(ភ្នំពេញ)៖ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថាស្ថានភាពពេលនេះទាំងប្រជាពលរដ្ឋ មន្ត្រី ថ្នាក់ដឹកនាំ កងទ័ពកម្ពុជានាពេលនេះ គឺបានរួមគ្នាជាធ្លុងមួយចូលគ្នាយ៉ាងណែន ជាពិសេសប្រជាពលរដ្ឋដែលធ្លាប់ឆ្លងកាត់សង្គ្រាមពិតជាចង់បានការរួបរួមគ្នាដូចពេលនេះ។

លោក បានបញ្ជាក់ថារាប់តាំងមន្ត្រីក្រសួង អាជ្ញាធរមូលដ្ឋាន ក្រុមការងាររាជរដ្ឋាភិបាលចុះមូលដ្ឋាន បានសហការគ្នាយ៉ាងជិតស្និទ្ធដើម្បីសម្របសម្រួល និងរង់ចាំទទួលបងប្អូនពលករខ្មែរ ប្រជាពលរដ្ឋខ្មែរ ដែលចាកចេញពីប្រទេសថៃមកកាន់កម្ពុជាវិញ៕