(ភ្នំពេញ)៖ ដើម្បីចូលរួមចំណែកជួយសម្រាលបន្ទុក និងជាការដឹងគុណដល់វិរយោធិនកម្ពុជាដែលបាន ពលីជីវិត ឬរងរបួសធ្ងន់ដែលផ្តើមចេញពីការឈ្លានពាន នៅតាមតំបន់ជាយដែនខ្មែរ-ថៃ ក្នុងពេលថ្មីៗនេះ គណៈគ្រប់គ្រងសាកលវិទ្យាល័យ ឯកទេស នៃកម្ពុជា (CUS) សូមប្រកាសផ្តល់ជូននូវអាហារូបករណ៍១០០% ចំនួន៥០កន្លែង សម្រាប់សិក្សាថ្នាក់បរិញ្ញាបត្ររង ឬថ្នាក់បរិញ្ញាបត្រ សិក្សាលើឯកទេសណាមួយដែលទីតាំង ឬសាខាណាមួយរបស់សាកលវិទ្យាល័យ ឯកទេស កម្ពុជា មានរយៈពេលមួយចប់កម្មវិធី ដល់កូនៗគ្រួសារវិរយោធិន ក្នុងបុព្វហេតុការពារទឹកដី ជូនជាតិមាតុភូមិកម្ពុជា។

សាកលវិទ្យាល័យ ឯកទេស នៃកម្ពុជា (CUS) សូមសម្តែងនូវការគោរពដឹងគុណដ៏ជ្រាលជ្រៅបំផុត ចំពោះវីរយោធិនកម្ពុជា គ្រប់រូបដែលបានពលីប្តូរផ្តាច់ជូនជាតិមាតុភូមិយើងក្នុងអំឡុងពេលនេះ។ សាកលវិទ្យាល័យ ឯកទេស នៃកម្ពុជា (CUS) ជឿជាក់ថា តាមរយៈការផ្តល់អាហារូបករណ៍នេះ នឹងរួមចំណែកសម្រាលបន្ទុកផ្នែកអប់រំ សម្រាប់អនាគតដ៏ភ្លឺស្វាងនៃបុត្រធីតារបស់ក្រុមគ្រួសារវីរយោធិន។

អាស្រ័យដូចបានជម្រាបជូនខាងលើនេះ សូមគ្រួសារវិរយោធិនពលីជីវិត ឬបាត់បង់លទ្ធភាពក្នុងអាជីព ដោយសារតែរងរបួសផ្តើមចេញពីការឈ្លានពាននៅតាមតំបន់ជាយដែនខ្មែរ-ថៃក្នុងពេលថ្មីៗនេះ ទំនាក់ទំនងមកកាន់ទីតាំង ឬសាខាណាមួយរបស់សាកលវិទ្យាល័យ ឯកទេស នៃកម្ពុជាដោយផ្ទាល់ ឬ តាមរយៈលេខទូរស័ព្ទដូចខាងក្រោមចាប់ពីថ្ងៃជូនដំណឹងនេះ រហូតដល់ថ្ងៃទី២៨ ខែកញ្ញា ឆ្នាំ២០២៥៕