(ភ្នំពេញ)៖ ដំណេីរទស្សនកិច្ច​ និងនាំការឧបត្ថមជួយដល់ពលរដ្ឋភៀសខ្លួន​ កងទ័ពបន្តិចបន្តួចរបស់ក្រុមការងារសមាគមយុវជនអ្នកបន្តវេន​ -SYA នៅតាមបណ្ដោយព្រំដែនកម្ពុជា-ថៃ​ រហូតដល់ព្រំប្រទល់ឡាវ​ (ប៉ោយប៉ែត, អូរបីជាន់​, បឹងត្រកួន, ស្វាយចេក, បន្ទាយឆ្មា, ក្រុងសំរោង, អូរស្មាច់, ស្រយ៉ង, ស្រអែម, ទិសភ្នំខ្មោច, ​ប្រាសាទព្រះវិហារ, អានសេះ, មុំបី, ស្រុកឆែប) តែបានត្រឹមតែចម្ងាយ១៥-៣០គីឡូម៉ែត្រ ពីតំបន់ផ្ទុះសង្រ្គាមឈ្លានរបស់ថៃមកលេីដែនអធិបតេយ្យភាព របស់ប្រទេសកម្ពុជា។

ដំណេីរបេសកកម្ម​ នៅថ្ងៃទី២៨ ដល់ថ្ងៃទី២៩ ខែកក្កដា ឆ្នាំ២០២៥ ពោលគឺមុន១ ថ្ងៃមុនបទឈប់បាញ់ និង១ថ្ងៃ នៃការឯកភាពបទឈប់បាញ់​, លោក រិន​ សុភក្ដិ​ និងក្រុមការងារចំនួន ៣នាក់​ បានទៅដល់កៀកក្បែរសមរភូមិ​ បានលឺសម្លេងគ្រាប់លាន់លឺដូចផ្គរលាន់​ គួរឱ្យរន្ធត់​ ហេីយសភាពការណ៍នៅតាមផ្ទះរបស់ពលរដ្ឋបានបិទទ្វារចោលនៅសល់តែសត្វឆ្កែយាមផ្ទះ​ ស្ងាត់ជ្រងំ​ ដូចដែលចាស់សម័យ ប៉ុល​ ពត​ តែងនិយាយប្រាប់ដល់ពួកយេីងខ្ញុំនិងបន្តរត់ភៀសខ្លួនទៅទួល់សុវត្ថិភាព​ គួរឱ្យសង្រែក​ បានបាត់បង់ប្រាក់ចំណូលទាំងស្រុង​ ចោលផលរបរប្រចាំថ្ងៃ​ ដេីម្បីតែរក្សាជីវិតឱ្យនិងផុតពីភ្លេីងសង្រ្គាម​។

លោក រិន សុភក្ត បានឱ្យដឹងថា លោក រួមជាមួយក្រុមការងារបានជួបជាមួយពលរដ្ឋភៀសសឹក​ ពួកគាត់ចង់បានសន្តិភាព​ មិនចង់ឱ្យសង្គ្រាម​ ទទូចដល់ថ្នាក់ដឹកនាំប្រទេស​ សម្ដេចតេជោ​ សម្ដេចធិបតី​ មេត្តាជួយបញ្ចប់សង្គ្រាមឱ្យលឿនផង​ ពួកគាត់នឹងផ្ទះសម្បែង​ ចង់រស់នៅជួបជុំគ្រួសារ​ ដូចសព្វដង។

លោកថាទៅដល់ទិសភ្នំខ្មោចចម្ងាយ១៥គីឡូម៉ែត្រ ពីភ្នំខ្មោច​ជាប់និងបន្ទាយវរសេនាតូចអន្តរាគមន៍លេខ៣៧១​ នៅវេលា១២:០៥ថ្ងៃត្រង់​ទី២៩ ខែកក្កដា បន្ទាប់ពីមានការឯកភាពបទឈប់បាញ់រវាងរាជដ្ឋាភិបាលកម្ពុជានិងថៃ​, លោកបានជួបបងស្រី០២នាក់​ ដែលជាភរិយាពលទាហានជួរមុខបានៀរាប់ថា​៖ «ខ្ញុំ ២នាក់បាននៅផ្ទះរហូតចាប់ពីបាញ់គ្នាពី២៤ ដល់ថ្ងៃទី២៨ ខែកក្កដា ឆ្នាំ២០២៥ បានលឺនិងឃេីញគ្រប់កាំភ្លេីងធំបាញ់រលងភ្នំទៅមក​ ដូចភ្លេីងទៀន​ លឺលាន់កងរពងរហូតដល់ម៉ោង ៨ព្រឹកនៃថ្ងៃទី២៩ ខែកក្កដា ឆ្នាំ២០២៥ គឺភាគីថៃព្យាយាមបាញ់សម្រុកមកលេីកម្ព្ជជាយ៉ាងគគ្លើន និងស្រេកឃ្លានទឹកដីកម្ពុជា។ នាងខ្ញុំទាំងពីរនាក់ស៊ូនៅមិនចាកចេញពីផ្ទះដោយសារកូន​ ស្វាមី​ ឡេីងទៅប្រយុទ្ធជួរមុខចំនួន ៥ថ្ងៃ​ មិនអាចទាក់ទងបានទេ​ គឺដេកនៅចាំពួគាត់​ ពេលផ្ទះបេពួកខ្ញុំរត់ចូលត្រង់សេ​ ពេលស្ងាត់ចេញមកក្រៅ​ ហេីយក្នុងភូមិនេះនៅខ្ញុំតែ ២នាក់ទេ​ ក្រៅពីនោះរត់ភៀសសឹកអស់ហេីយ។ នាងខ្ញុំសំណូមពរឱ្យមានការចរចាបញ្ចប់សង្គ្រាម​ និងចង់បានសន្តិភាព​ មិនចង់ឱ្យមានសង្គ្រាមទេ​ ហេីយពួកគាត់ជឿជាក់លេីសម្ដេចតេជោ​-សម្ដេចធិបតី​ ជានិច្ច»។

