(សៀមរាប)៖ លោក ង៉ាន់ សេងឡុង ភ្នាក់ងារបណ្ដាញព័ត៌មាន Fresh News ប្រចាំខេត្តព្រះវិហារ និងខេត្តឧត្តរមានជ័យ រួមជាមួយភរិយារបស់លោក នៅថ្ងៃទី៣១ ខែកក្កដា ឆ្នាំ២០២៥ បាននាំយកអំណោយរបស់សប្បុរជន ជូនជនភៀសសឹកដែលកំពុងស្នាក់នៅវត្តអូរតាកុក ភូមិអូរតាកុក ឃុំកន្ទូត ស្រុកស្វាយលើ ខេត្តសៀមរាប។

អំណោយរបស់សប្បុរសជនដែលត្រូវបានយកទៅប្រគល់ជូនជនភៀសសឹកនោះរួមមាន គ្រឿងឧបភោគ បរិភោគ សម្លៀកបំពាក់ និងសម្ភារប្រើប្រាស់ប្រចាំថ្ងៃផងដែរ ដែលនេះជាការចូលរួមចំណែកសម្រួលដល់ការខ្វះខាត និងបំពេញតម្រូវការមួយផ្នែកក្នុងអំឡុងពេលលំបាកនេះ។

ជនភៀសសឹកដែលបានទទួលអំណោយនេះ បានថ្លែងអំណរគុណយ៉ាងជ្រាលជ្រៅតាមរយៈភ្នាក់ងារ Fresh News ជូនដល់ម្ចាស់ជំនួយ ចំពោះសន្ដានចិត្ត និងគិតគូរដល់ពួកគាត់ដែលជាការចូលរួមចំណែកជាមួយរាជរដ្ឋាភិបាល សម្រាប់ជនភៀសសឹកដែលជួបការលំបាក៕