជាក់ជំហរគាំទ្រអធិបតេយ្យភាព និងបូរណភាពទឹកដីកម្ពុជា
* កិច្ចព្រមព្រៀង និងឯកសារគតិយុត្តចំនួន១០ ត្រូវបានចុះហត្ថលេខាក្នុងអំឡុងវេទិកាធុរកិច្ចបារាំង-កម្ពុជា ឆ្នាំ២០២៦ បើកផ្លូវជំរុញការធ្វើពាណិជ្ជកម្មលើវិស័យសំខាន់ៗ
* លោក ម៉ាក្រុង រំលេចពីមោទនភាពនៃការជួសជុល និងដាក់តាំង «ព្រះវិស្ណុផ្ទំ» នៅសារមន្ទីរ Guimet ដែលទាក់ទាញមនុស្សរាប់ម៉ឺននាក់ឱ្យស្គាល់អរិយធម៌ខ្មែរ
* ប្រធានាធិបតីបារាំង សម្តែងការកោតសរសើរយ៉ាងខ្លាំងចំពោះព្រះរាជបន្ទូលភាសាបារាំងដ៏ល្អឥតខ្ចោះរបស់ ព្រះមហាក្សត្រខ្មែរ
* សម្តេចធិបតី ហ៊ុន ម៉ាណែត ទទួលស្វាគមន៍ និងពិភាក្សាការងារជាមួយនាយករដ្ឋមន្ត្រីកាណាដា
* ព្រះមហាក្សត្រ ថ្លែងអំណរគុណប្រទេសបារាំង និងរាជរដ្ឋាភិបាលកម្ពុជា ចំពោះកិច្ចខិតខំប្រឹងប្រែងជួសជុលស្តារប្រាសាទមេបុណ្យខាងលិចឱ្យរស់ឡើងវិញ
* កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ បានបិទបញ្ចប់ដោយជោគជ័យ, ជាមួយការចេញសេចក្ដីថ្លែងការណ៍ទីក្រុងភ្នំពេញ ផ្តោតសំខាន់៣២ចំណុច
* ព្រះមហាក្សត្រខ្មែរ និងប្រធានាធិបតីបារាំង យាង និងអញ្ជើញសម្ពោធប្រាសាទមេបុណ្យខាងលិច ដែលចំណាយពេលជួសជុលយ៉ាងលំបាកអស់ ១៤ឆ្នាំ ចំណាយទឹកប្រាក់ ១២លានដុល្លារ
* វេទិកាធុរកិច្ចបារាំង-កម្ពុជា ឆ្នាំ២០២៦ ទាក់ទាញវិនិយោគិន និងអ្នកធុរកិច្ចបារាំង ជិត៣០០ក្រុមហ៊ុន មកសិក្សាពីឱកាសវិនិយោគ និងពាណិជ្ជកម្មនៅកម្ពុជា
* សម្តេចតេជោ ហ៊ុន សែន ជំរុញការទូតសភា និងកិច្ចសហប្រតិបត្តិការអាស៊ាន-សហភាពអឺរ៉ុប ក្នុងជំនួបជាមួយប្រធានសភាសហព័ន្ធវ៉ាឡូនី-ព្រុចសែល (PFWB)
* លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត រួមដំណើរជាមួយលោកជំទាវទី១ នៃបណ្តាប្រទេសជាមិត្តហ្វង់កូហ្វូនី ចូលក្រាបបង្គំគាល់ សម្តេចម៉ែ នៅព្រះបរមរាជវាំង
* ព្រះមហាក្សត្រខ្មែរ និងប្រធានាធិបតីបារាំង យាង និងអញ្ជើញសម្ពោធប្រាសាទមេបុណ្យខាងលិច ដែលចំណាយពេលជួសជុលយ៉ាងលំបាកអស់ ១៤ឆ្នាំ ចំណាយទឹកប្រាក់ ១២លានដុល្លារ
* សម្តេចតេជោ ហ៊ុន សែន អនុញ្ញាតឱ្យ សមាជិកសភាកាណាដា ចូលជួបសម្តែងការគួរសម និងពិភាក្សាការងារ នៅវិមានសាមគ្គីភាព
* Fresh Exclusive: មេដឹកនាំកំពូលពិភពលោកជួបជុំគ្នានៅភ្នំពេញ៖ តើកម្ពុជាអាចបម្លែងជោគជ័យការទូតទៅជាផលប្រយោជន៍ជាតិបានយ៉ាងដូចម្តេច?
* ប្រធានាធិបតីបារាំង អេម៉ានុយអែល ម៉ាក្រុង អញ្ជើញដាក់កម្រងផ្កាគោរពវិញ្ញាណក្ខន្ធនៅស្តូបមិត្តភាពកម្ពុជា-បារាំងក្នុងរាជធានីភ្នំពេញ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ស្ថាប័នរដ្ឋ និងដៃគូពាក់ព័ន្ធ ប្រជុំរៀបចំលិខិតបទដ្ឋានគតិយុត្តមួយ កំណត់អាយុអប្បរបរមាក្នុងការទិញគ្រឿងស្រវឹងនៅកម្ពុជា