លោក រិន សុភក្ត បានថ្លែងថា ក្នុងនាមជាយុវជនជំនាន់ក្រោយគ្រាន់តែមានឆន្ទៈស្វែងយល់ពីសង្រ្គាមឈ្លា​នពានរបស់ថៃ​ លេីដែនអធិបតេយ្យរបស់កម្ពុជា​ ទេីបជំរុញទឹកចិត្តរបស់លោក និងក្រុមការងារសម្រេចចិត្តធ្វេីដំណេីរតាមបណ្ដោយព្រំដែនជម្លោះកម្ពុជា-ថៃ​ មិនខ្កាចរអារ​ ដេីម្បីបានឃេីញ​ បានលឺពីទង្វេីការឈ្លានពានទឹករបស់ថៃ មកលេីកម្ពុជា​ ហេីយចង់បង្ហាញពីការឈឺឆ្អាលរបស់យុវជនក្នុងការស្រលាញ់ជាតិ​ ព្រមទាំងយកព័ត៌មានជាក់ស្ដែងពីប្រភពប្រជាលរដ្ឋដែលនៅក្បែរសមរភូមិ​ នឹងងាយផ្ដល់ព័ត៌មានដល់សប្បុរសជនដែលមានបំណងជួយដល់កងទ័ព។

លោក​ រិន​ សុភក្ដិ​ លោក​ ឃន​ រដ្ឋា​ និងលោក​ ប៉ាន់​ ឃឿ​ន​ បានបំពេញបេសកកម្ម ០២ថ្ងៃនេះ​ សូមសូមថ្កោលទោស​ ចំពោះទង្វេីដ៏អាក្រក់របស់ភាគីថៃដែលបំពាន​ និងព្យាយាមបញ្ឆេះសង្រ្គាមទោះមានបទឈប់បាញ់ក៏ដោយ​ ដែលរឿងពិតមិនប្រកែកបាន​។ ជាយុវជនជំនាន់ក្រោយសូមអំពាវនាវដល់អន្តរជាតិ​ ថ្កោលទោសចំពោះទង្វេីអមនុស្សធម៌​ មិនគោរពច្បាប់អន្តរជាតិ​, MOU-2000, អនុសញ្ញានិងសន្ធិសញ្ញា​ បារាំង-សៀម​ ស្របពេលកម្ពុជាប្រកាន់ជំហរជានិច្ចក្នុងការដោះស្រាយដោយសន្តិវិធី​ សន្តិភាព គោរពតុលាការយុត្តិធម៌អន្តរជាតិ​ គោរច្បាប់អន្តរជាតិ​ ជំហរប្រែក្លាយខ្សែបន្ទាត់ព្រំដែនជាព្រំដែនសន្តិភាព​ មិត្តភាព​ កិច្ចសហប្រតិបត្តិការ​ និងការអភិវឌ្ឍ។ អាណិតប្រជាជនស្លូតត្រង់​ ដែលគ្នារងគ្រោះដោសារសង្គ្រាម។

លោកក៏សូមចូលរួមរំលែកទុក្ខដ៏ក្រៀមក្រំដល់គ្រួសារពលទាហានបានពលីជីវិតក្នុងសមរភូមិ​ ក្នុងបេសកកម្មការពារជាតិ​ មាតុភូមិ​។ យេីងសូមដឹងគុណ​ និងចងចាំជានិច្ចនៃវីរភាពដ៏អង់អាចរបស់ទាហានបានពលី និងជឿជាក់លេីរាជរដ្ឋាភិបាល​ដឹកនាំដោយ​ សម្ដេចមហាបវធិបតី​ ហ៊ុន​ ម៉ាណែត​ នាយករដ្ឋមន្រ្តីនៃព្រះរាជាណាចក្រកម្ពុជា​ បញ្ចប់បញ្ហាជម្លោះព្រំដែនកម្ពុជា-ថៃ​ ដោយសន្តិវិធី​ និងការពារបានដែនអធិបតេយ្យភាពរបស់ជាតិ៕