(ភ្នំពេញ)៖ ក្រុមការងារ អតីតនិស្សិត និងនិស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) រាជធានីភ្នំពេញ នារសៀលថ្ងៃទី៣០ ខែកក្កដា ឆ្នាំ២០២៥ បានចូលរួមយ៉ាងសស្រាក់សស្រាំរៀបចំបែងចែកសម្ភារៈដែលទទួលបានពីការបរិច្ចាគរបស់ប្រជាពលរដ្ឋ ក្នុងយុទ្ធនាការ «ចាស់អ្នក ថ្មីខ្ញុំ» នៅស្នាក់ការកណ្ដាលសមាគមកាយឫទ្ធិនារីកម្ពុជា ដើម្បីត្រៀមផ្តល់ជូនសមរភូមិជួរមុខ, ជូនប្រជាពលរដ្ឋជាជនភៀសសឹក, ពលករមកពីប្រទេសថៃ និងប្រជាពលរដ្ឋខ្វះខាតដទៃទៀត សម្រាប់យកទៅប្រើប្រាស់តាមតម្រូវការជាក់ស្តែងប្រចាំថ្ងៃ។

ការចូលរួមរបស់កម្លាំងយុវជន អ.ម.ត នៅគ្រប់សកម្មភាព គ្រាដែលប្រទេសជាតិប្រឈមនឹងការឈ្លានពាន បានបង្ហាញអំពីការចូលរួមឈឺឆ្អាលនៃការទទួលខុសត្រូវសង្គម តាមលទ្ធភាព និងជាការប្រមូលផ្តុំកម្លាំងសាមគ្គីប្រកបដោយស្មារតីឯកភាពជាធ្លុងមួយ ដើម្បីកសាងសង្គមជាតិឱ្យកាន់តែរឹងមាំ៕