(ព្រះវិហារ)៖ ដោយទទួលបានការយកចិត្តទុក្ខដាក់ដ៏ខ្ពង់ខ្ពស់របស់លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ លោក ម៉ប់ ធារិទ្ធ ប្រធានមន្ទីរអភិវឌ្ឍន៍ជនបទខេត្តព្រះវិហារ នៅថ្ងៃទី៣០ ខែកក្កដា ឆ្នាំ២០២៥ បានអញ្ជើញចុះពិនិត្យបន្ទាន់នូវដំណើរការផ្គត់ផ្គង់ទឹកពីអណ្តូងស្នប់ និងស្ថានភាពអនាម័យនៅមណ្ឌលសុវត្ថិភាពវត្តទួលអណ្ដែតស្ថិតនៅភូមិថ្នល់បែក ឃុំថ្មីស្រុកគូលេន។ ទន្ទឹមនឹងនេះ លោកប្រធានមន្ទីរបានចាប់មន្ត្រី ៤រូប ដើម្បីប្រចាំការនៅមណ្ឌលសុវត្ថិភាពជនភៀសសឹក វត្តឧត្តមគិរីទួលអណ្តែត (ហៅវត្តថ្នល់បែក)នេះផងដែរ។

នាឱកាសនោះដែរ លោកប្រធានមន្ទីរ រួមជាមួយក្រុមការងារ បានទទួលអំណោយមនុស្សធម៌ជាសម្ភារៈពីអង្គការយូនីសេហ្វ និងអង្គការ Plan International ដើម្បីផ្តល់ជូនរដ្ឋបាលខេត្ត ធ្វើការចែកចាយជូនជនភៀសសឹកបន្ត រួមមានដូចខាងក្រោម៖

១៖ ធុងចម្រោះសេរ៉ាមិក ១០០ធុង
២៖ ធុងទឹកជ័រយួរចំនុះ២០លីត្រ ចំនួន៨០០ធុង
៣៖ ប៊ីដុងជ័រយួរចំណុះ២០លីត្រ ចំនួន២៥០ប៊ីដុង
៤៖ សាប៊ូដុំលាងដៃ ចំនួន១៥ ០០០ដុំ
៥៖ សាប៊ូម៉្សៅកញ្ចប់ ចំនួន២៥០កញ្ចប់
៦៖ សំឡីអនាម័យ ចំនួន ៥០កេស
៧៖ ធុងចម្រោះទឹកចំនួន២១ធុង វត្តទួលអណ្តែត=៧ធុង និងវត្តត្រាវគៀត=៥ធុង និងស្រុកឆែប=៩ធុង ដើម្បីប្រគល់ជូនរដ្ឋបាលសាលាខេត្តព្រះវិហារ សម្រាប់ចែកជូនដល់ជនភៀសសឹក វត្តឧត្តមគិរីទួលអណ្តែត (ហៅវត្តថ្នល់បែក) ស្ថិតនៅភូមិថ្នល់បែក ឃុំថ្មី ស្រុកគូលេន៕

បន្ថែមពីនេះ ក្រសួងអភិវឌ្ឍន៍ជនបទ លោកម៉ប់ ធារិទ្ធ បានថ្លៃអំណរគុណយ៉ាងជ្រាលជ្រៅចំពោះអង្គការយូនីសេហ្វនិងអង្គការ plane international ដែលបានផ្ដល់ជាអំណោយសង្គ្រោះបន្ទាន់ដល់ជនភៀសសឹកនៅខេត្តព្រះវិហារនេះ៕