27-05-2023 18:15

(ភ្នំពេញ)៖ ស្ថាប័នរដ្ឋ និងដៃគូពាក់ព័ន្ធក្នុងវិស័យសាធារណៈ និងឯកជនបានជួបប្រជុំគ្នាម្តងទៀតដើម្បី «កំណត់អាយុគ្រឿងស្រវឹង និងទិញស្របច្បាប់អប្បបរមា Legal Purchasing Age (LPA) លទ្ធផលការស្រាវជ្រាវសារាចរ នៃការផ្សព្វផ្សាយ និងការពិភាក្សានូវជំហានបន្ទាប់» ដើម្បីពិភាក្សាអំពីតម្រូវការសម្រាប់ LPA នៅក្នុងប្រទេសកម្ពុជា។

កិច្ចប្រជុំនៅថ្ងៃទី២៥ ខែឧសភា ឆ្នាំ២០២៣ ធ្វើឡើងក្រោមអធិបតីភាព លោក ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» នៃក្រសួងពាណិជ្ជកម្ម វិទ្យាស្ថានចក្ខុវិស័យអាស៊ី (AVI) បានផ្តួចផ្តើមស្នើការប្រជុំបន្តកិច្ចសន្ទនាជាមួយភាគី និងអង្គភាពពាក់ព័ន្ធ បន្ទាប់ពីកិច្ចប្រជុំលើកដំបូងក្នុងខែមករាកន្លងទៅនេះ ដែលមានកិច្ចព្រមព្រៀងរួមស្តីពីសារៈសំខាន់នៃ LPA សម្រាប់ប្រទេសកម្ពុជា។

ជាផ្នែកនៃវគ្គសន្ទនាទីពីរ លទ្ធផលការស្រាវជ្រាវរួមគ្នា ដែលធ្វើឡើងដោយ AVI និង MM4A ស្តីពីការយល់ឃើញ ទស្សនៈរបស់យុវជនក្នុងប្រទេសកម្ពុជា លើការកំណត់អាយុទិញគ្រឿងស្រវឹងស្របច្បាប់អប្បបរមា LPA ត្រូវបានដាក់បង្ហាញ និងចែករំលែក។ ឯកសារស្រាវជ្រាវបង្ហាញថា ៨៥ភាគរយ នៃអ្នកដែលបានស្ទង់មតិ មានគាំទ្រដល់កិច្ចចាប់ផ្តើមកំណត់ច្បាប់អាយុទិញគ្រឿងស្រវឹងស្របច្បាប់ LPA នៅក្នុងប្រទេសកម្ពុជា និង៧៣ភាគរយ បញ្ជាក់ថាអាយុស្របច្បាប់គួរតែត្រូវបានកំណត់ចាប់ពីអាយុ១៨ឆ្នាំឡើង។

