(សៀមរាប)៖ លោក ហួត ហាក់ រដ្ឋមន្ត្រីក្រសួងទេសចរណ៍ នារសៀលថ្ងៃទី៣០ ខែកក្កដា ឆ្នាំ២០២៥ បានអញ្ជើញជាអធិបតីក្នុងពិធីប្រគល់ទទួលអំណោយសប្បុរសធម៌ ជូនដល់ប្រជាពលរដ្ឋភៀសសឹកប្រមាណ ៤៤៥ គ្រួសារ នៅទីទួលសុវត្ថិភាពក្នុងស្រុកស្វាយលើ ខេត្តសៀមរាប។

សូមបញ្ជាក់ថា អំណោយមនុស្សធម៌ខាងលើ ទទួលបានពីមូលនិធិមហាគ្រួសារវិស័យទេសចរណ៍ និងប្រជាពលរដ្ឋខ្មែរពីគ្រប់ទិសទី ព្រមទាំងមិត្តបរទេស។ អំណោយមនុស្សធម៌រួមមាន គ្រឿងឧបភោគបរិភោគ និងសម្ភារៈប្រើប្រាស់ជាច្រើនមុខ។

ថ្លែងក្នុងពិធីដ៏មានអត្ថន័យនេះ រដ្ឋមន្ត្រី ហូត ហាក់ បានថ្លែងអំណរគុណ និងគោរពដឹងគុណដល់វីរកងទ័ពជួរមុខកម្ពុជា ក្នុងការការពារបូរណភាពទឹកដី តាមខ្សែរបន្ទាត់ព្រំដែន ប្រកបដោយភាពអង់អាចក្លាហាន និងឈរជើងយ៉ាងរឹងមាំប្រឆាំងនឹងសត្រូវឈ្លានពាន។

ក្នុងឱកាសនោះ រដ្ឋមន្ត្រី ហួត ហាក់ បានបញ្ជាក់ជូន ប្រជាពលរដ្ឋ ឲ្យមានជំនឿចិត្តលើចំណាត់ការបស់រាជរដ្ឋាភិបាល ដែលតែងតែនៅជាមួយបងប្អូន គ្រប់កាលៈទេសៈ និងគ្រប់ដំណាក់កាល៕