ការឯកភាពគ្នាក្នុងចំណោមយុវជនកម្ពុជា ដែលត្រូវបានស្ទង់មតិ បានឆ្លុះបញ្ចាំងពីការព្រួយបារម្ភលើបញ្ហា នៃការសេព គ្រឿងស្រវឹងមិនទាន់គ្រប់អាយុ ដោយប្រមាណ៣៣ភាគរយបង្ហាញថា ពួកគេសេពគ្រឿងស្រវឹងឬ ភេសជ្ជៈមានជាតិអាកុលក្រោមអាយុ១៨ឆ្នាំ និងមានករណីខ្លះ ក្មេងដល់អាយុ៦ឆ្នាំ។ លើសពីនេះអត្រា ៦៣ភាគរយបង្ហាញថា ពួកគេបានទិញភេសជ្ជៈមានជាតិអាកុល ក្នុងដេប៉ូតូចៗ និងកន្លែងលក់រាយក្រៅពាណិជ្ជកម្ម (ហាងលក់ទំនិញតូច និងចាប់មួយហួយ)។

យោងតាមស្ថិតិនេះ បានបង្ហាញយ៉ាងជាក់ច្បាស់នូវចន្លោះបញ្ហា មួយក្នុងប្រទេសកម្ពុជានាពេលបច្ចុប្បន្នដោយយុវជនមាន ភាពងាយស្រួលក្នុងការទិញគ្រឿស្រវឹង និងភេសជ្ជៈមានជាតិអាល់កុល។ វិស័យឯកជននៅក្នុងប្រទេសកម្ពុជា រួមទាំងអ្នកផលិតស្រាបៀរ និងភេសជ្ជៈមានអាកុល អ្នកចែកចាយ អ្នកលក់រាយ ក៏ដូចជាវិស័យបដិសណ្ឋារកិច្ច វិស័យម្ហូបអាហារ និងភេសជ្ជៈ (F&B) បានធ្វើការប្តេជ្ញាចិត្តយ៉ាងមោះមុតជាសាធារណៈ ក្នុងការគាំទ្រកិច្ចខិតខំប្រឹងប្រែងរបស់រដ្ឋាភិបាលក្នុងការការពារយុវជន ដែលមានអាយុក្រោម១៨ឆ្នាំ ពីការសេពភេសជ្ជៈមានជាតិស្រវឹង។

ក្នុងឱកាសនោះ លោក ផាន អូន បានសង្កត់ធ្ងន់ថា «ថ្ងៃនេះជាសិក្ខាសាលា សិក្ខាសាលាថ្ងៃនេះគឺជាការ ចែករំលែក និងពិភាក្សាដ៏អស្ចារ្យនាំឲ្យមានការពង្រឹង និងឯកភាព យ៉ាងមុតមាំក្នុងច្បាប់អនុក្រឹត្យអាយុទិញគ្រឿស្រវឹងស្របច្បាប់អប្បបរមា LPA សម្រាប់ប្រទេសកម្ពុជា ជាមួយអាយុដ៏សមស្របមួយ ក្នុងទម្រង់ជាឯកសារច្បាប់»។

អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» គាំទ្រយ៉ាងពេញទំហឹងចំពោះយុទ្ធសាស្រ្តនេះ ហើយមានក្តីសោមនស្សរីករាយក្នុងការដឹកនាំ លើសេចក្តីព្រាងអនុក្រឹត្យ រៀបចំកិច្ចប្រជុំនក្រសួងដែលមានពាក់ព័ន្ធ និងសម្រេចបាននូវព្រឹត្តិការណ៍ដ៏សំខាន់នេះ ក្នុងការការពារអនីតិជនពីការសេពគ្រឿងស្រវឹង និងភេសជ្ជៈដែលមានជាតិអាកុល៕